කරාරවිංදේන පදාරවිංදං
මුඛාරවිංදේ විනිවේශයංතම් ।
වටස්ය පත්රස්ය පුටේ ශයානං
බාලං මුකුංදං මනසා ස්මරාමි ॥
ශ්රීකෘෂ්ණ ගෝවිංද හරේ මුරාරේ
හේ නාථ නාරායණ වාසුදේව ।
ජිහ්වේ පිබස්වාමෘතමේතදේව
ගෝවිංද දාමෝදර මාධවේති ॥ 1
වික්රේතුකාමාඛිලගෝපකන්යා
මුරාරිපාදාර්පිතචිත්තවෘත්තිඃ ।
දධ්යාදිකං මෝහවශාදවෝචත්
ගෝවිංද දාමෝදර මාධවේති ॥ 2
ගෘහේ ගෘහේ ගෝපවධූකදංබාඃ
සර්වේ මිලිත්වා සමවාප්ය යෝගම් ।
පුණ්යානි නාමානි පඨංති නිත්යං
ගෝවිංද දාමෝදර මාධවේති ॥ 3
සුඛං ශයානා නිලයේ නිජේऽපි
නාමානි විෂ්ණෝඃ ප්රවදංති මර්ත්යාඃ ।
තේ නිශ්චිතං තන්මයතාං ව්රජංති
ගෝවිංද දාමෝදර මාධවේති ॥ 4
ජිහ්වේ සදෛවං භජ සුංදරාණි
නාමානි කෘෂ්ණස්ය මනෝහරාණි ।
සමස්ත භක්තාර්තිවිනාශනානි
ගෝවිංද දාමෝදර මාධවේති ॥ 5
සුඛාවසානේ ඉදමේව සාරං
දුඃඛාවසානේ ඉදමේව ජ්ඤේයම් ।
දේහාවසානේ ඉදමේව ජාප්යං
ගෝවිංද දාමෝදර මාධවේති ॥ 6
ජිහ්වේ රසජ්ඤේ මධුරප්රියේ ත්වං
සත්යං හිතං ත්වාං පරමං වදාමි ।
අවර්ණයේථා මධුරාක්ෂරාණි
ගෝවිංද දාමෝදර මාධවේති ॥ 7
ත්වාමේව යාචේ මම දේහි ජිහ්වේ
සමාගතේ දංඩධරේ කෘතාංතේ ।
වක්තව්යමේවං මධුරං සුභක්ත්යා
ගෝවිංද දාමෝදර මාධවේති ॥ 8
ශ්රීකෘෂ්ණ රාධාවර ගෝකුලේශ
ගෝපාල ගෝවර්ධනනාථ විෂ්ණෝ ।
ජිහ්වේ පිබස්වාමෘතමේතදේව
ගෝවිංද දාමෝදර මාධවේති ॥ 9