ශක්රේණ සංයති හතෝऽපි බලිර්මහාත්මා
ශුක්රේණ ජීවිතතනුඃ ක්රතුවර්ධිතෝෂ්මා ।
වික්රාංතිමාන් භයනිලීනසුරාං ත්රිලෝකීං
චක්රේ වශේ ස තව චක්රමුඛාදභීතඃ ॥1॥
පුත්රාර්තිදර්ශනවශාදදිතිර්විෂණ්ණා
තං කාශ්යපං නිජපතිං ශරණං ප්රපන්නා ।
ත්වත්පූජනං තදුදිතං හි පයෝව්රතාඛ්යං
සා ද්වාදශාහමචරත්ත්වයි භක්තිපූර්ණා ॥2॥
තස්යාවධෞ ත්වයි නිලීනමතේරමුෂ්යාඃ
ශ්යාමශ්චතුර්භුජවපුඃ ස්වයමාවිරාසීඃ ।
නම්රාං ච තාමිහ භවත්තනයෝ භවේයං
ගෝප්යං මදීක්ෂණමිති ප්රලපන්නයාසීඃ ॥3॥
ත්වං කාශ්යපේ තපසි සන්නිදධත්තදානීං
ප්රාප්තෝऽසි ගර්භමදිතේඃ ප්රණුතෝ විධාත්රා ।
ප්රාසූත ච ප්රකටවෛෂ්ණවදිව්යරූපං
සා ද්වාදශීශ්රවණපුණ්යදිනේ භවංතම් ॥4॥
පුණ්යාශ්රමං තමභිවර්ෂති පුෂ්පවර්ෂෛ-
ර්හර්ෂාකුලේ සුරගණේ කෘතතූර්යඝෝෂේ ।
බධ්වාऽංජලිං ජය ජයේති නුතඃ පිතෘභ්යාං
ත්වං තත්ක්ෂණේ පටුතමං වටුරූපමාධාඃ ॥5॥
තාවත්ප්රජාපතිමුඛෛරුපනීය මෞංජී-
දංඩාජිනාක්ෂවලයාදිභිරර්ච්යමානඃ ।
දේදීප්යමානවපුරීශ කෘතාග්නිකාර්ය-
ස්ත්වං ප්රාස්ථිථා බලිගෘහං ප්රකෘතාශ්වමේධම් ॥6॥
ගාත්රේණ භාවිමහිමෝචිතගෞරවං ප්රා-
ග්ව්යාවෘණ්වතේව ධරණීං චලයන්නායාසීඃ ।
ඡත්රං පරෝෂ්මතිරණාර්ථමිවාදධානෝ
දංඩං ච දානවජනේෂ්විව සන්නිධාතුම් ॥7॥
තාං නර්මදෝත්තරතටේ හයමේධශාලා-
මාසේදුෂි ත්වයි රුචා තව රුද්ධනේත්රෛඃ ।
භාස්වාන් කිමේෂ දහනෝ නු සනත්කුමාරෝ
යෝගී නු කෝऽයමිති ශුක්රමුඛෛශ්ශශංකේ ॥8॥
ආනීතමාශු භෘගුභිර්මහසාऽභිභූතෛ-
ස්ත්වාං රම්යරූපමසුරඃ පුලකාවෘතාංගඃ ।
භක්ත්යා සමේත්ය සුකෘතී පරිණිජ්ය පාදෞ
තත්තෝයමන්වධෘත මූර්ධනි තීර්ථතීර්ථම් ॥9॥
ප්රහ්ලාදවංශජතයා ක්රතුභිර්ද්විජේෂු
විශ්වාසතෝ නු තදිදං දිතිජෝऽපි ලේභේ ।
යත්තේ පදාංබු ගිරිශස්ය ශිරෝභිලාල්යං
ස ත්වං විභෝ ගුරුපුරාලය පාලයේථාඃ ॥10॥