ඕං ශ්රී පරමාත්මනේ නමඃ
අථ චතුර්ථෝऽධ්යායඃ
ජ්ඤානයෝගඃ
ශ්රී භගවානුවාච
ඉමං විවස්වතේ යෝගං ප්රෝක්තවානහමව්යයම් ।
විවස්වාන්මනවේ ප්රාහ මනුරික්ෂ්වාකවේऽබ්රවීත් ॥1॥
ඒවං පරංපරාප්රාප්තම් ඉමං රාජර්ෂයෝ විදුඃ ।
ස කාලේනේහ මහතා යෝගෝ නෂ්ටඃ පරංතප ॥2॥
ස ඒවායං මයා තේऽද්ය යෝගඃ ප්රෝක්තඃ පුරාතනඃ ।
භක්තෝऽසි මේ සඛා චේති රහස්යං හ්යේතදුත්තමම් ॥3॥
අර්ජුන උවාච
අපරං භවතෝ ජන්ම පරං ජන්ම විවස්වතඃ ।
කථමේතද්විජානීයාං ත්වමාදෞ ප්රෝක්තවානිති ॥4॥
ශ්රී භගවානුවාච
බහූනි මේ ව්යතීතානි ජන්මානි තව චාර්ජුන ।
තාන්යහං වේද සර්වාණි න ත්වං වේත්ථ පරංතප ॥5॥
අජෝऽපි සන්නව්යයාත්මා භූතානාමීශ්වරෝऽපි සන් ।
ප්රකෘතිං ස්වාමධිෂ්ඨාය සංභවාම්යාත්මමායයා ॥6॥
යදා යදා හි ධර්මස්ය ග්ලානිර්භවති භාරත ।
අභ්යුත්ථානමධර්මස්ය තදාऽऽත්මානං සෘජාම්යහම් ॥7॥
පරිත්රාණාය සාධූනාං විනාශාය ච දුෂ්කෘතාම් ।
ධර්මසංස්ථාපනාර්ථාය සංභවාමි යුගේ යුගේ ॥8॥
ජන්ම කර්ම ච මේ දිව්යම් ඒවං යෝ වේත්ති තත්ත්වතඃ ।
ත්යක්ත්වා දේහං පුනර්ජන්ම නෛති මාමේති සෝऽර්ජුන ॥9॥
වීතරාගභයක්රෝධාඃ මන්මයා මාමුපාශ්රිතාඃ ।
බහවෝ ජ්ඤානතපසා පූතා මද්භාවමාගතාඃ ॥10॥
යේ යථා මාං ප්රපද්යංතේ තාංස්තථෛව භජාම්යහම් ।
මම වර්ත්මානුවර්තංතේ මනුෂ්යාඃ පාර්ථ සර්වශඃ ॥11॥
කාංක්ෂංතඃ කර්මණාං සිද්ධිං යජංත ඉහ දේවතාඃ ।
ක්ෂිප්රං හි මානුෂේ ලෝකේ සිද්ධිර්භවති කර්මජා ॥12॥
චාතුර්වර්ණ්යං මයා සෘෂ්ටං ගුණකර්මවිභාගශඃ ।
තස්ය කර්තාරමපි මාං විද්ධ්යකර්තාරමව්යයම් ॥13॥
න මාං කර්මාණි ලිංපංති න මේ කර්මඵලේ ස්පෘහා ।
ඉති මාං යෝऽභිජානාති කර්මභිර්න ස බධ්යතේ ॥14॥
ඒවං ජ්ඤාත්වා කෘතං කර්ම පූර්වෛරපි මුමුක්ෂුභිඃ ।
කුරු කර්මෛව තස්මාත්ත්වං පූර්වෛඃ පූර්වතරං කෘතම් ॥15॥
කිං කර්ම කිමකර්මේති කවයෝऽප්යත්ර මෝහිතාඃ ।
තත්තේ කර්ම ප්රවක්ෂ්යාමි යජ්ජ්ඤාත්වා මෝක්ෂ්යසේऽශුභාත් ॥16॥
කර්මණෝ හ්යපි බෝද්ධව්යං බෝද්ධව්යං ච විකර්මණඃ ।
අකර්මණශ්ච බෝද්ධව්යං ගහනා කර්මණෝ ගතිඃ ॥17॥
කර්මණ්යකර්ම යඃ පශ්යේත් අකර්මණි ච කර්ම යඃ ।
ස බුද්ධිමාන්මනුෂ්යේෂු ස යුක්තඃ කෘත්ස්නකර්මකෘත් ॥18॥
යස්ය සර්වේ සමාරංභාඃ කාමසංකල්පවර්ජිතාඃ ।
ජ්ඤානාග්නිදග්ධකර්මාණං තමාහුඃ පංඩිතං බුධාඃ ॥19॥
ත්යක්ත්වා කර්මඵලාසංගං නිත්යතෘප්තෝ නිරාශ්රයඃ ।
කර්මණ්යභිප්රවෘත්තෝऽපි නෛව කිංචිත්කරෝති සඃ ॥20॥
නිරාශීර්යතචිත්තාත්මා ත්යක්තසර්ව පරිග්රහඃ ।
ශාරීරං කේවලං කර්ම කුර්වන්නාප්නෝති කිල්බිෂම් ॥21॥
යදෘච්ඡාලාභසංතුෂ්ටඃ ද්වංද්වාතීතෝ විමත්සරඃ ।
