ඊශ්වර උවාච ।
ශෘණු දේවි ප්රවක්ෂ්යාමි කවචං සර්වසිද්ධිදම් ।
පඨිත්වා පාඨයිත්වා ච නරෝ මුච්යේත සංකටාත් ॥ 1 ॥
අජ්ඤාත්වා කවචං දේවි දුර්ගාමංත්රං ච යෝ ජපේත් ।
න චාප්නෝති ඵලං තස්ය පරං ච නරකං ව්රජේත් ॥ 2 ॥
උමාදේවී ශිරඃ පාතු ලලාටේ ශූලධාරිණී ।
චක්ෂුෂී ඛේචරී පාතු කර්ණෞ චත්වරවාසිනී ॥ 3 ॥
සුගංධා නාසිකං පාතු වදනං සර්වධාරිණී ।
ජිහ්වාං ච චංඩිකාදේවී ග්රීවාං සෞභද්රිකා තථා ॥ 4 ॥
අශෝකවාසිනී චේතෝ ද්වෞ බාහූ වජ්රධාරිණී ।
හෘදයං ලලිතාදේවී උදරං සිංහවාහිනී ॥ 5 ॥
කටිං භගවතී දේවී ද්වාවූරූ විංධ්යවාසිනී ।
මහාබලා ච ජංඝේ ද්වේ පාදෞ භූතලවාසිනී ॥ 6 ॥
ඒවං ස්ථිතාऽසි දේවි ත්වං ත්රෛලෝක්යේ රක්ෂණාත්මිකා ।
රක්ෂ මාං සර්වගාත්රේෂු දුර්ගේ දේවි නමෝऽස්තු තේ ॥ 7 ॥