මදනාතුරචේතසෝऽන්වහං භවදංඝ්රිද්වයදාස්යකාම්යයා ।
යමුනාතටසීම්නි සෛකතීං තරලාක්ෂ්යෝ ගිරිජාං සමාර්චිචන් ॥1॥
තව නාමකථාරතාඃ සමං සුදෘශඃ ප්රාතරුපාගතා නදීම් ।
උපහාරශතෛරපූජයන් දයිතෝ නංදසුතෝ භවේදිති ॥2॥
ඉති මාසමුපාහිතව්රතාස්තරලාක්ෂීරභිවීක්ෂ්ය තා භවාන් ।
කරුණාමෘදුලෝ නදීතටං සමයාසීත්තදනුග්රහේච්ඡයා ॥3॥
නියමාවසිතෞ නිජාංබරං තටසීමන්යවමුච්ය තාස්තදා ।
යමුනාජලඛේලනාකුලාඃ පුරතස්ත්වාමවලෝක්ය ලජ්ජිතාඃ ॥4॥
ත්රපයා නමිතානනාස්වථෝ වනිතාස්වංබරජාලමංතිකේ ।
නිහිතං පරිගෘහ්ය භූරුහෝ විටපං ත්වං තරසාऽධිරූඪවාන් ॥5॥
ඉහ තාවදුපේත්ය නීයතාං වසනං වඃ සුදෘශෝ යථායථම් ।
ඉති නර්මමෘදුස්මිතේ ත්වයි බ්රුවති ව්යාමුමුහේ වධූජනෛඃ ॥6॥
අයි ජීව චිරං කිශෝර නස්තව දාසීරවශීකරෝෂි කිම් ।
ප්රදිශාංබරමංබුජේක්ෂණේත්යුදිතස්ත්වං ස්මිතමේව දත්තවාන් ॥7॥
අධිරුහ්ය තටං කෘතාංජලීඃ පරිශුද්ධාඃ ස්වගතීර්නිරීක්ෂ්ය තාඃ ।
වසනාන්යඛිලාන්යනුග්රහං පුනරේවං ගිරමප්යදා මුදා ॥8॥
විදිතං නනු වෝ මනීෂිතං වදිතාරස්ත්විහ යෝග්යමුත්තරම් ।
යමුනාපුලිනේ සචංද්රිකාඃ ක්ෂණදා ඉත්යබලාස්ත්වමූචිවාන් ॥9॥
උපකර්ණ්ය භවන්මුඛච්යුතං මධුනිෂ්යංදි වචෝ මෘගීදෘශඃ ।
ප්රණයාදයි වීක්ෂ්ය වීක්ෂ්ය තේ වදනාබ්ජං ශනකෛර්ගෘහං ගතාඃ ॥10॥
ඉති නන්වනුගෘහ්ය වල්ලවීර්විපිනාංතේෂු පුරේව සංචරන් ।
කරුණාශිශිරෝ හරේ හර ත්වරයා මේ සකලාමයාවලිම් ॥11॥