අථශ්රීලලිතාහෘදයස්තෝත්රම් ॥
ශ්රීලලිතාංබිකායෛ නමඃ ।
දේව්යුවාච ।
දේවදේව මහාදේව සච්චිදානංදවිග්රහා ।
සුංදර්යාහෘදයං ස්තෝත්රං පරං කෞතූහලං විභෝ ॥ 1॥
ඊශ්වරෞවාච ।
සාධු සාධුත්වයා ප්රාජ්ඤේ ලෝකානුග්රහකාරකම් ।
රහස්යමපිවක්ෂ්යාමි සාවධානමනාඃශ‍ඍණු ॥ 2॥
ශ්රීවිද්යාං ජගතාං ධාත්රීං සර්ග්ගස්ථිතිලයේශ්වරීම් ।
නමාමිලලිතාං නිත්යාං භක්තානාමිෂ්ටදායිනීම් ॥ 3॥
බිංදුත්රිකෝණසම්යුක්තං වසුකෝණසමන්විතම් ।
දශකෝණද්වයෝපේතං චතුර්ද්දශ සමන්විතම් ॥ 4॥
දලාෂ්ටකේසරෝපේතං දලෂෝඩශකාන්විතම් ।
වෘත්තත්රයයාන්විතංභූමිසදනත්රයභූෂිතම් ॥ 5॥
නමාමි ලලිතාචක්රං භක්තානාමිෂ්ටදායකම් ।
අමෘතාංභෝනිධිංතත්ර රත්නද්වීපං නමාම්යහම් ॥ 6॥
නානාවෘක්ෂමහෝද්යානං වංදේහං කල්පවාටිකාම් ।
සංතානවාටිකාංවංදේ හරිචංදනවාටිකාම් ॥ 7॥
මංදාරවාටිකාං පාරිජාතවාටීං මුදා භජේ ।
නමාමිතව දේවේශි කදංබවනවාටිකාම් ॥ 8॥
පුෂ්යරාගමහාරත්නප්රාකාරං ප්රණමාම්යහම් ।
පද්මරාගාදිමණිභිඃප්රාකාරං සර්වදා භජේ ॥ 9॥
ගෝමේදරත්නප්රාකාරං වජ්රප්රාකාරමාශ්රයේ ।
වෛඩූර්යරත්නප්රාකාරංප්රණමාමි කුලේශ්වරී ॥ 10॥
ඉංද්රනීලාඛ්යරත්නානාං ප්රාකාරං ප්රණමාම්යහම් ।
මුක්තාඵලමහාරත්නප්රාකාරංප්රණමාම්යහම් ॥ 11॥
මරතාඛ්යමහාරත්නප්රාකාරාය නමෝනමඃ ।
විද්රුමාඛ්යමහාරත්නප්රාකාරංප්රණමාම්යහම් ॥ 12॥
මාණික්යමංඩපං රත්නසහස්රස්තංභමංඩපම් ।
ලලිතේ!තවදේවේශි භජාම්යමෘතවාපිකාම් ॥ 13॥
ආනංදවාපිකාං වංදේවිමර්ශවාපිකාං භජේ ।
භජේබාලාතපෝල්ගාරං චංද්රිකෝගාරිකාං භජේ ॥ 14॥
මහාශ‍ඍංගාරපරිඛාං මහාපත්මාටවීං භජේ ।
චිංතාමණිමහාරත්නගෘහරාජං නමාම්යහම් ॥ 15॥
පූර්වාංනායමයං පූර්ව්වද්වාරං දේවි නමාම්යහම් ।
දක්ෂිණාංනායරූපංතේදක්ෂිණද්වාරමාශ්රයේ ॥ 16॥
නමාමි පශ්චිමද්වාරං පශ්චිමාම්නාය රූපකම් ।
වංදේහමුත්තරද්වාරමුත්තරාම්නායරූපකම් ॥ 17॥
ඌර්ද්ධ්වාම්නායමයං වංදේ හ්යූර්ද්ධද්වාරං කුලේශ්වරි ।
ලලිතේතව දේවේශි මහාසිංහාසනං භජේ ॥ 18॥
බ්රහ්මාත්මකං මංචපාදමේකං තව නමාම්යහම් ।
ඒකංවිෂ්ණුමයං මංචපාදමන්යං නමාම්යහම් ॥ 19॥
ඒකං රුද්රමයං මංචපාදමන්යං නමාම්යහම් ।
මංචපාදංමමාම්යේකං තව දේවීශ්වරාත්මකම් ॥ 20॥
මංචෛකඵලකං වංදේ සදාශිවමයං ශුභම් ।
නමාමිතේහංසතූලතල්පකං පරමේශ්වරී! ॥ 21॥
නමාමිතේ හංසතූලමහෝපාධානමුත්තමම් ।
කෞස්තුභාස්තරණංවංදේ තව නිත්යං කුලේශ්වරී ॥ 22॥
මහාවිතානිකාං වංදේ මහායවිනිකාං භජේ ।
ඒවං පූජාගෘහං ධ්යාත්වා ශ්රීචක්රේ ශ්රීශිවාං භජේ ॥ 23॥
ස්වදක්ෂිණේ ස්ථාපයාමි භාගේ පුෂ්පාක්ෂතාදිකාන් ।
අමිතාංස්තේමහාදේවි දීපාන් සංදර්ශයාම්යහම් ॥ 24॥
මූලේන ත්රිපුරාචක්රං තව සංපූජ්යයාම්යහම් ।
ත්රිභිඃඛංඩෛස්තවඛ්යාතෛඃ පූජයාමි මහේශ්වරි! ॥ 25॥
