ප්රහ්ලාදනාරදපරාශරපුංඩරීක-
ව්යාසාංබරීෂශුකශෞනකභීෂ්මකාව්යාඃ ।
රුක්මාංගදාර්ජුනවසිෂ්ඨවිභීෂණාද්යා
ඒතානහං පරමභාගවතාන් නමාමි ॥ 1॥
ලෝමහර්ෂණ උවාච ।
ධර්මෝ විවර්ධති යුධිෂ්ඨිරකීර්තනේන
පාපං ප්රණශ්යති වෘකෝදරකීර්තනේන ।
ශත්රුර්විනශ්යති ධනංජයකීර්තනේන
මාද්රීසුතෞ කථයතාං න භවංති රෝගාඃ ॥ 2॥
බ්රහ්මෝවාච ।
යේ මානවා විගතරාගපරාऽපරජ්ඤා
නාරායණං සුරගුරුං සතතං ස්මරංති ।
ධ්යානේන තේන හතකිල්බිෂ චේතනාස්තේ
මාතුඃ පයෝධරරසං න පුනඃ පිබංති ॥ 3॥
ඉංද්ර උවාච ।
නාරායණෝ නාම නරෝ නරාණාං
ප්රසිද්ධචෞරඃ කථිතඃ පෘථිව්යාම් ।
අනේකජන්මාර්ජිතපාපසංචයං
හරත්යශේෂං ස්මෘතමාත්ර ඒව යඃ ॥ 4॥
යුධිෂ්ඨිර උවාච ।
මේඝශ්යාමං පීතකෞශේයවාසං
ශ්රීවත්සාංකං කෞස්තුභෝද්භාසිතාංගම් ।
පුණ්යෝපේතං පුංඩරීකායතාක්ෂං
විෂ්ණුං වංදේ සර්වලෝකෛකනාථම් ॥ 5॥
භීම උවාච ।
ජලෞඝමග්නා සචරාऽචරා ධරා
විෂාණකෝට්යාऽඛිලවිශ්වමූර්තිනා ।
සමුද්ධෘතා යේන වරාහරූපිණා
ස මේ ස්වයංභූර්භගවාන් ප්රසීදරු ॥ 6॥
අර්ජුන උවාච ।
අචිංත්යමව්යක්තමනංතමව්යයං
විභුං ප්රභුං භාවිතවිශ්වභාවනම් ।
ත්රෛලෝක්යවිස්තාරවිචාරකාරකං
හරිං ප්රපන්නෝऽස්මි ගතිං මහාත්මනාම් ॥ 7॥
නකුල උවාච ।
යදි ගමනමධස්තාත් කාලපාශානුබංධාද්
යදි ච කුලවිහීනේ ජායතේ පක්ෂිකීටේ ।
කෘමිශතමපි ගත්වා ධ්යායතේ චාංතරාත්මා
මම භවතු හෘදිස්ථා කේශවේ භක්තිරේකා ॥ 8॥
සහදේව උවාච ।
තස්ය යජ්ඤවරාහස්ය විෂ්ණෝරතුලතේජසඃ ।
ප්රණාමං යේ ප්රකුර්වංති තේෂාමපි නමෝ නමඃ ॥ 9॥
කුංතී උවාච ।
ස්වකර්මඵලනිර්දිෂ්ටාං යාං යාං යෝනිං ව්රජාම්යහම් ।
තස්යාං තස්යාං හෘෂීකේශ ත්වයි භක්තිර්දෘඪාऽස්තු මේ ॥ 10॥
මාද්රී උවාච ।
කෘෂ්ණේ රතාඃ කෘෂ්ණමනුස්මරංති
රාත්රෞ ච කෘෂ්ණං පුනරුත්ථිතා යේ ।
තේ භින්නදේහාඃ ප්රවිශංති කෘෂ්ණේ
හවිර්යථා මංත්රහුතං හුතාශේ ॥ 11॥
ද්රෞපදී උවාච ।
කීටේෂු පක්ෂිෂු මෘගේෂු සරීසෘපේෂු
රක්ෂඃපිශාචමනුජේෂ්වපි යත්ර යත්ර ।
ජාතස්ය මේ භවතු කේශව ත්වත්ප්රසාදාත්
