ශුද්ධා නිෂ්කාමධර්මෛඃ ප්රවරගුරුගිරා තත්ස්වරූපං පරං තේ
ශුද්ධං දේහේංද්රියාදිව්යපගතමඛිලව්යාප්තමාවේදයංතේ ।
නානාත්වස්ථෞල්යකාර්ශ්යාදි තු ගුණජවපුස්සංගතෝऽධ්යාසිතං තේ
වහ්නේර්දාරුප්රභේදේෂ්විව මහදණුතාදීප්තතාශාංතතාදි ॥1॥
ආචාර්යාඛ්යාධරස්ථාරණිසමනුමිලච්ඡිෂ්යරූපෝත්තරාර-
ණ්යාවේධෝද්භාසිතේන ස්ඵුටතරපරිබෝධාග්නිනා දහ්යමානේ ।
කර්මාලීවාසනාතත්කෘතතනුභුවනභ්රාංතිකාංතාරපූරේ
දාහ්යාභාවේන විද්යාශිඛිනි ච විරතේ ත්වන්මයී ඛල්වවස්ථා ॥2॥
ඒවං ත්වත්ප්රාප්තිතෝऽන්යෝ නහි ඛලු නිඛිලක්ලේශහානේරුපායෝ
නෛකාංතාත්යංතිකාස්තේ කෘෂිවදගදෂාඩ්ගුණ්යෂට්කර්මයෝගාඃ ।
දුර්වෛකල්යෛරකල්යා අපි නිගමපථාස්තත්ඵලාන්යප්යවාප්තා
මත්තාස්ත්වාං විස්මරංතඃ ප්රසජති පතනේ යාංත්යනංතාන් විෂාදාන්॥3॥
ත්වල්ලෝකාදන්යලෝකඃ ක්වනු භයරහිතෝ යත් පරාර්ධද්වයාංතේ
ත්වද්භීතස්සත්යලෝකේऽපි න සුඛවසතිඃ පද්මභූඃ පද්මනාභ ।
ඒවං භාවේ ත්වධර්මාර්ජිතබහුතමසාං කා කථා නාරකාණාං
තන්මේ ත්වං ඡිංධි බංධං වරද් කෘපණබංධෝ කෘපාපූරසිංධෝ ॥4॥
යාථාර්ථ්යාත්ත්වන්මයස්යෛව හි මම න විභෝ වස්තුතෝ බංධමෝක්ෂෞ
මායාවිද්යාතනුභ්යාං තව තු විරචිතෞ ස්වප්නබෝධෝපමෞ තෞ ।
බද්ධේ ජීවද්විමුක්තිං ගතවති ච භිදා තාවතී තාවදේකෝ
භුංක්තේ දේහද්රුමස්ථෝ විෂයඵලරසාන්නාපරෝ නිර්ව්යථාත්මා ॥5॥
ජීවන්මුක්තත්වමේවංවිධමිති වචසා කිං ඵලං දූරදූරේ
තන්නාමාශුද්ධබුද්ධේර්න ච ලඝු මනසශ්ශෝධනං භක්තිතෝऽන්යත් ।
තන්මේ විෂ්ණෝ කෘෂීෂ්ඨාස්ත්වයි කෘතසකලප්රාර්පණං භක්තිභාරං
යේන ස්යාං මංක්ෂු කිංචිද් ගුරුවචනමිලත්ත්වත්ප්රබෝධස්ත්වදාත්මා ॥6॥
ශබ්ද්බ්රහ්මණ්යපීහ ප්රයතිතමනසස්ත්වාං න ජානංති කේචිත්
කෂ්ටං වංධ්යශ්රමාස්තේ චිරතරමිහ ගාං බිභ්රතේ නිෂ්ප්රසූතිම් ।
යස්යාං විශ්වාභිරාමාස්සකලමලහරා දිව්යලීලාවතාරාඃ
සච්චිත්සාංද්රං ච රූපං තව න නිගදිතං තාං න වාචං භ්රියාසම් ॥7॥
යෝ යාවාන් යාදෘශෝ වා ත්වමිති කිමපි නෛවාවගච්ඡාමි භූම්-
න්නේවංචානන්යභාවස්ත්වදනුභජනමේවාද්රියේ චෛද්යවෛරින් ।
ත්වල්ලිංගානාං ත්වදංඝ්රිප්රියජනසදසාං දර්ශනස්පර්ශනාදි-
ර්භූයාන්මේ ත්වත්ප්රපූජානතිනුතිගුණකර්මානුකීර්ත්යාදරෝऽපි ॥8॥
යද්යල්ලභ්යේත තත්තත්තව සමුපහෘතං දේව දාසෝऽස්මි තේऽහං
ත්වද්ගේහෝන්මාර්ජනාද්යං භවතු මම මුහුඃ කර්ම නිර්මායමේව ।
සූර්යාග්නිබ්රාහ්මණාත්මාදිෂු ලසිතචතුර්බාහුමාරාධයේ ත්වාං
ත්වත්ප්රේමාර්ද්රත්වරූපෝ මම සතතමභිෂ්යංදතාං භක්තියෝගඃ ॥9॥
ඓක්යං තේ දානහෝමව්රතනියමතපස්සාංඛ්යයෝගෛර්දුරාපං
ත්වත්සංගේනෛව ගෝප්යඃ කිල සුකෘතිතමා ප්රාපුරානංදසාංද්රම් ।
භක්තේෂ්වන්යේෂු භූයස්ස්වපි බහුමනුෂේ භක්තිමේව ත්වමාසාං
තන්මේ ත්වද්භක්තිමේව ද්රඪය හර ගදාන් කෘෂ්ණ වාතාලයේශ ॥10॥