ලඝු ස්තෝත්රම්
සෞරාෂ්ට්රේ සෝමනාධංච ශ්රීශෛලේ මල්ලිකාර්ජුනම් ।
උජ්ජයින්යාං මහාකාලං ඕංකාරේත්වමාමලේශ්වරම් ॥
පර්ල්යාං වෛද්යනාධංච ඪාකින්යාං භීම ශංකරම් ।
සේතුබංධේතු රාමේශං නාගේශං දාරුකාවනේ ॥
වාරණාශ්යාංතු විශ්වේශං ත්රයංබකං ගෞතමීතටේ ।
හිමාලයේතු කේදාරං ඝෘෂ්ණේශංතු විශාලකේ ॥
ඒතානි ජ්යෝතිර්ලිංගානි සායං ප්රාතඃ පඨේන්නරඃ ।
සප්ත ජන්ම කෘතං පාපං ස්මරණේන විනශ්යති ॥
සංපූර්ණ ස්තෝත්රම්
සෞරාෂ්ට්රදේශේ විශදේऽතිරම්යේ ජ්යෝතිර්මයං චංද්රකළාවතංසම් ।
භක්තප්රදානාය කෘපාවතීර්ණං තං සෝමනාථං ශරණං ප්රපද්යේ ॥ 1 ॥
ශ්රීශෛලශෘංගේ විවිධප්රසංගේ ශේෂාද්රිශෘංගේऽපි සදා වසංතම් ।
තමර්ජුනං මල්ලිකපූර්වමේනං නමාමි සංසාරසමුද්රසේතුම් ॥ 2 ॥
අවංතිකායාං විහිතාවතාරං මුක්තිප්රදානාය ච සජ්ජනානාම් ।
අකාලමෘත්යෝඃ පරිරක්ෂණාර්ථං වංදේ මහාකාලමහාසුරේශම් ॥ 3 ॥
කාවේරිකානර්මදයෝඃ පවිත්රේ සමාගමේ සජ්ජනතාරණාය ।
සදෛව මාංධාතෘපුරේ වසංතං ඕංකාරමීශං ශිවමේකමීඩේ ॥ 4 ॥
පූර්වෝත්තරේ ප්රජ්වලිකානිධානේ සදා වසං තං ගිරිජාසමේතම් ।
සුරාසුරාරාධිතපාදපද්මං ශ්රීවෛද්යනාථං තමහං නමාමි ॥ 5 ॥
යං ඩාකිනිශාකිනිකාසමාජේ නිෂේව්යමාණං පිශිතාශනෛශ්ච ।
සදෛව භීමාදිපදප්රසිද්ධං තං ශංකරං භක්තහිතං නමාමි ॥ 6 ॥
ශ්රීතාම්රපර්ණීජලරාශියෝගේ නිබධ්ය සේතුං විශිඛෛරසංඛ්යෛඃ ।
ශ්රීරාමචංද්රේණ සමර්පිතං තං රාමේශ්වරාඛ්යං නියතං නමාමි ॥ 7 ॥
යාම්යේ සදංගේ නගරේऽතිරම්යේ විභූෂිතාංගං විවිධෛශ්ච භෝගෛඃ ।
සද්භක්තිමුක්තිප්රදමීශමේකං ශ්රීනාගනාථං ශරණං ප්රපද්යේ ॥ 8 ॥
සානංදමානංදවනේ වසංතං ආනංදකංදං හතපාපබෘංදම් ।
වාරාණසීනාථමනාථනාථං ශ්රීවිශ්වනාථං ශරණං ප්රපද්යේ ॥ 9 ॥
සහ්යාද්රිශීර්ෂේ විමලේ වසංතං ගෝදාවරිතීරපවිත්රදේශේ ।
යද්දර්ශනාත් පාතකං පාශු නාශං ප්රයාති තං ත්ර්යංබකමීශමීඩේ ॥ 10 ॥
මහාද්රිපාර්ශ්වේ ච තටේ රමංතං සංපූජ්යමානං සතතං මුනීංද්රෛඃ ।
සුරාසුරෛර්යක්ෂ මහෝරගාඪ්යෛඃ කේදාරමීශං ශිවමේකමීඩේ ॥ 11 ॥
ඉලාපුරේ රම්යවිශාලකේऽස්මින් සමුල්ලසංතං ච ජගද්වරේණ්යම් ।
වංදේ මහෝදාරතරස්වභාවං ඝෘෂ්ණේශ්වරාඛ්යං ශරණං ප්රපද්යේ ॥ 12 ॥
ජ්යෝතිර්මයද්වාදශලිංගකානාං ශිවාත්මනාං ප්රෝක්තමිදං ක්රමේණ ।
ස්තෝත්රං පඨිත්වා මනුජෝऽතිභක්ත්යා ඵලං තදාලෝක්ය නිජං භජේච්ච ॥