වාය්වග්නි ජලසම්යුක්තං ප්රාණායාමෛරහං ශිවෛ ।
ශෝෂාණාංදාහනං චෛව කරෝමි ප්ලාවනං තථා ॥ 26॥
ත්රිවාරං මූලමංත්රේණ ප්රාණායාමං කරෝම්යහම් ।
පාෂංඩකාරිණෝභූතා භූමෞයේ චාංතරික්ෂකේ ॥ 27॥
කරෝම්යනේන මංත්රේණ තාලත්රයමහං ශිවේ ।
නාරායණෝऽහංබ්රහ්මාහං භෛරවෝऽහං ශිවෝස්ම්යහම් ॥ 28॥
දේවෝහං පරමානංදෝऽස්ම්යහං ත්රිපුරසුංදරි ।
ධ්යාත්වාවෛ වජ්රකවචං න්යාසං තව කරෝම්යහම් ॥ 29॥
කුමාරීබීජසම්යුක්තං මහාත්රිපුරසුංදරි! ।
මාංරක්ෂරක්ෂේති හෘදි කරෝම්යජ්ඤලිමීශ්වරි! ॥ 30॥
මහාදේව්යාසනායේති ප්රකරෝම්යාසනං ශිවේ ।
චක්රාසනංනමස්යාමි සර්වමංත්රාසනං ශිවේ ॥ 31॥
සාද්ධ්යසිද්ධාසනං මංත්රෛරේභිර්යුක්තං මහේශ්වරි ।
කරෝම්යස්මිංචක්රමංත්රෛර්දේවතාසනමුත්තමම් ॥ 32॥
කරෝම්යථ ෂඩංගාඛ්යං මාතෘකාං ච කලාං න්යසේ ।
ශ්රීකංටංකේශවං චෛව ප්රපංචං යෝගමාතෘකාම් ॥ 33॥
තත්ත්වන්යාසං තතඃ කූර්ව්වේ චතුෂ්පීටං යථාචරේ ।
ලඝුෂෝඪාංතතඃ කූර්ව්වේ ශක්තින්යාසං මහෝත්තමම් ॥ 34॥
පීටන්යාසං තතඃ කුර්වේ දේවතාවාහනං ප්රියේ ।
කුංකුමන්යාසකංචෛව චක්රන්යාසමථාචරේ ॥ 35॥
චක්රන්යාසං තතඃ කුර්ව්වේ න්යාසං කාමකලාද්වයම් ।
ෂෝඩශාර්ණ්ණමහාමංත්රෛරංගන්යාසංකරෝම්යහම් ॥ 36॥
මහාෂෝඪාං තතඃ කුර්ව්වේ ශාංභවං ච මහාප්රියේ ।
තතෝමූලංප්රජප්ත්වාථ පාදුකාංච තතඃ පරම් ॥ 37॥
ගුරවේ සම්යගර්ච්යාථ දේවතාං හෘදිසංභජේ ।
කරෝමිමංඩලං වෘත්තං චතුරශ්රං ශිවප්රියේ ॥ 38॥
පුෂ්පෛරභ්යර්ච්ච්යසාධාරං ශංඛං සංපූජයාමහම් ।
අර්ච්චයාමිෂඩංගේන ජලමාපූරයාම්යහම් ॥ 39॥
දදාමි චාදිමං බිංදුං කුර්වේ මූලාභිමංත්රිතම් ।
තජ්ජලේනජගන්මාතස්ත්රිකෝණං වෘත්තසම්යුතම් ॥ 40॥
ෂල්කෝණං චතුරශ්රංච මංඩලං ප්රණමාම්යහම් ।
විද්යයාපූජයාමීහ ත්රිඛංඩේන තු පූජනම් ॥ 41॥
බීජේනවෘත්තෂල්කෝණං පූජයාමි තවප්රියේ ।
තස්මිංදේවීකලාත්මානාං මණිමංඩලමාශ්රයේ ॥ 42॥
ධූම්රාර්ච්චිෂං නමස්යාමි ඌෂ්මාං ච ජ්වලනීං තථා ।
ජ්වාලිනීංච නමස්යාමි වංදේහං විස්පුලිංගිනීම් ॥ 43॥
සුශ්රියං ච සුරූපාංචකංපිලාං ප්රණමාම්යහම් ।
නෞමිහව්යවහාං නිත්යාං භජේ කව්යවහාං කලාම් ॥ 44॥
සූර්යාග්නිමංඩලාං තත්ර සකලාද්වාදශාත්මකම් ।
අර්ඝ්යපාද්යමහංතත්ර තපිනීං තාපිනීං භජේ ॥ 45॥
ධූම්රාං මරීචීං වංදේහං ජ්වාලිනීං මරුහං භජේ ।
සුෂුම්නාංභෝගදාං වංදේ භජේ විශ්වාං ච බෝධිනීම් ॥ 46॥
ධාරිණීං ච ක්ෂමාං වංදේ සෞරීරේතාඃ කලාභජේ ।
ආශ්රයේමණ්මලං චාංද්රං තල්කලාෂෝඩශාත්මකම් ॥ 47॥
අමෘතාං මානදාං වංදේ පූෂාං තුෂ්ටීං භජාම්යහම් ।
පුෂ්ටිංභජේ මහාදේවි භජේऽහං ච රතිං ධෘතිම් ॥ 48॥
රශනිං චංද්රිකාං වංදේ කාංතීං ජෝත්සනා ශ්රියං භජේ ।
නේඖමිප්රීතිංචාගතදාංචපූර්ණ්ණිමාමමෘතාංභජේ ॥ 49॥
