ක්රමේණ සර්ගේ පරිවර්ධමානේ
කදාපි දිව්යාඃ සනකාදයස්තේ ।
භවද්විලෝකාය විකුංඨලෝකං
ප්රපේදිරේ මාරුතමංදිරේශ ॥1॥
මනෝජ්ඤනෛශ්රේයසකානනාද්යෛ-
රනේකවාපීමණිමංදිරෛශ්ච ।
අනෝපමං තං භවතෝ නිකේතං
මුනීශ්වරාඃ ප්රාපුරතීතකක්ෂ්යාඃ ॥2॥
භවද්දිද්දෘක්ෂූන්භවනං විවික්ෂූන්
ද්වාඃස්ථෞ ජයස්තාන් විජයෝऽප්යරුංධාම් ।
තේෂාං ච චිත්තේ පදමාප කෝපඃ
සර්වං භවත්ප්රේරණයෛව භූමන් ॥3॥
වෛකුංඨලෝකානුචිතප්රචේෂ්ටෞ
කෂ්ටෞ යුවාං දෛත්යගතිං භජේතම් ।
ඉති ප්රශප්තෞ භවදාශ්රයෞ තෞ
හරිස්මෘතිර්නෝऽස්ත්විති නේමතුස්තාන් ॥4॥
තදේතදාජ්ඤාය භවානවාප්තඃ
සහෛව ලක්ෂ්ම්යා බහිරංබුජාක්ෂ ।
ඛගේශ්වරාංසාර්පිතචාරුබාහු-
රානංදයංස්තානභිරාමමූර්ත්යා ॥5॥
ප්රසාද්ය ගීර්භිඃ ස්තුවතෝ මුනීංද්රා-
නනන්යනාථාවථ පාර්ෂදෞ තෞ ।
සංරංභයෝගේන භවෛස්ත්රිභිර්මා-
මුපේතමිත්යාත්තකෘපං න්යගාදීඃ ॥6॥
ත්වදීයභෘත්යාවථ කාශ්යපාත්තෞ
සුරාරිවීරාවුදිතෞ දිතෞ ද්වෞ ।
සංධ්යාසමුත්පාදනකෂ්ටචේෂ්ටෞ
යමෞ ච ලෝකස්ය යමාවිවාන්යෞ ॥7॥
හිරණ්යපූර්වඃ කශිපුඃ කිලෛකඃ
පරෝ හිරණ්යාක්ෂ ඉති ප්රතීතඃ ।
උභෞ භවන්නාථමශේෂලෝකං
රුෂා න්යරුංධාං නිජවාසනාංධෞ ॥8॥
තයෝර්හිරණ්යාක්ෂමහාසුරේංද්රෝ
රණාය ධාවන්නනවාප්තවෛරී ।
භවත්ප්රියාං ක්ෂ්මාං සලිලේ නිමජ්ය
චචාර ගර්වාද්විනදන් ගදාවාන් ॥9॥
තතෝ ජලේශාත් සදෘශං භවංතං
නිශම්ය බභ්රාම ගවේෂයංස්ත්වාම් ।
භක්තෛකදෘශ්යඃ ස කෘපානිධේ ත්වං
නිරුංධි රෝගාන් මරුදාලයේශ ॥10।