ශක්රාදිස්තුතිර්නාම චතුර්ධෝऽධ්යායඃ ॥
ධ්යානං
කාලාභ්රාභාං කටාක්ෂෛර් අරි කුල භයදාං මෞළි බද්ධේංදු රේඛාං
ශංඛ-චක්රං කෘපාණං ත්රිශිඛමපි කරෛ-රුද්වහංතීං ත්රිනේऱ්ත්රම් ।
සිංහ ස්කංදාධිරූඪාං ත්රිභුවන-මඛිලං තේජසා පූරයංතීං
ධ්යායේ-ද්දුර්ගාං ජයාඛ්යාං ත්රිදශ-පරිවෘතාං සේවිතාං සිද්ධි කාමෛඃ ॥
ඍෂිරුවාච ॥1॥
ශක්රාදයඃ සුරගණා නිහතේऽතිවීර්යේ
තස්මිංදුරාත්මනි සුරාරිබලේ ච දේව්යා ।
තාං තුෂ්ටුවුඃ ප්රණතිනම්රශිරෝධරාංසා
වාග්භිඃ ප්රහර්ෂපුලකෝද්ගමචාරුදේහාඃ ॥ 2 ॥
දේව්යා යයා තතමිදං ජගදාත්මශක්ත්යා
නිඃශේෂදේවගණශක්තිසමූහමූර්ත්යා ।
තාමංබිකාමඛිලදේවමහර්ෂිපූජ්යාං
භක්ත්යා නතාඃ ස්ම විදධාතුශුභානි සා නඃ ॥3॥
යස්යාඃ ප්රභාවමතුලං භගවානනංතෝ
බ්රහ්මා හරශ්ච නහි වක්තුමලං බලං ච ।
සා චංඩිකාऽඛිල ජගත්පරිපාලනාය
නාශාය චාශුභභයස්ය මතිං කරෝතු ॥4॥
යා ශ්රීඃ ස්වයං සුකෘතිනාං භවනේෂ්වලක්ෂ්මීඃ
පාපාත්මනාං කෘතධියාං හෘදයේෂු බුද්ධිඃ ।
ශ්රද්ථා සතාං කුලජනප්රභවස්ය ලජ්ජා
තාං ත්වාං නතාඃ ස්ම පරිපාලය දේවි විශ්වම් ॥5॥
කිං වර්ණයාම තවරූප මචිංත්යමේතත්
කිංචාතිවීර්යමසුරක්ෂයකාරි භූරි ।
කිං චාහවේෂු චරිතානි තවාත්භුතානි
සර්වේෂු දේව්යසුරදේවගණාදිකේෂු । ॥6॥
හේතුඃ සමස්තජගතාං ත්රිගුණාපි දෝෂෛඃ
න ජ්ඤායසේ හරිහරාදිභිරව්යපාරා ।
සර්වාශ්රයාඛිලමිදං ජගදංශභූතං
අව්යාකෘතා හි පරමා ප්රකෘතිස්ත්වමාද්යා ॥6॥
යස්යාඃ සමස්තසුරතා සමුදීරණේන
තෘප්තිං ප්රයාති සකලේෂු මඛේෂු දේවි ।
ස්වාහාසි වෛ පිතෘ ගණස්ය ච තෘප්ති හේතු
රුච්චාර්යසේ ත්වමත ඒව ජනෛඃ ස්වධාච ॥8॥
යා මුක්තිහේතුරවිචිංත්ය මහාව්රතා ත්වං
අභ්යස්යසේ සුනියතේංද්රියතත්වසාරෛඃ ।
මෝක්ෂාර්ථිභිර්මුනිභිරස්තසමස්තදෝෂෛ
ර්විද්යාऽසි සා භගවතී පරමා හි දේවි ॥9॥
ශබ්දාත්මිකා සුවිමලර්ග්යජුෂාං නිධානං
මුද්ගීථරම්යපදපාඨවතාං ච සාම්නාම් ।
දේවී ත්රයී භගවතී භවභාවනාය
වාර්තාසි සර්ව ජගතාං පරමාර්තිහංත්රී ॥10॥
මේධාසි දේවි විදිතාඛිලශාස්ත්රසාරා
දුර්ගාऽසි දුර්ගභවසාගරසනෞරසංගා ।
ශ්රීඃ කෛට භාරිහෘදයෛකකෘතාධිවාසා