ත්රිකෝණලේඛනං කුර්ව්වේ ආකාරාදිසුරේඛකම් ।
හලක්ෂවර්ණ්ණසම්යුක්තංස්පීතං තං හංසභාස්කරම් ॥ 50॥
වාක්කාමශක්ති සංයුක්තං හංසමාරාධයාම්යහම් ।
වෘත්තාද්බහිඃෂඩශ්රස්යලේඛනං ප්රකරෝම්යහම් ॥ 51॥
පුරතෝග්න්යාදිෂල්ඛ़ඕණං කඛගේනාර්ච්චයාම්යහම් ।
ශ්රීවිද්යයාසප්තවාරං කරෝම්යත්රාභි මංත්රිතම් ॥ 52॥
සමර්ප්පයාමි දේවේශි තස්මාත් ගංධාක්ෂතාදිකම් ।
ධ්යායාමිපූජාද්රව්යේෂු තත් සර්වං විද්යයායුතම් ॥ 53॥
චතුර්න්නවතිසන්මංත්රාන් ස්පෘෂ්ට්වා තත් ප්රජපාම්යහම් ।
වහ්නේර්ද්දශකලාඃසූර්යකලාද්වාදශකං භජේ ॥ 54॥
ආශ්රයේ ශෝඩෂකලාස්තත්ර චංද්රමසස්තදා ।
සෘෂ්ටිම්වෘද්ධිං ස්මෘතිං වංදේ මේධාං කාංතීං තථෛව ච ॥ 55॥
ලක්ෂ්මීං ද්යුථිං ස්ථිතාං වංදේ ස්ථිතිං සිද්ධිං භජාම්යහම් ।
ඒතාබ්රහ්මකලාවංදේ ජරාංථාං පාලිනීං භජේ ॥ 56॥
ශාංතිං නමාමීශ්වරීං ච රතීං වංදේ ච කාරිකාම් ।
වරදාංහ්ලාදිනීං වංදේ ප්රීතිං දීර්ඝාං භජාභම්යහම් ॥ 57॥
ඒතා විෂ්ණුඅකලාවංදේ තීක්ෂණාං රෞද්රිං භයාං භජේ ।
නිද්රාංතංද්රීං ක්ෂුධාං වංදේ නමාමි ක්රෝධිනීං ක්රියාම් ॥ 58॥
උල්කාරීං මෘත්යුරූපාං ච ඒතා රුද්රකලා භජේ ।
නීලාංපීතාං භජේ ශ්වේතාං වංදේහමරුණාං කලාම් ॥ 59॥
අනංතඛ්යාං කලාංචේති ඊශ්වරස්ය කලාභජේ ।
නිවෘත්තිංචප්රතිෂ්ඨාංචවිද්යාංශාංතිං භජාම්යහම් ॥ 60॥
රෝධිකාං දීපිකාං වංදේ රේචිකාං මෝචිකාං භජේ ।
පරාංසූක්ෂාමෘතාං සූක්ෂාං ප්රණාමි කුලේශ්වරි! ॥ 61॥
ජ්ඤානාඛ්යාංචනමස්යාමි නෞමිජ්ඤානාමෘතාං කලාම් ।
ආප්යායිනීංව්යාපිනීං ච මෝදිනීං ප්රණමාම්යහම් ॥ 62॥
කලාඃ සදාශිවස්යෛතාඃ ෂෝඩශ ප්රණමාම්යහම් ।
විෂ්ණුයෝනින්නමස්යාමි මූලවිද්යාං නමාම්යහම් ॥ 63॥
ත්රෛයංබකං නමස්යාමි තද්විෂ්ණුං ප්රණමාම්යහම් ।
විෂ්ණුයෝනිම්නමස්යාමි මූලවිද්යාං නමාම්යහම් ॥ 64॥
අමෘතං මංත්රිතං වංදේ චතුර්න්නවතිභිස්තථා ।
අඛංඩෛකරසානංදකරේපරසුධාත්මනි ॥ 65॥
ස්වච්ඡංදස්පපුරණං මංත්රං නීධේහි කුලරූපිණි ।
අකුලස්ථාමෘතාකාරේසිද්ධිජ්ඤානකරේපරේ ॥ 66॥
අමෘතං නිධේහ්යස්මින් වස්තුනික්ලින්නරූපිණි ।
තද්රූපාණේකරස්යත්වංකෘත්වාහ්යේතත්ස්වරූපිණි ॥ 67॥
භූත්වා පරාමෘතාකාරමයි චිත් ස්පුරණං කුරු ।
ඒභිර්ම්මනූත්තමෛර්වංදේමංත්රිතං පරමාමෘතම් ॥ 68॥
ජෝතිම්මයමිදං වංදේ පරමර්ඝ්යංච සුංදරි ।
තද්විංදුභිර්මේශිරසි ගුරුං සංතර්ප්පයාම්යහම් ॥ 69॥
බ්රහ්මාස්මින් තද්විංදුං කුංඩලින්යාං ජුහෝම්යහම් ।
හෘච්චක්රස්තාං-මහාදේවීම්මහාත්රිපුරසුංදරීම් ॥ 70॥
නිරස්තමෝහතිමිරාං සාක්ෂාත් සංවිත්ස්වරූපිණීම් ।
නාසාපුටාත්පරකලාමථනිර්ග්ගමයාම්යහම් ॥ 71॥
නමාමියෝනිමද්ධ්යාස්ථාං ත්රිඛංඩකුසුමාංංජලිම් ।
ජගන්මාතර්මහාදේවියංත්රේත්වාං ස්ථාපයාම්යහම් ॥ 72॥
සුධාචෛතන්යමූර්ත්තීං තේ කල්පයාමිමනුං තව ।
