ඕං නමශ්චංඩිකායෛ
න්යාසඃ
අස්ය ශ්රී චංඩී කවචස්ය । බ්රහ්මා ඍෂිඃ । අනුෂ්ටුප් ඡංදඃ ।
චාමුංඩා දේවතා । අංගන්යාසෝක්ත මාතරෝ බීජම් । නවාවරණෝ මංත්රශක්තිඃ । දිග්බංධ දේවතාඃ තත්වම් । ශ්රී ජගදංබා ප්රීත්යර්ථේ සප්තශතී පාඨාංගත්වේන ජපේ විනියෝගඃ ॥
ඕං නමශ්චංඩිකායෛ
මාර්කංඩේය උවාච ।
ඕං යද්ගුහ්යං පරමං ලෝකේ සර්වරක්ෂාකරං නෘණාම් ।
යන්න කස්යචිදාඛ්යාතං තන්මේ බ්රූහි පිතාමහ ॥ 1 ॥
බ්රහ්මෝවාච ।
අස්ති ගුහ්යතමං විප්ර සර්වභූතෝපකාරකම් ।
දේව්යාස්තු කවචං පුණ්යං තච්ඡෘණුෂ්ව මහාමුනේ ॥ 2 ॥
ප්රථමං ශෛලපුත්රී ච ද්විතීයං බ්රහ්මචාරිණී ।
තෘතීයං චංද්රඝංටේති කූෂ්මාංඩේති චතුර්ථකම් ॥ 3 ॥
පංචමං ස්කංදමාතේති ෂෂ්ඨං කාත්යායනීති ච ।
සප්තමං කාලරාත්රීති මහාගෞරීති චාෂ්ටමම් ॥ 4 ॥
නවමං සිද්ධිදාත්රී ච නවදුර්ගාඃ ප්රකීර්තිතාඃ ।
උක්තාන්යේතානි නාමානි බ්රහ්මණෛව මහාත්මනා ॥ 5 ॥
අග්නිනා දහ්යමානස්තු ශත්රුමධ්යේ ගතෝ රණේ ।
විෂමේ දුර්ගමේ චෛව භයාර්තාඃ ශරණං ගතාඃ ॥ 6 ॥
න තේෂාං ජායතේ කිංචිදශුභං රණසංකටේ ।
නාපදං තස්ය පශ්යාමි ශෝකදුඃඛභයං න හි ॥ 7 ॥
යෛස්තු භක්ත්යා ස්මෘතා නූනං තේෂාං වෘද්ධිඃ ප්රජායතේ ।
යේ ත්වාං ස්මරංති දේවේශි රක්ෂසේ තාන්නසංශයඃ ॥ 8 ॥
ප්රේතසංස්ථා තු චාමුංඩා වාරාහී මහිෂාසනා ।
ඓංද්රී ගජසමාරූඪා වෛෂ්ණවී ගරුඩාසනා ॥ 9 ॥
මාහේශ්වරී වෘෂාරූඪා කෞමාරී ශිඛිවාහනා ।
ලක්ෂ්මීඃ පද්මාසනා දේවී පද්මහස්තා හරිප්රියා ॥ 10 ॥
ශ්වේතරූපධරා දේවී ඊශ්වරී වෘෂවාහනා ।
බ්රාහ්මී හංසසමාරූඪා සර්වාභරණභූෂිතා ॥ 11 ॥
ඉත්යේතා මාතරඃ සර්වාඃ සර්වයෝගසමන්විතාඃ ।
නානාභරණාශෝභාඪ්යා නානාරත්නෝපශෝභිතාඃ ॥ 12 ॥
දෘශ්යංතේ රථමාරූඪා දේව්යඃ ක්රෝධසමාකුලාඃ ।
ශංඛං චක්රං ගදාං ශක්තිං හලං ච මුසලායුධම් ॥ 13 ॥
ඛේටකං තෝමරං චෛව පරශුං පාශමේව ච ।
කුංතායුධං ත්රිශූලං ච ශාර්ඞ්ගමායුධමුත්තමම් ॥ 14 ॥
දෛත්යානාං දේහනාශාය භක්තානාමභයාය ච ।
ධාරයංත්යායුධානීත්ථං දේවානාං ච හිතාය වෛ ॥ 15 ॥
නමස්තේऽස්තු මහාරෞද්රේ මහාඝෝරපරාක්රමේ ।
මහාබලේ මහෝත්සාහේ මහාභයවිනාශිනි ॥ 16 ॥
ත්රාහි මාං දේවි දුෂ්ප්රේක්ෂ්යේ ශත්රූණාං භයවර්ධිනි ।
ප්රාච්යාං රක්ෂතු මාමෛංද්රී ආග්නේය්යාමග්නිදේවතා ॥ 17 ॥
