ඕං අස්ය ශ්රී රාමරක්ෂා ස්තෝත්රමංත්රස්ය
බුධකෞශික ඍෂිඃ
ශ්රී සීතාරාම චංද්රෝදේවතා
අනුෂ්ටුප් ඡංදඃ
සීතා ශක්තිඃ
ශ්රීමද් හනුමාන් කීලකම්
ශ්රීරාමචංද්ර ප්රීත්යර්ථේ රාමරක්ෂා ස්තෝත්රජපේ විනියෝගඃ ॥
ධ්යානම්
ධ්යායේදාජානුබාහුං ධෘතශර ධනුෂං බද්ධ පද්මාසනස්ථං
පීතං වාසෝවසානං නවකමල දළස්පර්ථි නේත්රං ප්රසන්නම් ।
වාමාංකාරූඪ සීතාමුඛ කමලමිලල්ලෝචනං නීරදාභං
නානාලංකාර දීප්තං දධතමුරු ජටාමංඩලං රාමචංද්රම් ॥
ස්තෝත්රම්
චරිතං රඝුනාථස්ය ශතකෝටි ප්රවිස්තරම් ।
ඒකෛකමක්ෂරං පුංසාං මහාපාතක නාශනම් ॥ 1 ॥
ධ්යාත්වා නීලෝත්පල ශ්යාමං රාමං රාජීවලෝචනම් ।
ජානකී ලක්ෂ්මණෝපේතං ජටාමුකුට මංඩිතම් ॥ 2 ॥
සාසිතූණ ධනුර්බාණ පාණිං නක්තං චරාංතකම් ।
ස්වලීලයා ජගත්ත්රාතු මාවිර්භූතමජං විභුම් ॥ 3 ॥
රාමරක්ෂාං පඨේත්ප්රාජ්ඤඃ පාපඝ්නීං සර්වකාමදාම් ।
ශිරෝ මේ රාඝවඃ පාතු ඵාලං (භාලං) දශරථාත්මජඃ ॥ 4 ॥
කෞසල්යේයෝ දෘශෞපාතු විශ්වාමිත්රප්රියඃ ශෘතී ।
ඝ්රාණං පාතු මඛත්රාතා මුඛං සෞමිත්රිවත්සලඃ ॥ 5 ॥
ජිහ්වාං විද්යානිධිඃ පාතු කංඨං භරතවංදිතඃ ।
ස්කංධෞ දිව්යායුධඃ පාතු භුජෞ භග්නේශකාර්මුකඃ ॥ 6 ॥
කරෞ සීතාපතිඃ පාතු හෘදයං ජාමදග්න්යජිත් ।
මධ්යං පාතු ඛරධ්වංසී නාභිං ජාංබවදාශ්රයඃ ॥ 7 ॥
සුග්රීවේශඃ කටිං පාතු සක්ථිනී හනුමත්-ප්රභුඃ ।
ඌරූ රඝූත්තමඃ පාතු රක්ෂඃකුල විනාශකෘත් ॥ 8 ॥
ජානුනී සේතුකෘත්-පාතු ජංඝේ දශමුඛාංතකඃ ।
පාදෞ විභීෂණශ්රීදඃ පාතු රාමෝऽඛිලං වපුඃ ॥ 9 ॥
ඒතාං රාමබලෝපේතාං රක්ෂාං යඃ සුකෘතී පඨේත් ।
ස චිරායුඃ සුඛී පුත්රී විජයී විනයී භවේත් ॥ 10 ॥
පාතාළ-භූතල-ව්යෝම-චාරිණ-ශ්චද්ම-චාරිණඃ ।
න ද්රෂ්ටුමපි ශක්තාස්තේ රක්ෂිතං රාමනාමභිඃ ॥ 11 ॥
රාමේති රාමභද්රේති රාමචංද්රේති වා ස්මරන් ।
නරෝ න ලිප්යතේ පාපෛර්භුක්තිං මුක්තිං ච විංදති ॥ 12 ॥
ජගජ්ජෛත්රෛක මංත්රේණ රාමනාම්නාභි රක්ෂිතම් ।
යඃ කංඨේ ධාරයේත්තස්ය කරස්ථාඃ සර්වසිද්ධයඃ ॥ 13 ॥
වජ්රපංජර නාමේදං යෝ රාමකවචං ස්මරේත් ।
අව්යාහතාජ්ඤඃ සර්වත්ර ලභතේ ජයමංගළම් ॥ 14 ॥
ආදිෂ්ටවාන්-යථා ස්වප්නේ රාමරක්ෂාමිමාං හරඃ ।
තථා ලිඛිතවාන්-ප්රාතඃ ප්රබුද්ධෞ බුධකෞශිකඃ ॥ 15 ॥
ආරාමඃ කල්පවෘක්ෂාණාං විරාමඃ සකලාපදාම් ।
අභිරාම-ස්ත්රිලෝකානාං රාමඃ ශ්රීමාන් ස නඃ ප්රභුඃ ॥ 16 ॥
තරුණෞ රූපසංපන්නෞ සුකුමාරෞ මහාබලෞ ।
පුංඩරීක විශාලාක්ෂෞ චීරකෘෂ්ණාජිනාංබරෞ ॥ 17 ॥
ඵලමූලාශිනෞ දාංතෞ තාපසෞ බ්රහ්මචාරිණෞ ।
පුත්රෞ දශරථස්යෛතෞ භ්රාතරෞ රාමලක්ෂ්මණෞ ॥ 18 ॥
ශරණ්යෞ සර්වසත්ත්වානාං ශ්රේෂ්ඨෞ සර්වධනුෂ්මතාම් ।
රක්ෂඃකුල නිහංතාරෞ ත්රායේතාං නෝ රඝූත්තමෞ ॥ 19 ॥
ආත්ත සජ්ය ධනුෂා විෂුස්පෘශා වක්ෂයාශුග නිෂංග සංගිනෞ ।