අනේනදේවිමංත්රයංත්රේත්වාං ස්ථාපයාම්යහම් ॥ 73॥
මහාපද්මවනාංතස්ථේ කාරණානංතවිග්රහේ ।
සර්වභූතහිතේමාතරේහ්යපි පරමේශ්වරි ॥ 74॥
දේවේශී භක්තසුලභේ සර්වාභරණභූෂිතේ ।
යාවත්වංපූජයාමීහතාවත්ත්වං සුස්ථිරාභව ॥ 75॥
අනේන මංත්රයුග්මේන ත්වාමත්රාවාහයාම්යහම් ।
කල්පයාමිනමඃ පාදමර්ඝ්යං තේ කල්පයාම්යහම් ॥ 76॥
ගංධතෛලාභ්යංජනංචමජ්ජශාලාප්රවේශම් ।
කල්පයාමිනමස්තස්මෛ මණිපීඨෝප්රවේශනම් ॥ 77॥
දිව්යස්නානීයමීශානි ගෘහාණෝද්වර්ත්තනං ශුභේ ।
ගෘහාණෝෂ්ණාදකස්නානංකල්පයාම්යභිෂේචනම් ॥ 78॥
හේමකුංභායුතෛඃ ස්නිග්ද්ධෛඃ කල්පයාම්යභිෂේචනම් ।
කල්පයාමිනමස්තුභ්යං ධේඖතේන පරිමාර්ජ්ජනම් ॥ 79॥
බාලභානු ප්රතීකාශං දුකූලං පරිධානකම් ।
අරුණේනදුකුලේනෝත්තරීයං කල්පයාම්යහම් ॥ 80॥
ප්රවේශනං කල්පයාමි සර්වාංගානි විලේපනම් ।
නමස්තේකල්පයාම්යත්ර මණිපීඨෝපවේශනම් ॥ 81॥
අෂ්ටගංධෛඃ කල්පයාමි තවලේඛනමංබිකේ ।
කාලාගරුමහාධූපංකල්පයාමි නමශ්ශිවේ ॥ 82॥
මල්ලිකාමාලාතීජාති චංපකාදි මනෝරමෛඃ ।
අර්ච්චිතාංකුසුමෛර්ම්මාලාං කල්පයාමි නමශ්ශිවේ ॥ 83॥
ප්රවේශනං කල්පයාමි නමෝ භූෂණමංඩපේ ।
උපවේශ්යංරත්නපීඨේ තත්රතේ කල්පයාම්යහම් ॥ 84॥
නවමාණික්යමකුටං තත්රතේ කල්පයාම්යහම් ।
ශරච්චංද්රනිභංයුක්තං තච්චංද්රශකලං තව ॥ 85॥
තත සීමංතසිංදූරං කස්තූරීතිලකං තව ।
කාලාජ්ඤනංකල්පයාමි පාලීයුගලමුත්තමම් ॥ 86॥
මණිකුංඩලයුග්මංච නාසාභරණමීශ්වරී! ।
තාටංකයුගලංදේවි ලලිතේ ධාරයාම්යහම් ॥ 87॥
අථාද්යාං භූෂණං කංඨේ මහාචිංතාකමුත්තමම් ।
පදකංතේ කල්පයාමි මහාපදකමුත්තමම් ॥ 88॥
මුක්තාවලීං කල්පයාමි චෛකාවලි සමන්විතාම් ।
ඡන්නවීරංචකේයූරයුගලානාං චතුෂ්ටයම් ॥ 89॥
වලයාවලිමාලානීං චෝර්මිකාවලිමීශ්වරි ।
කාංචීදාමකටීසූත්රංසෞභග්යාභරණං ච තේ ॥ 90॥
ත්රිපුරේ පාදකටකං කල්පයේ රත්නනූපුරම් ।
පාදාංගුලීයකංතුභ්යං පාශමේකං කරේතව ॥ 91॥
අන්යේ කරේංකුශං දේවි පූංඩ්රේක්ෂුධනුෂං තව ।
අපරේපුෂ්පබාණංච ශ්රීමන්මාණික්යපාදුකේ ॥ 92॥
තදාවරණ දේවේශි මහාමංචාදිරෝහණම් ।
කාමේශ්වරාංකපර්යංකමුපවේශනමුත්තමම් ॥ 93॥
සුධයා පූර්ණ්ණචෂකං තතස්තත් පානමුත්තමම් ।
කර්ප්පූරවීටිකාංතුභ්යං කල්පයාමි නමඃ ශිවේ ॥ 94॥
ආනංදෝල්ලාසවිලසද්ධංසං තේ කල්පයාම්යහම් ।
මංගලාරාත්රිකංවංදේ ඡත්රං තේ කල්පයාම්යහම් ॥ 95॥
චාමරං යූගලං දේවිදර්ප්පණං කල්පයාම්යහම් ।
තාලව්රිංතංකල්පයාමිගංධපුෂ්පාක්ෂතෛරපි ॥ 96॥
ධූපං දීපශ්චනෛවේද්යං කල්පයාමි ශිවප්රියේ ।
අථාහංබෛංදවේ චක්රේ සර්වානංදමයාත්මකේ ॥ 97॥
රත්නසිංහාසනේ රම්යේ සමාසීනාං ශිවප්රියාම් ।
උද්යද්භානුසහස්රාභාංජපාපුෂ්පසමප්රභාම් ॥ 98॥
නවරත්නප්රභායුක්තමකුටේන විරාජිතාම් ।