ත්වය්යේව භක්තිරචලාऽව්යභිචාරිණී ච ॥ 12॥
සුභද්රා උවාච ।
ඒකෝऽපි කෘෂ්ණස්ය කෘතඃ ප්රණාමෝ
දශාශ්වමේධාවභෘථේන තුල්යඃ ।
දශාශ්වමේධී පුනරේති ජන්ම
කෘෂ්ණප්රණාමී න පුනර්භවාය ॥ 13॥
අභිමන්යුරුවාච ।
ගෝවිංද ගෝවිංද හරේ මුරාරේ
ගෝවිංද ගෝවිංද මුකුංද කෘෂ්ණ
ගෝවිංද ගෝවිංද රථාංගපාණේ ।
ගෝවිංද ගෝවිංද නමාමි නිත්යම් ॥ 14॥
ධෘෂ්ටද්යුම්න උවාච ।
ශ්රීරාම නාරායණ වාසුදේව
ගෝවිංද වෛකුංඨ මුකුංද කෘෂ්ණ ।
ශ්රීකේශවානංත නෘසිංහ විෂ්ණෝ
මාං ත්රාහි සංසාරභුජංගදෂ්ටම් ॥ 15॥
සාත්යකිරුවාච ।
අප්රමේය හරේ විෂ්ණෝ කෘෂ්ණ දාමෝදරාऽච්යුත ।
ගෝවිංදානංත සර්වේශ වාසුදේව නමෝऽස්තු තේ ॥ 16॥
උද්ධව උවාච ।
වාසුදේවං පරිත්යජ්ය යෝऽන්යං දේවමුපාසතේ ।
තෘෂිතෝ ජාහ්නවීතීරේ කූපං ඛනති දුර්මතිඃ ॥ 17॥
ධෞම්ය උවාච ।
අපාං සමීපේ ශයනාසනස්ථිතේ
දිවා ච රාත්රෞ ච යථාධිගච්ඡතා ।
යද්යස්ති කිංචිත් සුකෘතං කෘතං මයා
ජනාර්දනස්තේන කෘතේන තුෂ්යතු ॥ 18॥
සංජය උවාච ।
ආර්තා විෂණ්ණාඃ ශිථිලාශ්ච භීතා
ඝෝරේෂු ව්යාඝ්රාදිෂු වර්තමානාඃ ।
සංකීර්ත්ය නාරායණශබ්දමාත්රං
විමුක්තදුඃඛාඃ සුඛිනෝ භවංති ॥ 19॥
අක්රූර උවාච ।
අහං තු නාරායණදාසදාස-
දාසස්ය දාසස්ය ච දාසදාසඃ ।
අන්යෝ න හීශෝ ජගතෝ නරාණාං
තස්මාදහං ධන්යතරෝऽස්මි ලෝකේ ॥ 20॥
විරාට උවාච ।
වාසුදේවස්ය යේ භක්තාඃ ශාංතාස්තද්ගතචේතසඃ ।
තේෂාං දාසස්ය දාසෝऽහං භවේයං ජන්මජන්මනි ॥ 21॥
භීෂ්ම උවාච ।
විපරීතේෂු කාලේෂු පරික්ෂීණේෂු බංධුෂු ।
ත්රාහි මාං කෘපයා කෘෂ්ණ ශරණාගතවත්සල ॥ 22॥
ද්රෝණ උවාච ।
යේ යේ හතාශ්චක්රධරේණ දෛත්යාං-
ස්ත්රෛලෝක්යනාථේන ජනාර්දනේන ।
තේ තේ ගතා විෂ්ණුපුරීං ප්රයාතාඃ
ක්රෝධෝऽපි දේවස්ය වරේණ තුල්යඃ ॥ 23॥
කෘපාචාර්ය උවාච ।
මජ්ජන්මනඃ ඵලමිදං මධුකෛටභාරේ
මත්ප්රාර්ථනීය මදනුග්රහ ඒෂ ඒව ।
ත්වද්භෘත්යභෘත්යපරිචාරකභෘත්යභෘත්ය-
භෘත්යස්ය භෘත්ය ඉති මාං ස්මර ලෝකනාථ ॥ 24॥
අශ්වත්ථාම උවාච ।
ගෝවිංද කේශව ජනාර්දන වාසුදේව