ගෞරී ත්වමේව ශශිමෞළිකෘත ප්රතිෂ්ඨා ॥11॥
ඊෂත්සහාසමමලං පරිපූර්ණ චංද්ර
බිංබානුකාරි කනකෝත්තමකාංතිකාංතම් ।
අත්යද්භුතං ප්රහෘතමාත්තරුෂා තථාපි
වක්ත්රං විලෝක්ය සහසා මහිෂාසුරේණ ॥12॥
දෘෂ්ට්වාතු දේවි කුපිතං භ්රුකුටීකරාළ
මුද්යච්ඡශාංකසදෘශච්ඡවි යන්න සද්යඃ ।
ප්රාණාන් මුමෝච මහිෂස්තදතීව චිත්රං
කෛර්ජීව්යතේ හි කුපිතාංතකදර්ශනේන । ॥13॥
දේවිප්රසීද පරමා භවතී භවාය
සද්යෝ විනාශයසි කෝපවතී කුලානි ।
විජ්ඤාතමේතදධුනෛව යදස්තමේතත්
න්නීතං බලං සුවිපුලං මහිෂාසුරස්ය ॥14॥
තේ සම්මතා ජනපදේෂු ධනානි තේෂාං
තේෂාං යශාංසි න ච සීදති ධර්මවර්ගඃ ।
ධන්යාස්තඒව නිභෘතාත්මජභෘත්යදාරා
යේෂාං සදාභ්යුදයදා භවතී ප්රසන්නා॥15॥
ධර්ම්යාණි දේවි සකලානි සදෛව කර්මානි
ණ්යත්යාදෘතඃ ප්රතිදිනං සුකෘතී කරෝති ।
ස්වර්ගං ප්රයාති ච තතෝ භවතී ප්රසාදා
ල්ලෝකත්රයේऽපි ඵලදා නනු දේවි තේන ॥16॥
දුර්ගේ ස්මෘතා හරසි භීති මශේශ ජංතෝඃ
ස්වස්ථෛඃ ස්මෘතා මතිමතීව ශුභාං දදාසි ।
දාරිද්ර්යදුඃඛභයහාරිණි කා ත්වදන්යා
සර්වෝපකාරකරණාය සදාර්ද්රචිත්තා ॥17॥
ඒභිර්හතෛර්ජගදුපෛති සුඛං තථෛතේ
කුර්වංතු නාම නරකාය චිරාය පාපම් ।
සංග්රාමමෘත්යුමධිගම්ය දිවංප්රයාංතු
මත්වේති නූනමහිතාන්විනිහංසි දේවි ॥18॥
දෘෂ්ට්වෛව කිං න භවතී ප්රකරෝති භස්ම
සර්වාසුරානරිෂු යත්ප්රහිණෝෂි ශස්ත්රම් ।
ලෝකාන්ප්රයාංතු රිපවෝऽපි හි ශස්ත්රපූතා
ඉත්ථං මතිර්භවති තේෂ්වහි තේऽෂුසාධ්වී ॥19॥
ඛඩ්ග ප්රභානිකරවිස්ඵුරණෛස්තධෝග්රෛඃ
ශූලාග්රකාංතිනිවහේන දෘශෝऽසුරාණාම් ।
යන්නාගතා විලයමංශුමදිංදුඛංඩ
යෝග්යානනං තව විලෝක යතාං තදේතත් ॥20॥
දුර්වෘත්ත වෘත්ත ශමනං තව දේවි ශීලං
රූපං තථෛතදවිචිංත්යමතුල්යමන්යෛඃ ।
වීර්යං ච හංතෘ හෘතදේවපරාක්රමාණාං
වෛරිෂ්වපි ප්රකටිතෛව දයා ත්වයේත්ථම් ॥21॥
කේනෝපමා භවතු තේऽස්ය පරාක්රමස්ය
රූපං ච ශතෘභය කාර්යතිහාරි කුත්ර ।
චිත්තේකෘපා සමරනිෂ්ටුරතා ච දෘෂ්ටා
ත්වය්යේව දේවි වරදේ භුවනත්රයේऽපි ॥22॥
ත්රෛලෝක්යමේතදඛිලං රිපුනාශනේන
ත්රාතං ත්වයා සමරමූර්ධනි තේऽපි හත්වා ।