චංද්රරේඛාසමෝපේතාංකස්තූරිතිලකාංකිතාම් ॥ 99॥
කාමකෝදංඩසෞංදර්යනිර්ජ්ජිතභ්රූලතායුතාම් ।
අංජනාංචිතනේත්රාංතුපද්මපත්රනිභේෂණාම් ॥ 100॥
මණිකුංඩලසම්යුක්ත කර්ණ්ණද්වයවිරාජිතාම් ।
තාංබූලපූරිතමුඛීංසුස්මිතාස්යවිරාජිතාම් ॥ 101॥
ආද්යභූෂණසම්යුක්තාං හේමචිංතාකසංයුතාම් ।
පදකේනසමෝපේතාං මහාපදකසංයුතාම් ॥ 102॥
මුක්තාඵලසමෝපේතාමේකාවලිසමන්විතාම් ।
කෞසුභාංගදසංයුක්තචතුර්බාහුසමන්විතාම් ॥ 103॥
අෂ්ටගංධසමෝපේතාං ශ්රීචංදනවිරාජිතාම් ।
හේමකුංභෝපමප්රඛ්යස්තනද්වංදවිරාජිතාම් ॥ 104॥
රක්තවස්ත්රපරීධානාං රක්තකංචුකසංයුතාම් ।
සූක්ෂ්මරෝමාවලියුක්තතනුමද්ධ්යවිරාජිතාම් ॥ 105॥
මුක්තාමාණික්යඛචිත කාංචීයුතනිතංබනීම් ।
සදාශිවාඞකස්ථබෘහන්මහාජඝනමංඩලාම් ॥ 106॥
කදලිස්තංභසංරාජදූරුද්වයවිරාජිතාම් ।
කපාලීකාංතිසංකාශජංඝායුගලශෝභිතාම් ॥ 107॥
ග්රූඪගුල්ඵද්වේයෝපේතාං රක්තපාදසමන්විතාම් ।
බ්රහ්මවිෂ්ණුමහේශාදිකිරීටස්ඵූර්ජ්ජිතාංඝ්රිකාම් ॥ 108॥
කාංත්යා විරාජිතපදාං භක්තත්රාණ පරායණාම් ।
ඉක්ෂුකාර්මුකපුෂ්පේෂුපාශාංකුශධරාංශුභාම් ॥ 109॥
සංවිත්ස්වරූපිණීං වංදේ ධ්යායාමි පරමේශ්වරීම් ।
ප්රදර්ශයාම්යථශිවේදශාමුද්රාඃ ඵලප්රදාඃ ॥ 110॥
ත්වාං තර්ප්පයාමි ත්රිපුරේ ත්රිධනා පාර්ව්වති ।
අග්නෞමහේශදිග්භාගේ නෛරෘත්ර්යාං මාරුතේ තථා ॥ 111॥
ඉංද්රාශාවාරුණී භාගේ ෂඩංගාන්යර්ච්චයේ ක්රමාත් ।
ආද්යාංකාමේශ්වරීං වංදේ නමාමි භගමාලිනීම් ॥ 112॥
නිත්යක්ලින්නාං නමස්යාමි භේරුංඩාං ප්රණමාම්යහම් ।
වහ්නිවාසාන්නමස්යාමි මහාවිද්යේශ්වරීං භජේ ॥ 113॥
ශිවදූතිං නමස්යාමි ත්වරිතාං කුල සුංදරීම් ।
නිත්යාන්නීලපතාකාංච විජයාං සර්වමංගලාම් ॥ 114॥
ජ්වාලාමාලාංච චිත්රාංච මහානිත්යාං ච සංස්තුවේ ।
ප්රකාශානංදනාථාඛ්යාංපරාශක්තිනමාම්යහම් ॥ 115॥
ශුක්ලදේවීං නමස්යාමි ප්රණමාමි කුලේශ්වරීම් ।
පරශිවානංදනාථාඛ්යාංපරාශක්ති නමාම්යහම් ॥ 116॥
කෞලේශ්වරානංදනාථං නෞමි කාමේශ්වරීං සදා ।
භෝගානංදන්නමස්යාමි සිද්ධෞඝංච වරානනේ ॥ 117॥
ක්ලින්නානංදං නමස්යාමි සමයානංදමේවච ।
සහජානංදනාථංචප්රණමාමි මුහුර්මුහු ॥ 118॥
මානවෞඝං නමස්යාමි ගගනානංදගප්යහම් ।
විශ්වානංදන්නමස්යාමි විමලානංදමේවච ॥ 119॥
මදනානංදනාථංච භුවනානංදරූපිණීම් ।
ලීලානංදන්නමස්යාමි ස්වාත්මානංදං මහේශ්වරි ॥ 120॥
ප්රණමාමිප්රියානංදං සර්වකාමඵලප්රදම් ।
පරමේෂ්ටිගුරුංවංදේ පරමංගුරුමාශ්රයේ ॥ 121॥
ශ්රීගුරුං ප්රණමස්යාමි මූර්ද්ධ්නි බ්රහ්මබිලේශ්වරීම් ।
ශ්රීමදානංදනාථාඛ්යශ්රිගුරෝපාදුකාං තථා ॥ 122॥
අථ ප්රාථමිකේ දේවි චතුරශ්රේ කුලේශ්වරි ।
අණිමාංලඛිමාං වංදේ මහිමාං ප්රණමාම්යහම් ॥ 123॥
ඊශිත්වසිද්ධිං කලයේ වශිත්වං ප්රණමාම්යහම් ।
