ඒෂෝති චපලෝ දෛත්යාන් බාල්යේපි නාශයත්යහෝ ।
අග්රේ කිං කර්ම කර්තේති න ජානේ මුනිසත්තම ॥ 1 ॥
දෛත්යා නානාවිධා දුෂ්ටාස්සාධු දේවද්රුමඃ ඛලාඃ ।
අතෝස්ය කංඨේ කිංචිත්ත්යං රක්ෂාං සංබද්ධුමර්හසි ॥ 2 ॥
ධ්යායේත් සිංහගතං විනායකමමුං දිග්බාහු මාද්යේ යුගේ
ත්රේතායාං තු මයූර වාහනමමුං ෂඩ්බාහුකං සිද්ධිදම් । ඊ
ද්වාපරේතු ගජානනං යුගභුජං රක්තාංගරාගං විභුං තුර්යේ
තු ද්විභුජං සිතාංගරුචිරං සර්වාර්ථදං සර්වදා ॥ 3 ॥
විනායක ශ්ශිඛාංපාතු පරමාත්මා පරාත්පරඃ ।
අතිසුංදර කායස්තු මස්තකං සුමහෝත්කටඃ ॥ 4 ॥
ලලාටං කශ්යපඃ පාතු භ්රූයුගං තු මහෝදරඃ ।
නයනේ බාලචංද්රස්තු ගජාස්යස්ත්යෝෂ්ඨ පල්ලවෞ ॥ 5 ॥
ජිහ්වාං පාතු ගජක්රීඩශ්චුබුකං ගිරිජාසුතඃ ।
වාචං විනායකඃ පාතු දංතාන් රක්ෂතු දුර්මුඛඃ ॥ 6 ॥
ශ්රවණෞ පාශපාණිස්තු නාසිකාං චිංතිතාර්ථදඃ ।
ගණේශස්තු මුඛං පාතු කංඨං පාතු ගණාධිපඃ ॥ 7 ॥
ස්කංධෞ පාතු ගජස්කංධඃ ස්තනේ විඝ්නවිනාශනඃ ।
හෘදයං ගණනාථස්තු හේරංබෝ ජඨරං මහාන් ॥ 8 ॥
ධරාධරඃ පාතු පාර්ශ්වෞ පෘෂ්ඨං විඝ්නහරශ්ශුභඃ ।
ලිංගං ගුහ්යං සදා පාතු වක්රතුංඩෝ මහාබලඃ ॥ 9 ॥
ගජක්රීඩෝ ජානු ජංඝෝ ඌරූ මංගළකීර්තිමාන් ।
ඒකදංතෝ මහාබුද්ධිඃ පාදෞ ගුල්ඵෞ සදාවතු ॥ 10 ॥
ක්ෂිප්ර ප්රසාදනෝ බාහු පාණී ආශාප්රපූරකඃ ।
අංගුළීශ්ච නඛාන් පාතු පද්මහස්තෝ රිනාශනඃ ॥ 11 ॥
සර්වාංගානි මයූරේශෝ විශ්වව්යාපී සදාවතු ।
අනුක්තමපි යත් ස්ථානං ධූමකේතුඃ සදාවතු ॥ 12 ॥
ආමෝදස්ත්වග්රතඃ පාතු ප්රමෝදඃ පෘෂ්ඨතෝවතු ।
ප්රාච්යාං රක්ෂතු බුද්ධීශ ආග්නේය්යාං සිද්ධිදායකඃ ॥ 13 ॥
දක්ෂිණස්යාමුමාපුත්රෝ නෛඍත්යාං තු ගණේශ්වරඃ ।
ප්රතීච්යාං විඝ්නහර්තා ව්යාද්වායව්යාං ගජකර්ණකඃ ॥ 14 ॥
කෞබේර්යාං නිධිපඃ පායාදීශාන්යාවිශනංදනඃ ।
දිවාව්යාදේකදංත ස්තු රාත්රෞ සංධ්යාසු යඃවිඝ්නහෘත් ॥ 15 ॥
රාක්ෂසාසුර බේතාළ ග්රහ භූත පිශාචතඃ ।
පාශාංකුශධරඃ පාතු රජස්සත්ත්වතමස්ස්මෘතීඃ ॥ 16 ॥
ජ්ඤානං ධර්මං ච ලක්ෂ්මී ච ලජ්ජාං කීර්තිං තථා කුලම් । ඊ
වපුර්ධනං ච ධාන්යං ච ගෘහං දාරාස්සුතාන්සඛීන් ॥ 17 ॥
සර්වායුධ ධරඃ පෞත්රාන් මයූරේශෝ වතාත් සදා ।
කපිලෝ ජානුකං පාතු ගජාශ්වාන් විකටෝවතු ॥ 18 ॥
භූර්ජපත්රේ ලිඛිත්වේදං යඃ කංඨේ ධාරයේත් සුධීඃ ।
න භයං ජායතේ තස්ය යක්ෂ රක්ෂඃ පිශාචතඃ ॥ 19 ॥
ත්රිසංධ්යං ජපතේ යස්තු වජ්රසාර තනුර්භවේත් ।
යාත්රාකාලේ පඨේද්යස්තු නිර්විඝ්නේන ඵලං ලභේත් ॥ 20 ॥
යුද්ධකාලේ පඨේද්යස්තු විජයං චාප්නුයාද්ධ්රුවම් ।
මාරණෝච්චාටනාකර්ෂ ස්තංභ මෝහන කර්මණි ॥ 21 ॥
සප්තවාරං ජපේදේතද්දනානාමේකවිංශතිඃ ।
තත්තත්ඵලමවාප්නෝති සාධකෝ නාත්ර සංශයඃ ॥ 22 ॥
ඒකවිංශතිවාරං ච පඨේත්තාවද්දිනානි යඃ ।
කාරාගෘහගතං සද්යෝ රාජ්ඤාවධ්යං ච මෝචයෝත් ॥ 23 ॥
රාජදර්ශන වේළායාං පඨේදේතත් ත්රිවාරතඃ ।
ස රාජානං වශං නීත්වා ප්රකෘතීශ්ච සභාං ජයේත් ॥ 24 ॥
ඉදං ගණේශකවචං කශ්යපේන සවිරිතම් ।
මුද්ගලාය ච තේ නාථ මාංඩව්යාය මහර්ෂයේ ॥ 25 ॥
මහ්යං ස ප්රාහ කෘපයා කවචං සර්ව සිද්ධිදම් ।
න දේයං භක්තිහීනාය දේයං ශ්රද්ධාවතේ ශුභම් ॥ 26 ॥
අනේනාස්ය කෘතා රක්ෂා න බාධාස්ය භවේත් ව්යාචිත් ।
රාක්ෂසාසුර බේතාළ දෛත්ය දානව සංභවාඃ ॥ 27 ॥
॥ ඉති ශ්රී ගණේශපුරාණේ ශ්රී ගණේශ කවචං සංපූර්ණම් ॥