වසුදේව සුතං දේවං කංස චාණූර මර්දනම් ।
දේවකී පරමානංදං කෘෂ්ණං වංදේ ජගද්ගුරුම් ॥
අතසී පුෂ්ප සංකාශං හාර නූපුර ශෝභිතම් ।
රත්න කංකණ කේයූරං කෘෂ්ණං වංදේ ජගද්ගුරුම් ॥
කුටිලාලක සංයුක්තං පූර්ණචංද්ර නිභානනම් ।
විලසත් කුංඩලධරං කෘෂ්ණං වංදේ ජගද්ගුරම් ॥
මංදාර ගංධ සංයුක්තං චාරුහාසං චතුර්භුජම් ।
බර්හි පිංඡාව චූඩාංගං කෘෂ්ණං වංදේ ජගද්ගුරුම් ॥
උත්ඵුල්ල පද්මපත්රාක්ෂං නීල ජීමූත සන්නිභම් ।
යාදවානාං ශිරෝරත්නං කෘෂ්ණං වංදේ ජගද්ගුරුම් ॥
රුක්මිණී කේළි සංයුක්තං පීතාංබර සුශෝභිතම් ।
අවාප්ත තුලසී ගංධං කෘෂ්ණං වංදේ ජගද්ගුරුම් ॥
ගෝපිකානාං කුචද්වංද කුංකුමාංකිත වක්ෂසම් ।
ශ්රීනිකේතං මහේෂ්වාසං කෘෂ්ණං වංදේ ජගද්ගුරුම් ॥
ශ්රීවත්සාංකං මහෝරස්කං වනමාලා විරාජිතම් ।
ශංඛචක්ර ධරං දේවං කෘෂ්ණං වංදේ ජගද්ගුරුම් ॥
කෘෂ්ණාෂ්ටක මිදං පුණ්යං ප්රාතරුත්ථාය යඃ පඨේත් ।
කෝටිජන්ම කෘතං පාපං ස්මරණේන විනශ්යති ॥