ප්රාකාම්යසිද්ධිංභුක්තිංච ඉච්ඡාප්රාප්ර්තිමහං භජේ ॥ 124॥
සර්වකාමප්රදාං සර්වකාමසිද්ධිමහං භජේ ।
මද්ධ්යමේචතුරශ්රේහං බ්රාහ්මීං මාහේශ්වරීං භජේ ॥ 125॥
කෞමාරීං වෛෂ්ණවීං වංදේ වාරාහීං ප්රණමාම්යහම් ।
මාහේංද්රීමපිචාමුංඩාම්මහාලක්ෂ්මීමහං භජේ ॥ 126॥
තෘතීයේ චතුරශ්රේ තු සර්වසංක්ෂෝභිණීං භජේ ।
සර්වවිද්රාපිණීම්මුද්රාං සර්වාකර්ෂිණිකාං භජේ ॥ 127॥
මුද්රාං වශංකරීං වංදේ සර්වෝන්මාදිනිකාං භජේ ।
භජේමහාංකුශාං මුද්රාං ඛේචරීං ප්රණමාම්යහම් ॥ 128॥
බීජාමුද්රාං යෝනිමුද්රාං භජේ සර්වත්රිඛංඩිනීම් ।
ත්රෛලෝක්යමෝහනංචක්රං නමාමි ලලිතේ තව ॥ 129॥
නමාමි යෝගිනීං තත්ර ප්රඛටාඛ්යාමභීෂ්ටදාම් ।
සුධාර්ණ්ණවාසනංවංදේ තත්ර තේ පරමේශ්වරි ॥ 130॥
චක්රේශ්වරි මහං වංදේ ත්රිපුරාං ප්රණමාම්යහම් ।
සර්වසංක්ෂෝභිණීම්මුද්රාං තතෝහං කලයේ ශිවේ ॥ 131॥
අථාහං ෂෝඩශදලේ කාමාකර්ෂිණිකාං භජේ ।
බුද්ධ්යාකර්ෂිණිකාං වංදේऽහංකාරාකර්ෂිණීං භජේ ॥ 132॥
ශබ්දාකර්ෂිණිකාං වංදේ ස්පර්ශාකර්ෂිණිකාං භජේ ।
රූපාකර්ෂිණිකාංවංදේ රසාකර්ෂිණිකාං භජේ ॥ 133॥
ගංධාකර්ෂිණිකාං වංදේ චිත්තාකර්ෂිණිකාං භජේ ।
ධෛර්යාකර්ෂිණිකාංවංදේ ස්මෘත්යාකර්ෂිණිකාං භජේ ॥ 134॥
නාමාකර්ෂිණිකාං වංදේ බීජාකර්ෂිණිකාං භජේ ।
ආත්මාකර්ෂිණිකාංවංදේ අමෘතාකර්ෂිණිකාං භජේ ॥ 135॥
ශරීරාකර්ෂිණිකාං වංදේ නිත්යාං ශ්රීපරමේශ්වරි ।
සර්වාශාපූරකංවංදේ කල්පයේහං තවේශ්වරි ॥ 136॥
ගුප්තාඛ්යාං යෝගිනීං වංදේ මාතරං ගුප්තපූජ්යතාම් ।
පෝතාංබුජාසනංතත්ර නමාමි ලලිතේ තව ॥ 137॥
ත්රිපුරේශීං නමස්යාමි භජාමිෂ්ටාර්ත්ථසිද්ධිදාම් ।
සර්වවිද්රාවිණිමුද්රාංතත්රාහං තේ විචංතයේ ॥ 138॥
සිවේ තවාෂ්ටපත්රේහමනංගකුසුමාං භජේ ।
අනංගමේඛලාංවංදේ අනංගමදනාං භජේ ॥ 139॥
නමෝහං ප්රණස්යාමි අනංගමදනාතුරාම් ।
අනංගරේඛාංකලයේ භජේනංගාං ච වේගිනීම් ॥ 140॥
අනංගාකුශවංදේऽහමනංගමාලිනීං භජේ ।
තත්රාහංප්රණස්යාමි දේව්යා ආසනමුත්තමම් ॥ 141॥
නමාමි ජගතීශානීං තත්ර ත්රිපුරසුංදරීම් ।
සර්වාකර්ෂිණිකාම්මුද්රාං තත්රාහ කල්පයාමිතේ ॥ 142॥
භුවනාශ්රයේ තව ශිවේ සර්වසංක්ෂෝභිණීං භජේ ।
සර්වවිද්රාවිණීංවංදේ සර්වකර්ෂිණිකාං භජේ ॥ 143॥
සර්වහ්ලාදිනීං වංදේ සර්වසම්මෝහිනීං භජේ ।
සකලස්තංභිනීං වංදේ කලයේ සර්වජෘංභිණීම් ॥ 144॥
වශංකරීං නමස්යාමි සර්වරජ්ඤිනිකාං භජේ ।
සකලෝන්මදිනීං වංදේ භජේ සර්වාර්ථසාධකේ ॥ 145॥
සංපත්තිපුරිකාං වංදේ සර්වමංත්රමයීං භජේ ।
භජාම්යේවතතශ්ශක්තිං සර්වද්වංද්වක්ෂ්යංකරීම් ॥ 146॥
තත්රාහං කලයේ චක්රං සර්වසෞභාග්යදායකම් ।
නමාමිජගතාං ධාත්රීං සංප්රදායාඛ්යයෝගිනිම් ॥ 147॥
නමාමි පරමේශානීං මහාත්රිපුරවාසිනිම් ।
කලයේහංතව ශිවේ මුද්රාං සර්වශංකරීම් ॥ 148॥
