ධ්යානම්
ශ්රීමන්මාතරමංබිකාං විධිමනෝජාතාං සදාභීෂ්ටදාං
ස්කංදේෂ්ටාං ච ජගත්ප්රසූං විජයදාං සත්පුත්ර සෞභාග්යදාම් ।
සද්රත්නාභරණාන්විතාං සකරුණාං ශුභ්රාං ශුභාං සුප්රභාං
ෂෂ්ඨාංශාං ප්රකෘතේඃ පරං භගවතීං ශ්රීදේවසේනාං භජේ ॥ 1 ॥
ෂෂ්ඨාංශාං ප්රකෘතේඃ ශුද්ධාං සුප්රතිෂ්ඨාං ච සුව්රතාං
සුපුත්රදාං ච ශුභදාං දයාරූපාං ජගත්ප්රසූම් ।
ශ්වේතචංපකවර්ණාභාං රක්තභූෂණභූෂිතාං
පවිත්රරූපාං පරමං දේවසේනා පරාං භජේ ॥ 2 ॥
ස්තෝත්රම්
නමෝ දේව්යෛ මහාදේව්යෛ සිද්ධ්යෛ ශාංත්යෛ නමෝ නමඃ ।
ශුභායෛ දේවසේනායෛ ෂෂ්ඨීදේව්යෛ නමෝ නමඃ ॥ 1 ॥
වරදායෛ පුත්රදායෛ ධනදායෛ නමෝ නමඃ ।
සුඛදායෛ මෝක්ෂදායෛ ෂෂ්ඨීදේව්යෛ නමෝ නමඃ ॥ 2 ॥
සෘෂ්ට්යෛ ෂෂ්ඨාංශරූපායෛ සිද්ධායෛ ච නමෝ නමඃ ।
මායායෛ සිද්ධයෝගින්යෛ ෂෂ්ඨීදේව්යෛ නමෝ නමඃ ॥ 3 ॥
සාරායෛ ශාරදායෛ ච පරාදේව්යෛ නමෝ නමඃ ।
බාලාධිෂ්ටාතෘදේව්යෛ ච ෂෂ්ඨීදේව්යෛ නමෝ නමඃ ॥ 4 ॥
කළ්යාණදායෛ කළ්යාණ්යෛ ඵලදායෛ ච කර්මණාම් ।
ප්රත්යක්ෂායෛ සර්වභක්තානාං ෂෂ්ඨීදේව්යෛ නමෝ නමඃ ॥ 5 ॥
පූජ්යායෛ ස්කංදකාංතායෛ සර්වේෂාං සර්වකර්මසු ।
දේවරක්ෂණකාරිණ්යෛ ෂෂ්ඨීදේව්යෛ නමෝ නමඃ ॥ 6 ॥
ශුද්ධසත්ත්වස්වරූපායෛ වංදිතායෛ නෘණාං සදා ।
හිංසාක්රෝධවර්ජිතායෛ ෂෂ්ඨීදේව්යෛ නමෝ නමඃ ॥ 7 ॥
ධනං දේහි ප්රියාං දේහි පුත්රං දේහි සුරේශ්වරි ।
මානං දේහි ජයං දේහි ද්විෂෝ ජහි මහේශ්වරි ॥ 8 ॥
ධර්මං දේහි යශෝ දේහි ෂෂ්ඨීදේවී නමෝ නමඃ ।
දේහි භූමිං ප්රජාං දේහි විද්යාං දේහි සුපූජිතේ ।
කළ්යාණං ච ජයං දේහි ෂෂ්ඨීදේව්යෛ නමෝ නමඃ ॥ 9 ॥
ඵලශෘති
ඉති දේවීං ච සංස්තුත්ය ලභේත්පුත්රං ප්රියව්රතම් ।
යශශ්විනං ච රාජේංද්රං ෂෂ්ඨීදේවි ප්රසාදතඃ ॥ 10 ॥
ෂෂ්ඨීස්තෝත්රමිදං බ්රහ්මාන් යඃ ශෘණෝති තු වත්සරම් ।
අපුත්රෝ ලභතේ පුත්රං වරං සුචිර ජීවනම් ॥ 11 ॥
වර්ෂමේකං ච යා භක්ත්යා සංස්තුත්යේදං ශෘණෝති ච ।
සර්වපාපාද්විනිර්මුක්තා මහාවංධ්යා ප්රසූයතේ ॥ 12 ॥
වීරං පුත්රං ච ගුණිනං විද්යාවංතං යශස්විනම් ।
සුචිරායුෂ්යවංතං ච සූතේ දේවි ප්රසාදතඃ ॥ 13 ॥
කාකවංධ්යා ච යා නාරී මෘතවත්සා ච යා භවේත් ।
වර්ෂං ශෘත්වා ලභේත්පුත්රං ෂෂ්ඨීදේවි ප්රසාදතඃ ॥ 14 ॥
රෝගයුක්තේ ච බාලේ ච පිතාමාතා ශෘණෝති චේත් ।
මාසේන මුච්යතේ රෝගාන් ෂෂ්ඨීදේවි ප්රසාදතඃ ॥ 15 ॥
ජය දේවි ජගන්මාතඃ ජගදානංදකාරිණි ।
ප්රසීද මම කළ්යාණි නමස්තේ ෂෂ්ඨීදේවතේ ॥ 16 ॥
ඉති ශ්රී ෂෂ්ඨීදේවි ස්තෝත්රම් ।