දක්ෂිණේऽවතු වාරාහී නෛරෘත්යාං ඛඩ්ගධාරිණී ।
ප්රතීච්යාං වාරුණී රක්ෂේද්වායව්යාං මෘගවාහිනී ॥ 18 ॥
උදීච්යාං පාතු කෞමාරී ඓශාන්යාං ශූලධාරිණී ।
ඌර්ධ්වං බ්රහ්මාණී මේ රක්ෂේදධස්තාද්වෛෂ්ණවී තථා ॥ 19 ॥
ඒවං දශ දිශෝ රක්ෂේච්චාමුංඩා ශවවාහනා ।
ජයා මේ චාග්රතඃ පාතු විජයා පාතු පෘෂ්ඨතඃ ॥ 20 ॥
අජිතා වාමපාර්ශ්වේ තු දක්ෂිණේ චාපරාජිතා ।
ශිඛාමුද්යෝතිනී රක්ෂේදුමා මූර්ධ්නි ව්යවස්ථිතා ॥ 21 ॥
මාලාධරී ලලාටේ ච භ්රුවෞ රක්ෂේද්යශස්විනී ।
ත්රිනේත්රා ච භ්රුවෝර්මධ්යේ යමඝංටා ච නාසිකේ ॥ 22 ॥
ශංඛිනී චක්ෂුෂෝර්මධ්යේ ශ්රෝත්රයෝර්ද්වාරවාසිනී ।
කපෝලෞ කාලිකා රක්ෂේත්කර්ණමූලේ තු ශාංකරී ॥ 23 ॥
නාසිකායාං සුගංධා ච උත්තරෝෂ්ඨේ ච චර්චිකා ।
අධරේ චාමෘතකලා ජිහ්වායාං ච සරස්වතී ॥ 24 ॥
දංතාන් රක්ෂතු කෞමාරී කංඨදේශේ තු චංඩිකා ।
ඝංටිකාං චිත්රඝංටා ච මහාමායා ච තාලුකේ ॥ 25 ॥
කාමාක්ෂී චිබුකං රක්ෂේද්වාචං මේ සර්වමංගළා ।
ග්රීවායාං භද්රකාළී ච පෘෂ්ඨවංශේ ධනුර්ධරී ॥ 26 ॥
නීලග්රීවා බහිඃ කංඨේ නලිකාං නලකූබරී ।
ස්කංධයෝඃ ඛඩ්ගිනී රක්ෂේද්බාහූ මේ වජ්රධාරිණී ॥ 27 ॥
හස්තයෝර්දංඩිනී රක්ෂේදංබිකා චාංගුලීෂු ච ।
නඛාංඡූලේශ්වරී රක්ෂේත්කුක්ෂෞ රක්ෂේත්කුලේශ්වරී ॥ 28 ॥
ස්තනෞ රක්ෂේන්මහාදේවී මනඃශෝකවිනාශිනී ।
හෘදයේ ලලිතා දේවී උදරේ ශූලධාරිණී ॥ 29 ॥
නාභෞ ච කාමිනී රක්ෂේද්ගුහ්යං ගුහ්යේශ්වරී තථා ।
පූතනා කාමිකා මේඪ්රං ගුදේ මහිෂවාහිනී ॥ 30 ॥
කට්යාං භගවතී රක්ෂේජ්ජානුනී විංධ්යවාසිනී ।
ජංඝේ මහාබලා රක්ෂේත්සර්වකාමප්රදායිනී ॥ 31 ॥
ගුල්ඵයෝර්නාරසිංහී ච පාදපෘෂ්ඨේ තු තෛජසී ।
පාදාංගුලීෂු ශ්රී රක්ෂේත්පාදාධස්තලවාසිනී ॥ 32 ॥
නඛාන් දංෂ්ට්රකරාලී ච කේශාංශ්චෛවෝර්ධ්වකේශිනී ।
රෝමකූපේෂු කෞමාරී ත්වචං වාගීශ්වරී තථා ॥ 33 ॥
රක්තමජ්ජාවසාමාංසාන්යස්ථිමේදාංසි පාර්වතී ।
අංත්රාණි කාලරාත්රිශ්ච පිත්තං ච මුකුටේශ්වරී ॥ 34 ॥
පද්මාවතී පද්මකෝශේ කඵේ චූඩාමණිස්තථා ।
ජ්වාලාමුඛී නඛජ්වාලාමභේද්යා සර්වසංධිෂු ॥ 35 ॥
ශුක්රං බ්රහ්මාණි! මේ රක්ෂේච්ඡායාං ඡත්රේශ්වරී තථා ।
අහංකාරං මනෝ බුද්ධිං රක්ෂේන්මේ ධර්මධාරිණී ॥ 36 ॥
ප්රාණාපානෞ තථා ව්යානමුදානං ච සමානකම් ।
වජ්රහස්තා ච මේ රක්ෂේත්ප්රාණං කල්යාණශෝභනා ॥ 37 ॥