බහිර්ද්දශාරේ තේ දේවි සර්වසිද්ධිප්රදාං භජේ ।
සර්වසංපත්ප්රදාං වංදේ සර්වප්රියංකරීං භජේ ॥ 149॥
නමාම්යහං තතෝ දේවීං සර්වමංගලකාරිණීම් ।
සර්වකාමප්රදාංවංදේ සර්වදුඃඛවිමෝචිනිම් ॥ 150॥
සර්වමෘත්යුප්රශමනීං සර්වවිඝ්නනිවාරිණීම් ।
සර්වාංගසුංදරීංවංදේ සර්වසෞභාග්යදායිනීම් ॥ 151॥
සර්වාර්ත්ථසාධකං චක්රං තත්රාහං නේ විචිංතයේ ।
තත්රාහංතේ නමස්යාමි කුලෝත්තීර්ණාඛ්ය යෝගිනීම් ॥ 152॥
සර්වමංත්රසනං වංදේ ත්රිපුරාශ්රියමාශ්රයේ ।
කලයාමිතතෝ මුද්රාං සර්වෝන්මාදන කාරිණීම් ॥ 153॥
අංතර්ද්දශාරේ තේ දේවි සර්වජ්ඤාං ප්රණමාම්යහම් ।
සර්වශක්තින්නමස්යාමි සර්වෛශ්වර්යප්රදාං භජේ ॥ 154॥
සර්වජ්ඤානමයීං වංදේ සර්වව්යාධිවිනාශිනීම් ।
සර්වාධාරස්වරූපාංචසර්වපාපහරාංභජේ ॥ 155॥
සර්වානංදමයිං වංදේ සර්වරක්ෂාස්වරූපිණීම් ।
ප්රණමාමිමහාදේවීං සර්වේප්සිත ඵලප්රදාම් ॥ 156॥
සර්වරක්ෂාකරං චක්රං සුංදරීං කලයේ සදා ।
නිගර්භයෝනීංවංදේ තත්රාහං ප්රණමාම්යහම් ॥ 157॥
සාද්ධ්යසිද්ධාසනං වංදේ භජේ ත්රිපුරමාලිනීම් ।
කලයාමිතතෝ දේවීං මුද්රාං සර්වමහාංකුශාම් ॥ 158॥
අෂ්ටාරේ වශිනීං වංදේ මහා කාමේශ්වරීං භජේ ।
මෝදිනීංවිමලාංවංදේ අරුණාජයිනීං භජේ ॥ 159॥
සර්වේශ්වරීං නමස්යාමි කෞලිනීං ප්රණමාම්යහම් ।
සර්වරෝගහරංචක්රං තත්රාහං කලයේ සදා ॥ 160॥
නමාමි ත්රිපුරා සිද්ධිං භජේ මුද්රාං ච ඛේචරීම් ।
මහාත්රිකෝණවත්බාහුචතුරශ්රේ කුලේශ්වරි ॥ 161॥
නමාමි ජෘංභණාබාණං සර්වසම්මෝහිනීං භජේ ।
පාශංචාපං භජේ නිත්යං භජේ ස්තංභනමංකුශම් ॥ 162॥
ත්රිකෝණේහං ජගද්ධාත්රීං මහාකාමේශ්වරීං භජේ ।
මහාවජ්රේශ්වරීංවංදේ මහාශ්රීභගමාලිනීම් ॥ 163॥
මහාශ්රීසුංදරීං වංදේ සර්වකාමඵලප්රදාම් ।
සර්වසිද්ධිප්රදංචක්රං තවදේවි නමාම්යහම් ॥ 164॥
නමාම්යතිරහස්යාඛ්යාං යෝගිනීං තවකාමදාම් ।
ත්රිපුරාංබාන්නමස්යාමි බීජාමුද්රාමහාංභජේ ॥ 165॥
මූලමංත්රේණ ලලිතේ තල්බිංදෞ පූජයාම්යහම් ।
සර්වානංදමයංචක්රං තවදේවි භජාම්යහම් ॥ 166॥
පරාං පරරහස්යාඛ්යාං යෝගිනීං තත්රකාමදාම් ।
මහාචක්රේශ්වරීංවංදේ යෝනිමුද්රාමහං භජේ ॥ 167॥
ධූපදීපාදිකං සර්වමර්ප්පිතං කල්පයාම්යහම් ।
ත්වල්ප්රීතයේමහාමුද්රාං දර්ශයාමි තතශ්ශිවේ ॥ 168॥
ශාල්යන්නං මධුසම්යුක්තං පායසාපූප සම්යුක්තම් ।
ඝෘතසූපසමායුක්තංදධික්ෂීරසමන්විතම් ॥ 169॥
සර්වභක්ෂ්යසමායුක්තං බහුශාකසමන්විතම් ।
නික්ෂිප්යකාංචනේ පාත්රේ නෛවේද්යං කල්පයාමි තේ ॥ 170॥
සංකල්පබිංදුනා චක්රං කුචෞ බිංදුද්වයේන ච ।
යෝනිශ්චසපරාර්ද්ධේන කෘත්වා ශ්රීලලිතේ තව ॥ 171॥
ඒතත් කාමකලා රූපං භක්තානාං සර්වකාමදම් ।
සර්වසෞභාග්යදංවංදේ තත්ර ත්රිපුරසුංදරීම් ॥ 172॥
වාමභාගේ මහේශානි වෘත්තං ච චතුරස්රකම් ।
