නමෝ භූතනාථං නමෝ දේවදේවං
නමඃ කාලකාලං නමෝ දිව්යතේජම් ।
නමඃ කාමභස්මං නමඃ ශාංතශීලං
භජේ පාර්වතීවල්ලභං නීලකංඨම් ॥ 1 ॥
සදා තීර්ථසිද්ධං සදා භක්තරක්ෂං
සදා ශෛවපූජ්යං සදා ශුභ්රභස්මම් ।
සදා ධ්යානයුක්තං සදා ජ්ඤානතල්පං
භජේ පාර්වතීවල්ලභං නීලකංඨම් ॥ 2 ॥
ශ්මශානේ ශයානං මහාස්ථානවාසං
ශරීරං ගජානාං සදා චර්මවේෂ්ටම් ।
පිශාචාදිනාථං පශූනාං ප්රතිෂ්ඨං
භජේ පාර්වතීවල්ලභං නීලකංඨම් ॥ 3 ॥
ඵණීනාගකංඨේ භුජංගාද්යනේකං
ගළේ රුංඩමාලං මහාවීර ශූරම් ।
කටිව්යාඝ්රචර්මං චිතාභස්මලේපං
භජේ පාර්වතීවල්ලභං නීලකංඨම් ॥ 4 ॥
ශිරඃ ශුද්ධගංගා ශිවා වාමභාගං
වියද්දීර්ඝකේශං සදා මාං ත්රිණේත්රම් ।
ඵණීනාගකර්ණං සදා ඵාලචංද්රං
භජේ පාර්වතීවල්ලභං නීලකංඨම් ॥ 5 ॥
කරේ ශූලධාරං මහාකෂ්ටනාශං
සුරේශං පරේශං මහේශං ජනේශම් ।
ධනේශාමරේශං ධ්වජේශං ගිරීශං [ධනේශස්යමිත්රං]
භජේ පාර්වතීවල්ලභං නීලකංඨම් ॥ 6 ॥
උදාසං සුදාසං සුකෛලාසවාසං
ධරානිර්ඣරේ සංස්ථිතං හ්යාදිදේවම් ।
අජං හේමකල්පද්රුමං කල්පසේව්යං
භජේ පාර්වතීවල්ලභං නීලකංඨම් ॥ 7 ॥
මුනීනාං වරේණ්යං ගුණං රූපවර්ණං
ද්විජෛඃ සංපඨංතං ශිවං වේදශාස්ත්රම් ।
අහෝ දීනවත්සං කෘපාලුං ශිවං තං
භජේ පාර්වතීවල්ලභං නීලකංඨම් ॥ 8 ॥
සදා භාවනාථං සදා සේව්යමානං
සදා භක්තිදේවං සදා පූජ්යමානම් ।
මහාතීර්ථවාසං සදා සේව්යමේකං
භජේ පාර්වතීවල්ලභං නීලකංඨම් ॥ 9 ॥
ඉති ශ්රීමච්ඡංකරයෝගීංද්ර විරචිතං පාර්වතීවල්ලභාෂ්ටකං නාම නීලකංඨ ස්තවඃ ॥