1. ධාතා –
ධාතා කෘතස්ථලී හේතිර්වාසුකී රථකෘන්මුනේ ।
පුලස්ත්යස්තුංබුරුරිති මධුමාසං නයංත්යමී ॥
ධාතා ශුභස්ය මේ දාතා භූයෝ භූයෝऽපි භූයසඃ ।
රශ්මිජාලසමාශ්ලිෂ්ටඃ තමස්තෝමවිනාශනඃ ॥
2. අර්යම –
අර්යමා පුලහෝऽථෞජාඃ ප්රහේති පුංජිකස්ථලී ।
නාරදඃ කච්ඡනීරශ්ච නයංත්යේතේ ස්ම මාධවම් ॥
මේරුශෘංගාංතරචරඃ කමලාකරබාංධවඃ ।
අර්යමා තු සදා භූත්යෛ භූයස්යෛ ප්රණතස්ය මේ ॥
3. මිත්රඃ –
මිත්රෝऽත්රිඃ පෞරුෂේයෝऽථ තක්ෂකෝ මේනකා හහඃ ।
රථස්වන ඉති හ්යේතේ ශුක්රමාසං නයංත්යමී ॥
නිශානිවාරණපටුඃ උදයාද්රිකෘතාශ්රයඃ ।
මිත්රෝऽස්තු මම මෝදාය තමස්තෝමවිනාශනඃ ॥
4. වරුණඃ –
වසිෂ්ඨෝ හ්යරුණෝ රංභා සහජන්යස්තථා හුහුඃ ।
ශුක්රශ්චිත්රස්වනශ්චෛව ශුචිමාසං නයංත්යමී ॥
සූර්යස්යංදනමාරූඪ අර්චිර්මාලී ප්රතාපවාන් ।
කාලභූතඃ කාමරූපෝ හ්යරුණඃ සේව්යතේ මයා ॥
5. ඉංද්රඃ –
ඉංද්රෝ විශ්වාවසුඃ ශ්රෝතා ඒලාපත්රස්තථාऽංගිරාඃ ।
ප්රම්ලෝචා රාක්ෂසෝවර්යෝ නභෝමාසං නයංත්යමී ॥
සහස්රරශ්මිසංවීතං ඉංද්රං වරදමාශ්රයේ ।
ශිරසා ප්රණමාම්යද්ය ශ්රේයෝ වෘද්ධිප්රදායකම් ॥
6. විවස්වාන් –
විවස්වානුග්රසේනශ්ච ව්යාඝ්ර ආසාරණෝ භෘගුඃ ।
අනුම්ලෝචාඃ ශංඛපාලෝ නභස්යාඛ්යං නයංත්යමී ॥
ජගන්නිර්මාණකර්තාරං සර්වදිග්ව්යාප්තතේජසම් ।
නභෝග්රහමහාදීපං විවස්වංතං නමාම්යහම් ॥
7. ත්වෂ්ටා –
ත්වෂ්ටා ඍචීකතනයඃ කංබළාඛ්යස්තිලෝත්තමා ।
බ්රහ්මාපේතෝऽථ ශතජිත් ධෘතරාෂ්ට්ර ඉෂංභරා ॥
ත්වෂ්ටා ශුභාය මේ භූයාත් ශිෂ්ටාවළිනිෂේවිතඃ ।
නානාශිල්පකරෝ නානාධාතුරූපඃ ප්රභාකරඃ ।
8. විෂ්ණුඃ –
විෂ්ණුරශ්වතරෝ රංභා සූර්යවර්චාශ්ච සත්යජිත් ।
විශ්වාමිත්රෝ මඛාපේත ඌර්ජමාසං නයංත්යමී ॥
භානුමංඩලමධ්යස්ථං වේදත්රයනිෂේවිතම් ।
ගායත්රීප්රතිපාද්යං තං විෂ්ණුං භක්ත්යා නමාම්යහම් ॥
9. අංශුමන් –
අථාංශුඃ කශ්යපස්තාර්‍ක්ෂ්ය ඍතසේනස්තථෝර්වශී ।
විද්යුච්ඡත්රුර්මහාශංඛඃ සහෝමාසං නයංත්යමී ॥
සදා විද්රාවණරතෝ ජගන්මංගළදීපකඃ ।
මුනීංද්රනිවහස්තුත්යෝ භූතිදෝऽංශුර්භවේන්මම ॥
10. භගඃ –
භගඃ ස්ඵූර්ජෝऽරිෂ්ටනේමිඃ ඌර්ණ ආයුශ්ච පංචමඃ ।
කර්කෝටකඃ පූර්වචිත්තිඃ පෞෂමාසං නයංත්යමී ॥
තිථි මාස ඍතූනාං ච වත්සරාऽයනයෝරපි ।
ඝටිකානාං ච යඃ කර්තා භගෝ භාග්යප්රදෝऽස්තු මේ ॥
11. පූෂ –
පූෂා ධනංජයෝ වාතඃ සුෂේණඃ සුරුචිස්තථා ।
ඝෘතාචී ගෞතමශ්චේති තපෝමාසං නයංත්යමී ।
පූෂා තෝෂාය මේ භූයාත් සර්වපාපාऽපනෝදනාත් ।
සහස්රකරසංවීතඃ සමස්තාශාංතරාංතරඃ ॥
12. පර්ජන්යඃ –
ක්රතුර්වාර්චා භරද්වාජඃ පර්ජන්යඃ සේනජිත් තථා ।
විශ්වශ්චෛරාවතශ්චෛව තපස්යාඛ්යං නයංත්යමී ॥
ප්රපංචං ප්රතපන් භූයෝ වෘෂ්ටිභිර්මාදයන් පුනඃ ।
ජගදානංදජනකඃ පර්ජන්යඃ පූජ්යතේ මයා ॥
ධ්යායේස්සදා සවිතෘමංඩලමධ්යවර්තී
නාරායණස්සරසිජාසන සන්නිවිෂ්ටඃ।
කේයූරවාන් මකරකුංඩලවාන් කිරීටී
හාරී හිරණ්මයවපුඃ ධෘතශංඛචක්රඃ ॥