විශ්වේශ විශ්ව මධුසූදන විශ්වරූප ।
ශ්රීපද්මනාභ පුරුෂෝත්තම දේහි දාස්යං
නාරායණාච්යුත නෘසිංහ නමෝ නමස්තේ ॥ 25॥
කර්ණ උවාච ।
නාන්යං වදාමි න ශ‍ඍණෝමි න චිංතයාමි
නාන්යං ස්මරාමි න භජාමි න චාශ්රයාමි ।
භක්ත්යා ත්වදීයචරණාංබුජමාදරේණ
ශ්රීශ්රීනිවාස පුරුෂෝත්තම දේහි දාස්යම් ॥ 26॥
ධෘතරාෂ්ට්ර උවාච ।
නමෝ නමඃ කාරණවාමනාය
නාරායණායාමිතවික්රමාය ।
ශ්රීශාර්ඞ්ගචක්රාසිගදාධරාය
නමෝऽස්තු තස්මෛ පුරුෂෝත්තමාය ॥ 27॥
ගාංධාරී උවාච ।
ත්වමේව මාතා ච පිතා ත්වමේව
ත්වමේව බංධුශ්ච සඛා ත්වමේව ।
ත්වමේව විද්යා ද්රවිණං ත්වමේව
ත්වමේව සර්වං මම දේව දේව ॥ 28॥
ද්රුපද උවාච ।
යජ්ඤේශාච්යුත ගෝවිංද මාධවානංත කේශව ।
කෘෂ්ණ විෂ්ණෝ හෘෂීකේශ වාසුදේව නමෝऽස්තු තේ ॥ 29॥
ජයද්රථ උවාච ।
නමඃ කෘෂ්ණාය දේවාය බ්රහ්මණේऽනංතශක්තයේ ।
යෝගේශ්වරාය යෝගාය ත්වාමහං ශරණං ගතඃ ॥ 30॥
විකර්ණ උවාච ।
කෘෂ්ණාය වාසුදේවාය දේවකීනංදනාය ච ।
නංදගෝපකුමාරාය ගෝවිංදාය නමෝ නමඃ ॥ 31॥
විරාට උවාච ।
නමෝ බ්රහ්මණ්යදේවාය ගෝබ්රාහ්මණහිතාය ච ।
ජගද්ධිතාය කෘෂ්ණාය ගෝවිංදාය නමෝ නමඃ ॥ 32॥
ශල්ය උවාච ।
අතසීපුෂ්පසංකාශං පීතවාසසමච්යුතම් ।
යේ නමස්යංති ගෝවිංදං තේෂාං න විද්යතේ භයම් ॥ 33॥
බලභද්ර උවාච ।
කෘෂ්ණ කෘෂ්ණ කෘපාලෝ ත්වමගතීනාං ගතිර්භව ।
සංසාරාර්ණවමග්නානාං ප්රසීද පුරුෂෝත්තම ॥ 34॥
ශ්රීකෘෂ්ණ උවාච ।
කෘෂ්ණ කෘෂ්ණේති කෘෂ්ණේති යෝ මාං ස්මරති නිත්යශඃ ।
ජලං භිත්වා යථා පද්මං නරකාදුද්ධරාම්යහම් ॥ 35॥
ශ්රීකෘෂ්ණ උවාච ।
නිත්යං වදාමි මනුජාඃ ස්වයමූර්ධ්වබාහු-
ර්යෝ මාං මුකුංද නරසිංහ ජනාර්දනේති ।
ජීවෝ ජපත්යනුදිනං මරණේ රණේ වා
පාෂාණකාෂ්ඨසදෘශාය දදාම්යභීෂ්ටම් ॥ 36॥
ඊශ්වර උවාච ।
සකෘන්නාරායණේත්යුක්ත්වා පුමාන් කල්පශතත්රයම් ।
ගංගාදිසර්වතීර්ථේෂු ස්නාතෝ භවති පුත්රක ॥ 37॥
සූත උවාච ।
තත්රෛව ගංගා යමුනා ච තත්ර
ගෝදාවරී සිංධු සරස්වතී ච ।
සර්වාණි තීර්ථානි වසංති තත්ර
