කලිතකනකචේලං ඛංඩිතාපත්කුචේලං
ගළධෘතවනමාලං ගර්විතාරාතිකාලම් ।
කලිමලහරශීලං කාංතිධූතේංද්රනීලං
විනමදවනශීලං වේණුගෝපාලමීඩේ ॥ 1 ॥
ව්රජයුවතිවිලෝලං වංදනානංදලෝලං
කරධෘතගුරුශෛලං කංජගර්භාදිපාලම් ।
අභිමතඵලදානං ශ්රීජිතාමර්ත්යසාලං
විනමදවනශීලං වේණුගෝපාලමීඩේ ॥ 2 ॥
ඝනතරකරුණාශ්රීකල්පවල්ල්යාලවාලං
කලශජලධිකන්යාමෝදකශ්රීකපෝලම් ।
ප්ලුෂිතවිනතලෝකානංතදුෂ්කර්මතූලං
විනමදවනශීලං වේණුගෝපාලමීඩේ ॥ 3 ॥
ශුභදසුගුණජාලං සූරිලෝකානුකූලං
දිතිජතතිකරාලං දිව්යදාරායිතේලම් ।
මෘදුමධුරවචඃශ්රී දූරිතශ්රීරසාලං
විනමදවනශීලං වේණුගෝපාලමීඩේ ॥ 4 ॥
මෘගමදතිලකශ්රීමේදුරස්වීයඵාලං
ජගදුදයලයස්ථිත්යාත්මකාත්මීයඛේලම් ।
සකලමුනිජනාළීමානසාංතර්මරාළං
විනමදවනශීලං වේණුගෝපාලමීඩේ ॥ 5 ॥
අසුරහරණඛේලනං නංදකෝත්ක්ෂේපලීලං
විලසිතශරකාලං විශ්වපූර්ණාංතරාළම් ।
ශුචිරුචිරයශශ්ශ්රීධික්කෘත ශ්රීමෘණාලං
විනමදවනශීලං වේණුගෝපාලමීඩේ ॥ 6 ॥
ස්වපරිචරණලබ්ධ ශ්රීධරාශාධිපාලං
ස්වමහිමලවලීලාජාතවිධ්යංඩගෝළම් ।
ගුරුතරභවදුඃඛානීක වාඃපූරකූලං
විනමදවනශීලං වේණුගෝපාලමීඩේ ॥ 7 ॥
චරණකමලශෝභාපාලිත ශ්රීප්රවාළං
සකලසුකෘතිරක්ෂාදක්ෂකාරුණ්ය හේලම් ।
රුචිවිජිතතමාලං රුක්මිණීපුණ්යමූලං
විනමදවනශීලං වේණුගෝපාලමීඩේ ॥ 8 ॥
ශ්රීවේණුගෝපාල කෘපාලවාලාං
ශ්රීරුක්මිණීලෝලසුවර්ණචේලාම් ।
කෘතිං මම ත්වං කෘපයා ගෘහීත්වා
ස්රජං යථා මාං කුරු දුඃඛදූරම් ॥ 9 ॥
ඉති ශ්රී වේණුගෝපාලාෂ්ටකම් ।