කෘත්වාගංධාක්ෂතාද්යෛශ්චාප්යර්ච්චයාමි මහේශ්වරීම් ॥ 173॥
වාග්දවාද්යං නමස්යාමි තත්ර ව්යාපකමංඩලම් ।
ජලයුක්තේනපාණෞ ච ශුද්ධමුද්රා සමන්විතම් ॥ 174॥
තත්ර මංත්රේණ දාස්යාමි දේවි තේ බලිමුත්තමම් ।
නමස්තේදේවදේවේශි නම ස්ත්රෛලෝක්යවංදිතේ ॥ 175॥
නමශ්ශිවවරාංකස්ථේ නමස්ත්රීපුරසුංදරි ।
ප්රදක්ෂිණනමස්කාරමනේනාහං කරෝමි තේ ॥ 176॥
තත සංකල්පමංත්රාණාං සමාජං පරමේශ්වරි ।
ප්රජපාමිමහාවිද්යාං ත්වත් ප්රීත්යර්ත්ථමහං ශිවේ ॥ 177॥
තව විද්යාං ප්රජප්ත්වාථ නෞමි ත්වාං පරමේශ්වරි ।
මහාදේවිමහේශානි මහාශිවමයේ ප්රියේ ॥ 178॥
මහානිත්යේ මහාසිද්ධේ ත්වාමහං ශරණං ශිවේ ।
ජයත්වංත්රිපුරේ දේවි ලලිතේ පරමේශ්වරි ॥ 179॥
සදාශිව ප්රියංකරි පාහිමාං කරුණානිධේ ।
ජගන්මාතර්ජ්ජගද්රූපේජගදීශ්වරවල්ලභේ ॥ 180॥
ජගන්මයි ජගත් ස්තුත්යේ ගෞරි ත්වාමහමාශ්රයේ ।
අනාද්යේසර්වලෝකානාමාද්යේ භක්තේෂ්ටදායිනි ॥ 181॥
ගිරිරාජේංද්රතනයේ නමස්තීපුරසුංදරි ।
ජයාරීංජයදේවේශිබ්රහ්මමාතර්මහේශ්වරි ॥ 182॥
විෂ්ණුමාතරමාද්යංතේ හරමාතස්සුරේශ්වරි ।
බ්රහ්ම්යාදිමාතෘසංස්තුත්යේ සර්වාභරණ සම්යුක්තේ ॥ 183॥
ජ්යෝතිර්මයි මහාරූපේ පාහිමාං ත්රිපුරේ සදා ।
ලක්ෂ්මීවාණ්යාදිසං පූජ්යේ බ්රහ්මවිෂ්ණුශිවප්රිය ॥ 184॥
භජාමි තව පාදාබ්ජං දේවි ත්රිපුරසුංදරි ।
ත්වල්ප්රීත්යර්ත්ථංයතඃ කාංචීච්ඡක්තිං වෛපූජයාම්යහම් ॥ 185॥
තතශ්ච කේතනාං ශක්තිං තර්පයාමි මහේශ්වරි ।
තථාපිත්වාං භජංස්තෝෂං චිදග්නෞ ච දදාම්යහම් ॥ 186॥
ත්වල්ප්රීත්යර්ථ්යං මහාදේවි මමාභීෂ්ටාර්ත්ථ සිද්ධයේ ।
බද්ධ්වාත්වාං ඛෛචරීමුද්රාං ක්ෂමස්වෝද්වාසයාම්යහම් ॥ 187॥
තිෂ්ඨමේ හෘදයේනිත්යං ත්රිපුරේ පරමේශ්වරි ।
ජගදංබමහාරාජ්ඤි මහාශක්ති ශිවප්රියේ ॥ 188॥
හෘච්චක්රේ තිෂ්තමේ නිත්යං මහාත්රිපුරසුංදරි ।
ඒතත්ත්රිපුරසුංදර්යා හෘදයං සර්වකාමදම් ॥ 189॥
මහාරහස්යං සතතං දුර්ල්ලභං දෛවතෛරපි ।
සාක්ෂාත්සදාශිවේනෝක්තං ගුහ්යාත් ගුහ්යමනුත්තමම් ॥ 190॥
යඃ පතේත් ශ්රද්ධයා නිත්යං ශ‍ඍණුයාද්වා සමාහිතඃ ।
නිත්යපූජාඵලංදේව්යාස්සලභේන්නාත්ර සංශයඃ ॥ 191॥
පාපෛඃ සමුච්යතේ සද්යඃ කායවාක්ක් සිත්තසංභවෛඃ ।
පූර්වජන්මසමුත් භ්රදතෛර්ජ්ඤානාජ්ඤකෘතෛරපි ॥ 192॥
සර්වක්රතුෂුයත් පුණ්යං සර්වතීර්ත්ථේෂු යර්ඵලම් ।
තත්පුණ්යං ලභතේ නිත්යං මානවෝ නාත්ර සංශයඃ ॥ 193॥
අචලාං ලභතේ ලක්ෂ්මීං ත්රෛලෝක්යේනාති දුර්ලභාම් ।
සාක්ෂාද්විෂ්ණුර්මහාලක්ෂ්යාශීඝ්රමේව භවිෂ්යති ॥ 194॥
අෂ්ටෛශ්වර්ය මවාප්නෝති ස ශීඝ්රං මානවෝත්තමඃ ।
ඝංඩිකාපාදුකාසිද්ධ්යාදිෂ්ටකංශීඝ්රමශ්නුතේ ॥ 195॥
ශ්රීමත්ත්රිපුරාංබිකායෛ නමඃ ।
॥ ශ්රීලලිතාහෘදයස්තෝත්රං සංපූර්ණම් ॥
ඕං තත් සත් ॥