නීතා දිවං රිපුගණා භයමප්යපාස්තං
අස්මාකමුන්මදසුරාරිභවං නමස්තේ ॥23॥
ශූලේන පාහි නෝ දේවි පාහි ඛඩ්ගේන චාංභිකේ ।
ඝංටාස්වනේන නඃ පාහි චාපජ්යානිස්වනේන ච ॥24॥
ප්රාච්යාං රක්ෂ ප්රතීච්යාං ච චංඩිකේ රක්ෂ දක්ෂිණේ ।
භ්රාමණේනාත්මශූලස්ය උත්තරස්යාං තථේශ්වරී॥25॥
සෞම්යානි යානි රූපාණි ත්රෛලෝක්යේ විචරංතිතේ ।
යානි චාත්යංත ඝෝරාණි තෛරක්ෂාස්මාංස්තථාභුවම් ॥26॥
ඛඩ්ගශූලගදාදීනි යානි චාස්ත්රාණි තේऽංබිකේ ।
කරපල්ලවසංගීනි තෛරස්මාන්රක්ෂ සර්වතඃ ॥27॥
ඍෂිරුවාච ॥28॥
ඒවං ස්තුතා සුරෛර්දිව්යෛඃ කුසුමෛර්නංදනෝද්භවෛඃ ।
අර්චිතා ජගතාං ධාත්රී තථා ගංධානු ලේපනෛඃ ॥29॥
භක්ත්යා සමස්තෛස්රි ශෛර්දිව්යෛර්ධූපෛඃ සුධූපිතා ।
ප්රාහ ප්රසාදසුමුඛී සමස්තාන් ප්රණතාන් සුරාන්। ॥30॥
දේව්යුවාච ॥31॥
ව්රියතාං ත්රිදශාඃ සර්වේ යදස්මත්තෝऽභිවාංඡිතම් ॥32॥
දේවා ඌචු ॥33॥
භගවත්යා කෘතං සර්වං න කිංචිදවශිෂ්යතේ ।
යදයං නිහතඃ ශත්රු රස්මාකං මහිෂාසුරඃ ॥34॥
යදිචාපි වරෝ දේය ස්ත්වයාऽස්මාකං මහේශ්වරි ।
සංස්මෘතා සංස්මෘතා ත්වං නෝ හිං සේථාඃපරමාපදඃ॥35॥
යශ්ච මර්ත්යඃ ස්තවෛරේභිස්ත්වාං ස්තෝෂ්යත්යමලානනේ ।
තස්ය විත්තර්ද්ධිවිභවෛර්ධනදාරාදි සංපදාම් ॥36॥
වෘද්දයේऽ ස්මත්ප්රසන්නා ත්වං භවේථාඃ සර්වදාංභිකේ ॥37॥
ඍෂිරුවාච ॥38॥
ඉති ප්රසාදිතා දේවෛර්ජගතෝऽර්ථේ තථාත්මනඃ ।
තථේත්යුක්ත්වා භද්රකාළී බභූවාංතර්හිතා නෘප ॥39॥
ඉත්යේතත්කථිතං භූප සංභූතා සා යථාපුරා ।
දේවී දේවශරීරේභ්යෝ ජගත්ප්රයහිතෛෂිණී ॥40॥
පුනශ්ච ගෞරී දේහාත්සා සමුද්භූතා යථාභවත් ।
වධාය දුෂ්ට දෛත්යානාං තථා ශුංභනිශුංභයෝඃ ॥41॥
රක්ෂණාය ච ලෝකානාං දේවානාමුපකාරිණී ।
තච්ඡෘ ණුෂ්ව මයාඛ්යාතං යථාවත්කථයාමිතේ
හ්රීං ඕං ॥42॥
॥ ජය ජය ශ්රී මාර්කංඩේය පුරාණේ සාවර්නිකේ මන්වංතරේ දේවි මහත්ම්යේ ශක්රාදිස්තුතිර්නාම චතුර්ධෝऽධ්යායඃ සමාප්තම් ॥
ආහුති
හ්රීං ජයංතී සාංගායෛ සායුධායෛ සශක්තිකායෛ සපරිවාරායෛ සවාහනායෛ ශ්රී මහාලක්ෂ්ම්යෛ ලක්ෂ්මී බීජාදිෂ්ටායෛ මහාහුතිං සමර්පයාමි නමඃ ස්වාහා ॥