ආනංදරූප භගවන්නයි තේऽවතාරේ
ප්රාප්තේ ප්රදීප්තභවදංගනිරීයමාණෛඃ ।
කාංතිව්රජෛරිව ඝනාඝනමංඩලෛර්ද්යා-
මාවෘණ්වතී විරුරුචේ කිල වර්ෂවේලා ॥1॥
ආශාසු ශීතලතරාසු පයෝදතෝයෛ-
රාශාසිතාප්තිවිවශේෂු ච සජ්ජනේෂු ।
නෛශාකරෝදයවිධෞ නිශි මධ්යමායාං
ක්ලේශාපහස්ත්රිජගතාං ත්වමිහාවිරාසීඃ ॥2॥
බාල්යස්පෘශාऽපි වපුෂා දධුෂා විභූතී-
රුද්යත්කිරීටකටකාංගදහාරභාසා ।
ශංඛාරිවාරිජගදාපරිභාසිතේන
මේඝාසිතේන පරිලේසිථ සූතිගේහේ ॥3॥
වක්ෂඃස්ථලීසුඛනිලීනවිලාසිලක්ෂ්මී-
මංදාක්ෂලක්ෂිතකටාක්ෂවිමෝක්ෂභේදෛඃ ।
තන්මංදිරස්ය ඛලකංසකෘතාමලක්ෂ්මී-
මුන්මාර්ජයන්නිව විරේජිථ වාසුදේව ॥4॥
ශෞරිස්තු ධීරමුනිමංඩලචේතසෝऽපි
දූරස්ථිතං වපුරුදීක්ෂ්ය නිජේක්ෂණාභ්යාම් ॥
ආනංදවාෂ්පපුලකෝද්ගමගද්ගදාර්ද්ර-
ස්තුෂ්ටාව දෘෂ්ටිමකරංදරසං භවංතම් ॥5॥
දේව ප්රසීද පරපූරුෂ තාපවල්ලී-
නිර්ලූනදාත්රසමනේත්රකලාවිලාසින් ।
ඛේදානපාකුරු කෘපාගුරුභිඃ කටාක්ෂෛ-
රිත්යාදි තේන මුදිතේන චිරං නුතෝऽභූඃ ॥6॥
මාත්රා ච නේත්රසලිලාස්තෘතගාත්රවල්යා
ස්තෝත්රෛරභිෂ්ටුතගුණඃ කරුණාලයස්ත්වම් ।
ප්රාචීනජන්මයුගලං ප්රතිබෝධ්ය තාභ්යාං
මාතුර්ගිරා දධිථ මානුෂබාලවේෂම් ॥7॥
ත්වත්ප්රේරිතස්තදනු නංදතනූජයා තේ
ව්යත්යාසමාරචයිතුං ස හි ශූරසූනුඃ ।
ත්වාං හස්තයෝරධෘත චිත්තවිධාර්යමාර්යෛ-
රංභෝරුහස්ථකලහංසකිශෝරරම්යම් ॥8॥
ජාතා තදා පශුපසද්මනි යෝගනිද්රා ।
නිද්රාවිමුද්රිතමථාකෘත පෞරලෝකම් ।
ත්වත්ප්රේරණාත් කිමිව චිත්රමචේතනෛර්යද්-
ද්වාරෛඃ ස්වයං ව්යඝටි සංඝටිතෛඃ සුගාඪම් ॥9॥
ශේෂේණ භූරිඵණවාරිතවාරිණාऽථ
ස්වෛරං ප්රදර්ශිතපථෝ මණිදීපිතේන ।
ත්වාං ධාරයන් ස ඛලු ධන්යතමඃ ප්රතස්ථේ
සෝऽයං ත්වමීශ මම නාශය රෝගවේගාන් ॥10॥