යත්රාච්යුතෝදාර කථාප්රසංගඃ ॥ 38॥
යම උවාච ।
නරකේ පච්යමානං තු යමේනං පරිභාෂිතම් ।
කිං ත්වයා නාර්චිතෝ දේවඃ කේශවඃ ක්ලේශනාශනඃ ॥ 35॥
නාරද උවාච ।
ජන්මාංතරසහස්රේණ තපෝධ්යානසමාධිනා ।
නරාණාං ක්ෂීණපාපානාං කෘෂ්ණේ භක්තිඃ ප්රජායතේ ॥ 40॥
ප්රහ්ලාද උවාච ।
නාථ යෝනිසහස්රේෂු යේෂු යේෂු ව්රජාම්යහම් ।
තේෂු තේෂ්වචලා භක්තිරච්යුතාऽස්තු සදා ත්වයි ॥ 41॥
යා ප්රීතිරවිවේකනාං විෂයේෂ්වනපායිනි ।
ත්වාමනුස්මරතඃ සා මේ හෘදයාන්මාऽපසර්පතු ॥ 42॥
විශ්වාමිත්ර උවාච ।
කිං තස්ය දානෛඃ කිං තීර්ථෛඃ කිං තපෝභිඃ කිමධ්වරෛඃ ।
යෝ නිත්යං ධ්යායතේ දේවං නාරායණමනන්යධීඃ ॥ 43॥
ජමදග්නිරුවාච ।
නිත්යෝත්සවෝ භවේත්තේෂාං නිත්යං නිත්යං ච මංගලම් ।
යේෂාං හෘදිස්ථෝ භගවාන්මංගලායතනං හරිඃ ॥ 44॥
භරද්වාජ උවාච ।
ලාභස්තේෂාං ජයස්තේෂාං කුතස්තේෂාං පරාජයඃ ।
යේෂාමිංදීශ්වරශ්යාමෝ හෘදයස්ථෝ ජනාර්දනඃ ॥ 45॥
ගෞතම උවාච ।
ගෝකෝටිදානං ග්රහණේෂු කාශී-
ප්රයාගගංගායුතකල්පවාසඃ ।
යජ්ඤායුතං මේරුසුවර්ණදානං
ගෝවිංදනාමස්මරණේන තුල්යම් ॥ 46॥
අග්නිරුවාච ।
ගෝවිංදේති සදා ස්නානං ගෝවිංදේති සදා ජපඃ ।
ගෝවිංදේති සදා ධ්යානං සදා ගෝවිංදකීර්තනම් ॥ 47॥
ත්ර්යක්ෂරං පරමං බ්රහ්ම ගෝවිංද ත්ර්යක්ෂරං පරම් ।
තස්මාදුච්චාරිතං යේන බ්රහ්මභූයාය කල්පතේ ॥ 48॥
වේදව්යාස උවාච ।
අච්යුතඃ කල්පවෘක්ෂෝऽසාවනංතඃ කාමධේනු වෛ ।
චිංතාමණිස්තු ගෝවිංදෝ හරේර්නාම විචිංතයේත් ॥ 49॥
ඉංද්ර උවාච ।
ජයතු ජයතු දේවෝ දේවකීනංදනෝऽයං
ජයතු ජයතු කෘෂ්ණෝ වෘෂ්ණිවංශප්රදීපඃ ।
ජයතු ජයතු මේඝශ්යාමලඃ කෝමලාංගෝ
ජයතු ජයතු පෘථ්වීභාරනාශෝ මුකුංදඃ ॥ 50॥
පිප්පලායන උවාච ।
ශ්රීමන්නෘසිංහවිභවේ ගරුඩධ්වජාය
තාපත්රයෝපශමනාය භවෞෂධාය ।
කෘෂ්ණාය වෘශ්චිකජලාග්නිභුජංගරෝග-
ක්ලේශව්යයාය හරයේ ගුරවේ නමස්තේ ॥ 51॥
ආවිර්හෝත්ර උවාච ।
කෘෂ්ණ ත්වදීයපදපංකජපංජරාංතේ
අද්යෛව මේ විශතු මානසරාජහංසඃ ।
ප්රාණප්රයාණසමයේ කඵවාතපිත්තෛඃ