සමඃ සිද්ධාවසිද්ධෞ ච කෘත්වාපි න නිබධ්යතේ ॥22॥
ගතසංගස්ය මුක්තස්ය ජ්ඤානාවස්ථිතචේතසඃ ।
යජ්ඤායාචරතඃ කර්ම සමග්රං ප්රවිලීයතේ ॥23॥
බ්රහ්මාර්පණං බ්රහ්ම හවිඃ බ්රහ්මාග්නෞ බ්රහ්මණා හුතම් ।
බ්රහ්මෛව තේන ගංතව්යං බ්රහ්මකර්මසමාධිනා ॥24॥
දෛවමේවාපරේ යජ්ඤං යෝගිනඃ පර්යුපාසතේ ।
බ්රහ්මාග්නාවපරේ යජ්ඤං යජ්ඤේනෛවෝපජුහ්වති ॥25॥
ශ්රෝත්රාදීනීංද්රියාණ්යන්යේ සංයමාග්නිෂු ජුහ්වති ।
ශබ්දාදීන්විෂයානන්යේ ඉංද්රියාග්නිෂු ජුහ්වති ॥26॥
සර්වාණීංද්රියකර්මාණි ප්රාණකර්මාණි චාපරේ ।
ආත්මසංයමයෝගාග්නෞ ජුහ්වති ජ්ඤානදීපිතේ ॥27॥
ද්රව්යයජ්ඤාස්තපෝයජ්ඤාඃ යෝගයජ්ඤාස්තථාऽපරේ ।
ස්වාධ්යායජ්ඤානයජ්ඤාශ්ච යතයඃ සංශිතව්රතාඃ ॥28॥
අපානේ ජුහ්වති ප්රාණං ප්රාණේऽපානං තථාපරේ ।
ප්රාණාපානගතී රුද්ධ්වා ප්රාණායාමපරායණාඃ ॥29॥
අපරේ නියතාහාරාඃ ප්රාණාන්ප්රාණේෂු ජුහ්වති ।
සර්වේऽප්යේතේ යජ්ඤවිදඃ යජ්ඤක්ෂපිතකල්මෂාඃ ॥30॥
යජ්ඤශිෂ්ටාමෘතභුජඃ යාංති බ්රහ්ම සනාතනම් ।
නායං ලෝකෝऽස්ත්යයජ්ඤස්ය කුතෝऽන්යඃ කුරුසත්තම ॥31॥
ඒවං බහුවිධා යජ්ඤාඃ විතතා බ්රහ්මණෝ මුඛේ ।
කර්මජාන්විද්ධි තාන්සර්වාන් ඒවං ජ්ඤාත්වා විමෝක්ෂ්යසේ ॥32॥
ශ්රේයාන්ද්රව්යමයාද්යජ්ඤාත් ජ්ඤානයජ්ඤඃ පරංතප ।
සර්වං කර්මාඛිලං පාර්ථ ජ්ඤානේ පරිසමාප්යතේ ॥33॥
තද්විද්ධි ප්රණිපාතේන පරිප්රශ්නේන සේවයා ।
උපදේක්ෂ්යංති තේ ජ්ඤානං ජ්ඤානිනස්තත්ත්වදර්ශිනඃ ॥34॥
යජ්ජ්ඤාත්වා න පුනර්මෝහම් ඒවං යාස්යසි පාංඩව ।
යේන භූතාන්යශේෂේණ ද්රක්ෂ්යස්යාත්මන්යථෝ මයි ॥35॥
අපි චේදසි පාපේභ්යඃ සර්වේභ්යඃ පාපකෘත්තමඃ ।
සර්වං ජ්ඤානප්ලවේනෛව වෘජිනං සංතරිෂ්යසි ॥36॥
යථෛධාංසි සමිද්ධෝऽග්නිඃ භස්මසාත්කුරුතේऽර්ජුන ।
ජ්ඤානාග්නිඃ සර්වකර්මාණි භස්මසාත්කුරුතේ තථා ॥37॥
න හි ජ්ඤානේන සදෘශං පවිත්රමිහ විද්යතේ ।
තත්ස්වයං යෝගසංසිද්ධඃ කාලේනාත්මනි විංදති ॥38॥
ශ්රද්ධාවාන් ලභතේ ජ්ඤානං තත්පරඃ සංයතේංද්රියඃ ।
ජ්ඤානං ලබ්ධ්වා පරාං ශාංතිම් අචිරේණාධිගච්ඡති ॥39॥
අජ්ඤශ්චාශ්රද්දධානශ්ච සංශයාත්මා විනශ්යති ।
නායං ලෝකෝऽස්ති න පරඃ න සුඛං සංශයාත්මනඃ ॥40॥
යෝගසන්න්යස්තකර්මාණං ජ්ඤානසංඡින්නසංශයම් ।
ආත්මවංතං න කර්මාණි නිබධ්නංති ධනංජය ॥41॥
තස්මාදජ්ඤානසංභූතං හෘත්ස්ථං ජ්ඤානාසිනාත්මනඃ ।
ඡිත්ත්වෛනං සංශයං යෝගම් ආතිෂ්ඨෝත්තිෂ්ඨ භාරත ॥42॥
॥ ඕං තත්සදිති ශ්රීමද්භගවද්ගීතාසු උපනිෂත්සු බ්රහ්මවිද්යායාං
යෝගශාස්ත්රේ ශ්රීකෘෂ්ණාර්ජුනසංවාදේ ජ්ඤානයෝගෝ නාම චතුර්ථෝऽධ්යායඃ ॥