॥ තෘතීයඃ සර්ගඃ ॥
॥ මුග්ධමධුසූදනඃ ॥
කංසාරිරපි සංසාරවාසනාබංධශෘංඛලාම් ।
රාධාමාධාය හෘදයේ තත්යාජ ව්රජසුංදරීඃ ॥ 18 ॥
ඉතස්තතස්තාමනුසෘත්ය රාධිකා-මනංගබාණව්රණඛින්නමානසඃ ।
කෘතානුතාපඃ ස කලිංදනංදිනී-තටාංතකුංජේ විෂසාද මාධවඃ ॥ 19 ॥
॥ ගීතං 7 ॥
මාමියං චලිතා විලෝක්ය වෘතං වධූනිචයේන ।
සාපරාධතයා මයාපි න වාරිතාතිභයේන ॥
හරි හරි හතාදරතයා ගතා සා කුපිතේව ॥ 1 ॥
කිං කරිෂ්යති කිං වදිෂ්යති සා චිරං විරහේණ ।
කිං ධනේන ජනේන කිං මම ජීවනේන ගෘහේණ ॥ 2 ॥
චිංතයාමි තදානනං කුටිලභ්රු කෝපභරේණ ।
ශෝණපද්මමිවෝපරි භ්රමතාකුලං භ්රමරේණ ॥ 3 ॥
තාමහං හෘදි සංගතාමනිශං භෘශං රමයාමි ।
කිං වනේऽනුසරාමි තාමිහ කිං වෘථා විලපාමි ॥ 4 ॥
තන්වි ඛින්නමසූයයා හෘදයං තවාකලයාමි ।
තන්න වේද්මි කුතෝ ගතාසි න තේන තේऽනුනයාමි ॥ 5 ॥
දෘශ්යතේ පුරතෝ ගතාගතමේව මේ විදධාසි ।
කිං පුරේව සසංභ්රමං පරිරංභණං න දදාසි ॥ 6 ॥
ක්ෂම්යතාමපරං කදාපි තවේදෘශං න කරෝමි ।
දේහි සුංදරි දර්ශනං මම මන්මථේන දුනෝමි ॥ 7 ॥
වර්ණිතං ජයදේවකේන හරේරිදං ප්රවණේන ।
කිංදුබිල්වසමුද්රසංභවරෝහිණීරමණේන ॥ 8 ॥
හෘදි බිසලතාහාරෝ නායං භුජංගමනායකඃ කුවලයදලශ්රේණී කංඨේ න සා ගරලද්යුතිඃ ।
මලයජරජෝ නේදං භස්ම ප්රියාරහිතේ මයි ප්රහර න හරභ්රාංත්යානංග ක්රුධා කිමු ධාවසි ॥ 20 ॥
පාණෞ මා කුරු චූතසායකමමුං මා චාපමාරෝපය ක්රීඩානිර්ජිතවිශ්ව මූර්ඡිතජනාඝාතේන කිං පෞරුෂම් ।
තස්යා ඒව මෘගීදෘශෝ මනසිජප්රේංඛත්කටාක්ෂාශුග-ශ්රේණීජර්ජරිතං මනාගපි මනෝ නාද්යාපි සංධුක්ෂතේ ॥ 21 ॥
භ්රූචාපේ නිහිතඃ කටාක්ෂවිශිඛෝ නිර්මාතු මර්මව්යථාං ශ්යාමාත්මා කුටිලඃ කරෝතු කබරීභාරෝऽපි මාරෝද්යමම් ।
මෝහං තාවදයං ච තන්වි තනුතාං බිංබාදරෝ රාගවාන් සද්වෘත්තස්තනමණ්දලස්තව කථං ප්රාණෛර්මම ක්රීඩති ॥ 22 ॥
තානි ස්පර්ශසුඛානි තේ ච තරලාඃ ස්නිග්ධා දෘශෝර්විභ්රමා-ස්තද්වක්ත්රාංබුජසෞරභං ස ච සුධාස්යංදී ගිරාං වක්රිමා ।
සා බිංබාධරමාධුරීති විෂයාසංගේऽපි චේන්මානසං තස්යාං ලග්නසමාධි හංත විරහව්යාධිඃ කථං වර්ධතේ ॥ 23 ॥
භ්රූපල්ලවං ධනුරපාංගතරංගිතානි බාණාඃ ගුණඃ ශ්රවණපාලිරිති ස්මරේණ ।
තස්යාමනංගජයජංගමදේවතායාං අස්ත්රාණි නිර්ජිතජගංති කිමර්පිතානි ॥ 24 ॥
[ඒෂඃ ශ්ලෝකඃ කේෂුචන සංස්කරණේෂු විද්යතේ]
තිර්යක්කංඨ විලෝල මෞලි තරලෝත්තං සස්ය වංශෝච්චරද්-
දීප්තිස්ථාන කෘතාවධාන ලලනා ලක්ෂෛර්න සංලක්ෂිතාඃ ।
සංමුග්ධේ මධුසූදනස්ය මධුරේ රාධාමුඛේංදෞ සුධා-
සාරේ කංදලිතාශ්චිරං දධතු වඃ ක්ෂේමං කටාක්ෂෝර්ම්මය ॥ (25) ॥
॥ ඉති ශ්රීගීතගෝවිංදේ මුග්ධමධුසූදනෝ නාම තෘතීයඃ සර්ගඃ ॥