කංඨාවරෝධනවිධෞ ස්මරණං කුතස්තේ ॥ 52॥
විදුර උවාච ।
හරේර්නාමෛව නාමෛව නාමෛව මම ජීවනම් ।
කලෞ නාස්ත්යේව නාස්ත්යේව නාස්ත්යේව ගතිරන්යථා ॥ 53॥
වසිෂ්ඨ උවාච ।
කෘෂ්ණේති මංගලං නාම යස්ය වාචි ප්රවර්තතේ ।
භස්මීභවංති තස්යාශු මහාපාතකකෝටයඃ ॥ 54॥
අරුංධත්යුවාච ।
කෘෂ්ණාය වාසුදේවාය හරයේ පරමාත්මනේ ।
ප්රණතක්ලේශනාශාය ගෝවිංදාය නමෝ නමඃ ॥ 55॥
කශ්යප උවාච ।
කෘෂ්ණානුස්මරණාදේව පාපසංඝට්ටපංජරම් ।
ශතධා භේදමාප්නෝති ගිරිර්වජ්රහතෝ යථා ॥ 56॥
දුර්යෝධන උවාච ।
ජානාමි ධර්මං න ච මේ ප්රවෘත්ති-
ර්ජානාමි පාපං න ච මේ නිවෘත්තිඃ ।
කේනාපි දේවේන හෘදි ස්ථිතේන
යථා නියුක්තෝऽස්මි තථා කරෝමි ॥ 57॥
යංත්රස්ය මම දෝෂේණ ක්ෂම්යතාං මධුසූදන ।
අහං යංත්රං භවාන් යංත්රී මම දෝෂෝ න දීයතාම් ॥ 58॥
භෘගුරුවාච ।
නාමෛව තව ගෝවිංද නාම ත්වත්තඃ ශතාධිකම් ।
දදාත්ත්යුච්චාරණාන්මුක්තිඃ භවානෂ්ටාංගයෝගතඃ ॥ 59॥
ලෝමශ උවාච ।
නමාමි නාරායණ පාදපංකජං
කරෝමි නාරායණපූජනං සදා ।
වදාමි නාරායණනාම නිර්මලං
ස්මරාමි නාරායණතත්ත්වමව්යයම් ॥ 60॥
ශෞනක උවාච ।
ස්මෘතේඃ සකලකල්යාණං භජනං යස්ය ජායතේ ।
පුරුෂං තමජං නිත්යං ව්රජාමි ශරණං හරිම් ॥ 61॥
ගර්ග උවාච ।
නාරායණේති මංත්රෝऽස්ති වාගස්ති වශවර්තිනී ।
තථාපි නරකේ ඝෝරේ පතංතීත්යද්භුතං මහත් ॥ 62॥
දාල්භ්ය උවාච ।
කිං තස්ය බහුභිර්මංත්රෛර්භක්තිර්යස්ය ජනාර්දනේ ।
නමෝ නාරායණායේති මංත්රඃ සර්වාර්ථසාධාකේ ॥ 63॥
වෛශංපායන උවාච ।
යත්ර යෝගේශ්වරඃ කෘෂ්ණෝ යත්ර පාර්ථෝ ධනුර්ධරඃ ।
තත්ර ශ්රීර්විජයෝ භූතිර්ධ්රුවා නීතිර්මතිර්මම ॥ 64॥
අග්නිරුවාච ।
හරිර්හරති පාපානි දුෂ්ටචිත්තෛරපි ස්මෘතඃ ।
අනිච්ඡයාපි සංස්පෘෂ්ටෝ දහත්යේව හි පාවකඃ ॥ 65॥
පරමේශ්වර උවාච ।
සකෘදුච්චරිතං යේන හරිරිත්යක්ෂරද්වයම් ।
ලබ්ධඃ පරිකරස්තේන මෝක්ෂාය ගමනං ප්රති ॥ 66॥
පුලස්ත්ය උවාච ।
හේ ජිහ්වේ රසසාරජ්ඤේ සර්වදා මධුරප්රියේ ।
නාරායණාඛ්යපීයූෂං පිබ ජිහ්වේ නිරංතරම් ॥ 67॥
