සෞරාෂ්ට්රදේශේ විශදේऽතිරම්යේ ජ්යෝතිර්මයං චංද්රකලාවතංසම් ।
භක්තිප්රදානාය කෘපාවතීර්ණං තං සෝමනාථං ශරණං ප්රපද්යේ ॥ 1॥
ශ්රීශෛලශ‍ඍංගේ විබුධාතිසංගේ තුලාද්රිතුංගේऽපි මුදා වසංතම් ।
තමර්ජුනං මල්ලිකපූර්වමේකං නමාමි සංසාරසමුද්රසේතුම් ॥ 2॥
අවංතිකායාං විහිතාවතාරං මුක්තිප්රදානාය ච සජ්ජනානාම් ।
අකාලමෘත්යෝඃ පරිරක්ෂණාර්ථං වංදේ මහාකාලමහාසුරේශම් ॥ 3॥
කාවේරිකානර්මදයෝඃ පවිත්රේ සමාගමේ සජ්ජනතාරණාය ।
සදෛවමාංධාතෘපුරේ වසංතමෝංකාරමීශං ශිවමේකමීඩේ ॥ 4॥
පූර්වෝත්තරේ ප්රජ්වලිකානිධානේ සදා වසංතං ගිරිජාසමේතම් ।
සුරාසුරාරාධිතපාදපද්මං ශ්රීවෛද්යනාථං තමහං නමාමි ॥ 5॥
යාම්යේ සදංගේ නගරේऽතිරම්යේ විභූෂිතාංගං විවිධෛශ්ච භෝගෛඃ ।
සද්භක්තිමුක්තිප්රදමීශමේකං ශ්රීනාගනාථං ශරණං ප්රපද්යේ ॥ 6॥
මහාද්රිපාර්ශ්වේ ච තටේ රමංතං සංපූජ්යමානං සතතං මුනීංද්රෛඃ ।
සුරාසුරෛර්යක්ෂ මහෝරගාඪ්යෛඃ කේදාරමීශං ශිවමේකමීඩේ ॥ 7॥
සහ්යාද්රිශීර්ෂේ විමලේ වසංතං ගෝදාවරිතීරපවිත්රදේශේ ।
යද්ධර්ශනාත්පාතකමාශු නාශං ප්රයාති තං ත්ර්යංබකමීශමීඩේ ॥ 8॥
සුතාම්රපර්ණීජලරාශියෝගේ නිබධ්ය සේතුං විශිඛෛරසංඛ්යෛඃ ।
ශ්රීරාමචංද්රේණ සමර්පිතං තං රාමේශ්වරාඛ්යං නියතං නමාමි ॥ 9॥
යං ඩාකිනිශාකිනිකාසමාජේ නිෂේව්යමාණං පිශිතාශනෛශ්ච ।
සදෛව භීමාදිපදප්රසිද්දං තං ශංකරං භක්තහිතං නමාමි ॥ 10॥
සානංදමානංදවනේ වසංතමානංදකංදං හතපාපවෘංදම් ।
වාරාණසීනාථමනාථනාථං ශ්රීවිශ්වනාථං ශරණං ප්රපද්යේ ॥ 11॥
ඉලාපුරේ රම්යවිශාලකේऽස්මින් සමුල්ලසංතං ච ජගද්වරේණ්යම් ।
වංදේ මහෝදාරතරස්වභාවං ඝෘෂ්ණේශ්වරාඛ්යං ශරණං ප්රපද්යේ ॥ 12॥
ජ්යෝතිර්මයද්වාදශලිංගකානාං ශිවාත්මනාං ප්රෝක්තමිදං ක්රමේණ ।
ස්තෝත්රං පඨිත්වා මනුජෝऽතිභක්ත්යා ඵලං තදාලෝක්ය නිජං භජේච්ච ॥
॥ ඉති ශ්රීමද්ශංකරාචාර්යවිරචිතං
ද්වාදශජ්යෝතිර්ලිංගස්තෝත්රං සංපූර්ණම් ॥