කාලභෛරවාෂ්ටකම්

දේවරාජ-සේව්යමාන-පාවනාංඝ්රි-පංකජං
ව්යාළයජ්ඤ-සූත්රමිංදු-ශේඛරං කෘපාකරම් ।
නාරදාදි-යෝගිබෘංද-වංදිතං දිගංබරං
කාශිකාපුරාධිනාථ කාලභෛරවං භජේ ॥ 1 ॥

භානුකෝටි-භාස්වරං භවබ්ධිතාරකං පරං
නීලකංඨ-මීප්සිතාර්ධ-දායකං ත්රිලෝචනම් ।
කාලකාල-මංබුජාක්ෂ-මක්ෂශූල-මක්ෂරං
කාශිකාපුරාධිනාථ කාලභෛරවං භජේ ॥ 2 ॥

ශූලටංක-පාශදංඩ-පාණිමාදි-කාරණං
ශ්යාමකාය-මාදිදේව-මක්ෂරං නිරාමයම් ।
භීමවික්රමං ප්රභුං විචිත්ර තාංඩව ප්රියං
කාශිකාපුරාධිනාථ කාලභෛරවං භජේ ॥ 3 ॥

භුක්ති-මුක්ති-දායකං ප්රශස්තචාරු-විග්රහං
භක්තවත්සලං ස්ථිරං සමස්තලෝක-විග්රහම් ।
නික්වණන්-මනෝජ්ඤ-හේම-කිංකිණී-ලසත්කටිං
කාශිකාපුරාධිනාථ කාලභෛරවං භජේ ॥ 4 ॥

ධර්මසේතු-පාලකං ත්වධර්මමාර්ග නාශකං
කර්මපාශ-මෝචකං සුශර්ම-දායකං විභුම් ।
ස්වර්ණවර්ණ-කේශපාශ-ශෝභිතාංග-මංඩලං
කාශිකාපුරාධිනාථ කාලභෛරවං භජේ ॥ 5 ॥

රත්න-පාදුකා-ප්රභාභිරාම-පාදයුග්මකං
නිත්ය-මද්විතීය-මිෂ්ට-දෛවතං නිරංජනම් ।
මෘත්යුදර්ප-නාශනං කරාළදංෂ්ට්ර-මෝක්ෂණං
කාශිකාපුරාධිනාථ කාලභෛරවං භජේ ॥ 6 ॥

අට්ටහාස-භින්න-පද්මජාංඩකෝශ-සංතතිං
දෘෂ්ටිපාත-නෂ්ටපාප-ජාලමුග්ර-ශාසනම් ।
අෂ්ටසිද්ධි-දායකං කපාලමාලිකා-ධරං
කාශිකාපුරාධිනාථ කාලභෛරවං භජේ ॥ 7 ॥

භූතසංඝ-නායකං විශාලකීර්ති-දායකං
කාශිවාසි-ලෝක-පුණ්යපාප-ශෝධකං විභුම් ।
නීතිමාර්ග-කෝවිදං පුරාතනං ජගත්පතිං
කාශිකාපුරාධිනාථ කාලභෛරවං භජේ ॥ 8 ॥

කාලභෛරවාෂ්ටකං පඨංති යේ මනෝහරං
ජ්ඤානමුක්ති-සාධකං විචිත්ර-පුණ්ය-වර්ධනම් ।
ශෝකමෝහ-ලෝභදෛන්ය-කෝපතාප-නාශනං
තේ ප්රයාංති කාලභෛරවාංඝ්රි-සන්නිධිං ධ්රුවම් ॥

ඉති ශ්රීමච්චංකරාචාර්ය විරචිතං කාලභෛරවාෂ්ටකං සංපූර්ණම් ।