ශ්රී ගණේශාය නමඃ ।
ශ්රී මහාදේව උවාච ।
තතෝ රාමඃ ස්වයං ප්රාහ හනුමංතමුපස්ථිතම් ।
ශ‍ඍණු යත්වං ප්රවක්ෂ්යාමි හ්යාත්මානාත්මපරාත්මනාම් ॥ 1॥
ආකාශස්ය යථා භේදස්ත්රිවිධෝ දෘශ්යතේ මහාන් ।
ජලාශයේ මහාකාශස්තදවච්ඡින්න ඒව හි ।
ප්රතිබිංබාඛ්යමපරං දෘශ්යතේ ත්රිවිධං නභඃ ॥ 2॥
බුද්ධ්යවච්ඡින්නචෛතන්යමේකං පූර්ණමථාපරම් ।
ආභාසස්ත්වපරං බිංබභූතමේවං ත්රිධා චිතිඃ ॥ 3॥
සාභාසබුද්ධේඃ කර්තෘත්වමවිච්ඡින්නේऽවිකාරිණි ।
සාක්ෂිණ්යාරෝප්යතේ භ්රාංත්යා ජීවත්වං ච තථාऽබුධෛඃ ॥ 4॥
ආභාසස්තු මෘෂාබුද්ධිරවිද්යාකාර්යමුච්යතේ ।
අවිච්ඡින්නං තු තද්බ්රහ්ම විච්ඡේදස්තු විකල්පිතඃ ॥ 5॥
අවිච්ඡින්නස්ය පූර්ණේන ඒකත්වං ප්රතිපද්යතේ ।
තත්ත්වමස්යාදිවාක්යෛශ්ච සාභාසස්යාහමස්තථා ॥ 6॥
ඓක්යජ්ඤානං යදෝත්පන්නං මහාවාක්යේන චාත්මනෝඃ ।
තදාऽවිද්යා ස්වකාර්යෛශ්ච නශ්යත්යේව න සංශයඃ ॥ 7॥
ඒතද්විජ්ඤාය මද්භක්තෝ මද්භාවායෝපපද්යතේ
මද්භක්තිවිමුඛානාං හි ශාස්ත්රගර්තේෂු මුහ්යතාම් ।
න ජ්ඤානං න ච මෝක්ෂඃ ස්යාත්තේෂාං ජන්මශතෛරපි ॥ 8॥
ඉදං රහස්යං හෘදයං මමාත්මනෝ මයෛව සාක්ෂාත්කථිතං තවානඝ ।
මද්භක්තිහීනාය ශඨාය න ත්වයා දාතව්යමෛංද්රාදපි රාජ්යතෝऽධිකම් ॥ 9॥
॥ ශ්රීමදධ්යාත්මරාමායණේ බාලකාංඩේ ශ්රීරාමහෘදයං සංපූර්ණම් ॥