ව්යාස උවාච ।
සත්යං සත්යං පුනඃ සත්යං සත්යං සත්යං වදාම්යහම් ।
නාස්ති වේදාත්පරං ශාස්ත්රං න දේවඃ කේශවාත්පරඃ ॥ 68॥
ධන්වංතරිරුවාච ।
අච්යුතානංත ගෝවිංද නාමෝච්චාරණභේෂජාත් ।
නශ්යංති සකලා රෝගාඃ සත්යං සත්යං වදාම්යහම් ॥ 69॥
මාර්කංඩේය උවාච ।
ස්වර්ගදං මෝක්ෂදං දේවං සුඛදං ජගතෝ ගුරුම් ।
කථං මුහුර්තමපි තං වාසුදේවං න චිංතයේත් ॥ 70॥
අගස්ත්ය උවාච ।
නිමිෂං නිමිෂාර්ධං වා ප්රාණිනාං විෂ්ණුචිංතනම් ।
තත්ර තත්ර කුරුක්ෂේත්රං ප්රයාගෝ නෛමිෂං වරම් ॥ 71॥
වාමදේව උවාච ।
නිමිෂං නිමිෂාර්ධං වා ප්රාණිනාං විෂ්ණුචිංතනම් ।
කල්පකෝටිසහස්රාණි ලභතේ වාංඡිතං ඵලම් ॥ 72॥
ශුක උවාච ।
ආලෝඩ්ය සර්වශාස්ත්රාණි විචාර්ය ච පුනඃ පුනඃ ।
ඉදමේකං සුනිෂ්පන්නං ධ්යේයෝ නාරායණඃ සදා ॥ 73॥
ශ්රීමහාදේව උවාච ।
ශරීරේ ජර්ජරීභූතේ ව්යාධිග්රස්තේ කලේවරේ ।
ඖෂධං ජාහ්නවීතෝයං වෛද්යෝ නාරායණෝ හරිඃ ॥ 74॥
ශෞනක උවාච ।
භෝජනාච්ඡාදනේ චිංතාං වෘථා කුර්වංති වෛෂ්ණවාඃ ।
යෝऽසෞ විශ්වංභරෝ දේවඃ ස කිං භක්තානුපේක්ෂතේ ॥ 75॥
සනත්කුමාර උවාච ।
යස්ය හස්තේ ගදා චක්රං ගරුඩෝ යස්ය වාහනම් ।
ශංඛචක්රගදාපද්මී ස මේ විෂ්ණුඃ ප්රසීදතු ॥ 76॥
ඒවං බ්රහ්මාදයෝ දේවා ඍෂයශ්ච තපෝධනාඃ ।
කීර්තයංති සුරශ්රේෂ්ඨමේවං නාරායණං විභුම් ॥ 77॥
ඉදං පවිත්රමායුෂ්යං පුණ්යං පාපප්රණාශනම් ।
දුඃස්වප්නනාශනං ස්තෝත්රං පාංඩවෛඃ පරිකීර්තිතම් ॥ 78॥
යඃ පඨේත්ප්රාතරුත්ථාය ශුචිස්තද්ගතමානසඃ ।
ගවාං ශතසහස්රස්ය සම්යග්දත්තස්ය යත්ඵලම් ॥ 79॥
තත්ඵලං සමවාප්නෝති යඃ පඨේදිති සංස්තවම් ।
සර්වපාපවිනිර්මුක්තෝ විෂ්ණුලෝකං ස ගච්ඡති ॥ 80॥
ගංගා ගීතා ච ගායත්රී ගෝවිංදෝ ගරුඩධ්වජඃ ।
ගකාරෛඃ පංචභිර්යුක්තඃ පුනර්ජන්ම න විද්යතේ ॥ 81॥
ගීතාං යඃ පඨතේ නිත්යං ශ්ලෝකාර්ධං ශ්ලෝකමේව වා ।
මුච්යතේ සර්වපාපේභ්යෝ විෂ්ණුලෝකං ස ගච්ඡති ॥ 82॥
ඉති පාංඩවගීතා අථවා ප්රපන්නගීතා සමාප්තා ।
ඕං තත්සත් ।