තරලමධුකෘත් වෘංදේ වෘංදාවනේऽථ මනෝහරේ
පශුපශිශුභිඃ සාකං වත්සානුපාලනලෝලුපඃ ।
හලධරසඛෝ දේව ශ්රීමන් විචේරිථ ධාරයන්
ගවලමුරලීවේත්රං නේත්රාභිරාමතනුද්යුතිඃ ॥1॥
විහිතජගතීරක්ෂං ලක්ෂ්මීකරාංබුජලාලිතං
දදති චරණද්වංද්වං වෘංදාවනේ ත්වයි පාවනේ ।
කිමිව න බභෞ සංපත්සංපූරිතං තරුවල්ලරී-
සලිලධරණීගෝත්රක්ෂේත්රාදිකං කමලාපතේ ॥2॥
විලසදුලපේ කාංතාරාංතේ සමීරණශීතලේ
විපුලයමුනාතීරේ ගෝවර්ධනාචලමූර්ධසු ।
ලලිතමුරලීනාදඃ සංචාරයන් ඛලු වාත්සකං
ක්වචන දිවසේ දෛත්යං වත්සාකෘතිං ත්වමුදෛක්ෂථාඃ ॥3॥
රභසවිලසත්පුච්ඡං විච්ඡායතෝऽස්ය විලෝකයන්
කිමපි වලිතස්කංධං රංධ්රප්රතීක්ෂමුදීක්ෂිතම් ।
තමථ චරණේ බිභ්රද්විභ්රාමයන් මුහුරුච්චකෛඃ
කුහචන මහාවෘක්ෂේ චික්ෂේපිථ ක්ෂතජීවිතම් ॥4॥
නිපතති මහාදෛත්යේ ජාත්යා දුරාත්මනි තත්ක්ෂණං
නිපතනජවක්ෂුණ්ණක්ෂෝණීරුහක්ෂතකානනේ ।
දිවි පරිමිලත් වෘංදා වෘංදාරකාඃ කුසුමෝත්කරෛඃ
ශිරසි භවතෝ හර්ෂාද්වර්ෂංති නාම තදා හරේ ॥5॥
සුරභිලතමා මූර්ධන්යූර්ධ්වං කුතඃ කුසුමාවලී
නිපතති තවේත්යුක්තෝ බාලෛඃ සහේලමුදෛරයඃ ।
ඣටිති දනුජක්ෂේපේණෝර්ධ්වං ගතස්තරුමංඩලාත්
කුසුමනිකරඃ සෝऽයං නූනං සමේති ශනෛරිති ॥6॥
ක්වචන දිවසේ භූයෝ භූයස්තරේ පරුෂාතපේ
තපනතනයාපාථඃ පාතුං ගතා භවදාදයඃ ।
චලිතගරුතං ප්රේක්ෂාමාසුර්බකං ඛලු විස්ම්රෘතං
ක්ෂිතිධරගරුච්ඡේදේ කෛලාසශෛලමිවාපරම් ॥7॥
පිබති සලිලං ගෝපව්රාතේ භවංතමභිද්රුතඃ
ස කිල නිගිලන්නග්නිප්රඛ්යං පුනර්ද්රුතමුද්වමන් ।
දලයිතුමගාත්ත්රෝට්යාඃ කෝට්යා තදාऽऽශු භවාන් විභෝ
ඛලජනභිදාචුංචුශ්චංචූ ප්රගෘහ්ය දදාර තම් ॥8॥
සපදි සහජාං සංද්රෂ්ටුං වා මෘතාං ඛලු පූතනා-
මනුජමඝමප්යග්රේ ගත්වා ප්රතීක්ෂිතුමේව වා ।
ශමනනිලයං යාතේ තස්මින් බකේ සුමනෝගණේ
කිරති සුමනෝවෘංදං වෘංදාවනාත් ගෘහමෛයථාඃ ॥9॥
ලලිතමුරලීනාදං දූරාන්නිශම්ය වධූජනෛ-
ස්ත්වරිතමුපගම්යාරාදාරූඪමෝදමුදීක්ෂිතඃ ।
ජනිතජනනීනංදානංදඃ සමීරණමංදිර-
ප්රථිතවසතේ ශෞරේ දූරීකුරුෂ්ව මමාමයාන් ॥10॥