රක්ෂණාය මම රාමලක්ෂණාවග්රතඃ පථි සදෛව ගච්ඡතාම් ॥ 20 ॥
සන්නද්ධඃ කවචී ඛඩ්ගී චාපබාණධරෝ යුවා ।
ගච්ඡන් මනෝරථාන්නශ්ච (මනෝරථෝऽස්මාකං) රාමඃ පාතු ස ලක්ෂ්මණඃ ॥ 21 ॥
රාමෝ දාශරථි ශ්ශූරෝ ලක්ෂ්මණානුචරෝ බලී ।
කාකුත්සඃ පුරුෂඃ පූර්ණඃ කෞසල්යේයෝ රඝූත්තමඃ ॥ 22 ॥
වේදාංතවේද්යෝ යජ්ඤේශඃ පුරාණ පුරුෂෝත්තමඃ ।
ජානකීවල්ලභඃ ශ්රීමානප්රමේය පරාක්රමඃ ॥ 23 ॥
ඉත්යේතානි ජපේන්නිත්යං මද්භක්තඃ ශ්රද්ධයාන්විතඃ ।
අශ්වමේධාධිකං පුණ්යං සංප්රාප්නෝති න සංශයඃ ॥ 24 ॥
රාමං දූර්වාදළ ශ්යාමං පද්මාක්ෂං පීතවාසසම් ।
ස්තුවංති නාභි-ර්දිව්යෛ-ර්නතේ සංසාරිණෝ නරාඃ ॥ 25 ॥
රාමං ලක්ෂ්මණ පූර්වජං රඝුවරං සීතාපතිං සුංදරම්
කාකුත්ස්ථං කරුණාර්ණවං ගුණනිධිං විප්රප්රියං ධාර්මිකම් ।
රාජේංද්රං සත්යසංධං දශරථතනයං ශ්යාමලං ශාංතමූර්තිම්
වංදේ ලෝකාභිරාමං රඝුකුල තිලකං රාඝවං රාවණාරිම් ॥ 26 ॥
රාමාය රාමභද්රාය රාමචංද්රාය වේධසේ ।
රඝුනාථාය නාථාය සීතායාඃ පතයේ නමඃ ॥ 27 ॥
ශ්රීරාම රාම රඝුනංදන රාම රාම
ශ්රීරාම රාම භරතාග්රජ රාම රාම ।
ශ්රීරාම රාම රණකර්කශ රාම රාම
ශ්රීරාම රාම ශරණං භව රාම රාම ॥ 28 ॥
ශ්රීරාම චංද්ර චරණෞ මනසා ස්මරාමි
ශ්රීරාම චංද්ර චරණෞ වචසා ගෘහ්ණාමි ।
ශ්රීරාම චංද්ර චරණෞ ශිරසා නමාමි
ශ්රීරාම චංද්ර චරණෞ ශරණං ප්රපද්යේ ॥ 29 ॥
මාතා රාමෝ මත්-පිතා රාමචංද්රඃ
ස්වාමී රාමෝ මත්-සඛා රාමචංද්රඃ ।
සර්වස්වං මේ රාමචංද්රෝ දයාළුඃ
නාන්යං ජානේ නෛව ජානේ න ජානේ ॥ 30 ॥
දක්ෂිණේ ලක්ෂ්මණෝ යස්ය වාමේ ච (තු) ජනකාත්මජා ।
පුරතෝ මාරුතිර්යස්ය තං වංදේ රඝුනංදනම් ॥ 31 ॥
ලෝකාභිරාමං රණරංගධීරං
රාජීවනේත්රං රඝුවංශනාථම් ।
කාරුණ්යරූපං කරුණාකරං තං
ශ්රීරාමචංද්රං ශරණ්යං ප්රපද්යේ ॥ 32 ॥
මනෝජවං මාරුත තුල්ය වේගං
ජිතේංද්රියං බුද්ධිමතාං වරිෂ්ටම් ।
වාතාත්මජං වානරයූථ මුඛ්යං
ශ්රීරාමදූතං ශරණං ප්රපද්යේ ॥ 33 ॥
කූජංතං රාමරාමේති මධුරං මධුරාක්ෂරම් ।
ආරුහ්යකවිතා ශාඛාං වංදේ වාල්මීකි කෝකිලම් ॥ 34 ॥
ආපදාමපහර්තාරං දාතාරං සර්වසංපදාම් ।
ලෝකාභිරාමං ශ්රීරාමං භූයෝභූයෝ නමාම්යහම් ॥ 35 ॥
භර්ජනං භවබීජානාමර්ජනං සුඛසංපදාම් ।
තර්ජනං යමදූතානාං රාම රාමේති ගර්ජනම් ॥ 36 ॥
රාමෝ රාජමණිඃ සදා විජයතේ රාමං රමේශං භජේ
රාමේණාභිහතා නිශාචරචමූ රාමාය තස්මෛ නමඃ ।
රාමාන්නාස්ති පරායණං පරතරං රාමස්ය දාසෝස්ම්යහං
රාමේ චිත්තලයඃ සදා භවතු මේ භෝ රාම මාමුද්ධර ॥ 37 ॥
ශ්රීරාම රාම රාමේති රමේ රාමේ මනෝරමේ ।
සහස්රනාම තත්තුල්යං රාම නාම වරානනේ ॥ 38 ॥
ඉති ශ්රීබුධකෞශිකමුනි විරචිතං ශ්රීරාම රක්ෂාස්තෝත්රං සංපූර්ණම් ।
ශ්රීරාම ජයරාම ජයජයරාම ।