රසේ රූපේ ච ගංධේ ච ශබ්දේ ස්පර්ශේ ච යෝගිනී ।
සත්ත්වං රජස්තමශ්චෛව රක්ෂේන්නාරායණී සදා ॥ 38 ॥
ආයූ රක්ෂතු වාරාහී ධර්මං රක්ෂතු වෛෂ්ණවී ।
යශඃ කීර්තිං ච ලක්ෂ්මීං ච ධනං විද්යාං ච චක්රිණී ॥ 39 ॥
ගෝත්රමිංද්රාණි! මේ රක්ෂේත්පශූන්මේ රක්ෂ චංඩිකේ ।
පුත්රාන් රක්ෂේන්මහාලක්ෂ්මීර්භාර්යාං රක්ෂතු භෛරවී ॥ 40 ॥
පංථානං සුපථා රක්ෂේන්මාර්ගං ක්ෂේමකරී තථා ।
රාජද්වාරේ මහාලක්ෂ්මීර්විජයා සර්වතඃ ස්ථිතා ॥ 41 ॥
රක්ෂාහීනං තු යත්-ස්ථානං වර්ජිතං කවචේන තු ।
තත්සර්වං රක්ෂ මේ දේවි! ජයංතී පාපනාශිනී ॥ 42 ॥
පදමේකං න ගච්ඡේත්තු යදීච්ඡේච්ඡුභමාත්මනඃ ।
කවචේනාවෘතෝ නිත්යං යත්ර යත්රෛව ගච්ඡති ॥ 43 ॥
තත්ර තත්රාර්ථලාභශ්ච විජයඃ සාර්වකාමිකඃ ।
යං යං චිංතයතේ කාමං තං තං ප්රාප්නෝති නිශ්චිතම් ॥ 44 ॥
පරමෛශ්වර්යමතුලං ප්රාප්ස්යතේ භූතලේ පුමාන් ।
නිර්භයෝ ජායතේ මර්ත්යඃ සංග්රාමේෂ්වපරාජිතඃ ॥ 45 ॥
ත්රෛලෝක්යේ තු භවේත්පූජ්යඃ කවචේනාවෘතඃ පුමාන් ।
ඉදං තු දේව්යාඃ කවචං දේවානාමපි දුර්ලභම් ॥ 46 ॥
යඃ පඨේත්ප්රයතෝ නිත්යං ත්රිසංධ්යං ශ්රද්ධයාන්විතඃ ।
දෛවීකලා භවේත්තස්ය ත්රෛලෝක්යේෂ්වපරාජිතඃ । 47 ॥
ජීවේද්වර්ෂශතං සාග්රමපමෘත්යුවිවර්ජිතඃ ।
නශ්යංති ව්යාධයඃ සර්වේ ලූතාවිස්ඵෝටකාදයඃ ॥ 48 ॥
ස්ථාවරං ජංගමං චෛව කෘත්රිමං චෛව යද්විෂම් ।
අභිචාරාණි සර්වාණි මංත්රයංත්රාණි භූතලේ ॥ 49 ॥
භූචරාඃ ඛේචරාශ්චෛව ජුලජාශ්චෝපදේශිකාඃ ।
සහජා කුලජා මාලා ඩාකිනී ශාකිනී තථා ॥ 50 ॥
අංතරික්ෂචරා ඝෝරා ඩාකින්යශ්ච මහාබලාඃ ।
ග්රහභූතපිශාචාශ්ච යක්ෂගංධර්වරාක්ෂසාඃ ॥ 51 ॥
බ්රහ්මරාක්ෂසවේතාලාඃ කූෂ්මාංඩා භෛරවාදයඃ ।
නශ්යංති දර්ශනාත්තස්ය කවචේ හෘදි සංස්ථිතේ ॥ 52 ॥
මානෝන්නතිර්භවේද්රාජ්ඤස්තේජෝවෘද්ධිකරං පරම් ।
යශසා වර්ධතේ සෝऽපි කීර්තිමංඩිතභූතලේ ॥ 53 ॥
ජපේත්සප්තශතීං චංඩීං කෘත්වා තු කවචං පුරා ।
යාවද්භූමංඩලං ධත්තේ සශෛලවනකානනම් ॥ 54 ॥
තාවත්තිෂ්ඨති මේදින්යාං සංතතිඃ පුත්රපෞත්රිකී ।
දේහාංතේ පරමං ස්ථානං යත්සුරෛරපි දුර්ලභම් ॥ 55 ॥
ප්රාප්නෝති පුරුෂෝ නිත්යං මහාමායාප්රසාදතඃ ।
ලභතේ පරමං රූපං ශිවේන සහ මෝදතේ ॥ 56 ॥
॥ ඉති වාරාහපුරාණේ හරිහරබ්රහ්ම විරචිතං දේව්යාඃ කවචං සංපූර්ණම් ॥