අස්ය ශ්රීසුබ්රහ්මණ්යකවචස්තෝත්රමහාමංත්රස්ය, බ්රහ්මා ඍෂිඃ, අනුෂ්ටුප්ඡංදඃ, ශ්රීසුබ්රහ්මණ්යෝ දේවතා, ඕං නම ඉති බීජං, භගවත ඉති ශක්තිඃ, සුබ්රහ්මණ්යායේති කීලකං, ශ්රීසුබ්රහ්මණ්ය ප්රසාදසිද්ධ්යර්ථේ ජපේ විනියෝගඃ ॥
කරන්යාසඃ –
ඕං සාං අංගුෂ්ඨාභ්යාං නමඃ ।
ඕං සීං තර්ජනීභ්යාං නමඃ ।
ඕං සූං මධ්යමාභ්යාං නමඃ ।
ඕං සෛං අනාමිකාභ්යාං නමඃ ।
ඕං සෞං කනිෂ්ඨිකාභ්යාං නමඃ ।
ඕං සඃ කරතලකරපෘෂ්ඨාභ්යාං නමඃ ॥
අංගන්යාසඃ –
ඕං සාං හෘදයාය නමඃ ।
ඕං සීං ශිරසේ ස්වාහා ।
ඕං සූං ශිඛායෛ වෂට් ।
ඕං සෛං කවචාය හුම් ।
ඕං සෞං නේත්රත්රයාය වෞෂට් ।
ඕං සඃ අස්ත්රාය ඵට් ।
භූර්භුවස්සුවරෝමිති දිග්බංධඃ ॥
ධ්යානම් ।
සිංදූරාරුණමිංදුකාංතිවදනං කේයූරහාරාදිභිඃ
දිව්යෛරාභරණෛර්විභූෂිතතනුං ස්වර්ගාදිසෞඛ්යප්රදම් ।
අංභෝජාභයශක්තිකුක්කුටධරං රක්තාංගරාගෝජ්ජ්වලං
සුබ්රහ්මණ්යමුපාස්මහේ ප්රණමතාං සර්වාර්ථසිද්ධිප්රදම් ॥ [භීතිප්රණාශෝද්යතම්]
ලමිත්යාදි පංචපූජා ।
ඕං ලං පෘථිව්යාත්මනේ සුබ්රහ්මණ්යාය ගංධං සමර්පයාමි ।
ඕං හං ආකාශාත්මනේ සුබ්රහ්මණ්යාය පුෂ්පාණි සමර්පයාමි ।
ඕං යං වාය්වාත්මනේ සුබ්රහ්මණ්යාය ධූපමාඝ්රාපයාමි ।
ඕං රං අග්න්යාත්මනේ සුබ්රහ්මණ්යාය දීපං දර්ශයාමි ।
ඕං වං අමෘතාත්මනේ සුබ්රහ්මණ්යාය ස්වාදන්නං නිවේදයාමි ।
ඕං සං සර්වාත්මනේ සුබ්රහ්මණ්යාය සර්වෝපචාරාන් සමර්පයාමි ।
කවචම් ।
සුබ්රහ්මණ්යෝऽග්රතඃ පාතු සේනානීඃ පාතු පෘෂ්ඨතඃ ।
ගුහෝ මාං දක්ෂිණේ පාතු වහ්නිජඃ පාතු වාමතඃ ॥ 1 ॥
ශිරඃ පාතු මහාසේනඃ ස්කංදෝ රක්ෂේල්ලලාටකම් ।
නේත්රේ මේ ද්වාදශාක්ෂශ්ච ශ්රෝත්රේ රක්ෂතු විශ්වභෘත් ॥ 2 ॥
මුඛං මේ ෂණ්මුඛඃ පාතු නාසිකාං ශංකරාත්මජඃ ।
ඕෂ්ඨෞ වල්ලීපතිඃ පාතු ජිහ්වාං පාතු ෂඩානනඃ ॥ 3 ॥
දේවසේනාපතිර්දංතාන් චිබුකං බහුලෝද්භවඃ ।
කංඨං තාරකජිත්පාතු බාහූ ද්වාදශබාහුකඃ ॥ 4 ॥
හස්තෞ ශක්තිධරඃ පාතු වක්ෂඃ පාතු ශරෝද්භවඃ ।
හෘදයං වහ්නිභූඃ පාතු කුක්ෂිං පාත්වංබිකාසුතඃ ॥ 5 ॥
නාභිං ශංභුසුතඃ පාතු කටිං පාතු හරාත්මජඃ ।
ඌරූ පාතු ගජාරූඪෝ ජානූ මේ ජාහ්නවීසුතඃ ॥ 6 ॥
ජංඝේ විශාඛෝ මේ පාතු පාදෞ මේ ශිඛිවාහනඃ ।
සර්වාණ්යංගානි භූතේශඃ සර්වධාතූංශ්ච පාවකිඃ ॥ 7 ॥
සංධ්යාකාලේ නිශීථින්යාං දිවා ප්රාතර්ජලේऽග්නිෂු ।
දුර්ගමේ ච මහාරණ්යේ රාජද්වාරේ මහාභයේ ॥ 8 ॥
තුමුලේ රණ්යමධ්යේ ච සර්වදුෂ්ටමෘගාදිෂු ।
චෝරාදිසාධ්වසේऽභේද්යේ ජ්වරාදිව්යාධිපීඩනේ ॥ 9 ॥
දුෂ්ටග්රහාදිභීතෞ ච දුර්නිමිත්තාදිභීෂණේ ।
අස්ත්රශස්ත්රනිපාතේ ච පාතු මාං ක්රෞංචරංධ්රකෘත් ॥ 10 ॥
යඃ සුබ්රහ්මණ්යකවචං ඉෂ්ටසිද්ධිප්රදං පඨේත් ।
තස්ය තාපත්රයං නාස්ති සත්යං සත්යං වදාම්යහම් ॥ 11 ॥
ධර්මාර්ථී ලභතේ ධර්මමර්ථාර්ථී චාර්ථමාප්නුයාත් ।
කාමාර්ථී ලභතේ කාමං මෝක්ෂාර්ථී මෝක්ෂමාප්නුයාත් ॥ 12 ॥
යත්ර යත්ර ජපේද්භක්ත්යා තත්ර සන්නිහිතෝ ගුහඃ ।
පූජාප්රතිෂ්ඨාකාලේ ච ජපකාලේ පඨේදිදම් ॥ 13 ॥
තේෂාමේව ඵලාවාප්තිඃ මහාපාතකනාශනම් ।
යඃ පඨේච්ඡෘණුයාද්භක්ත්යා නිත්යං දේවස්ය සන්නිධෞ ।
සර්වාන්කාමානිහ ප්රාප්ය සෝऽංතේ ස්කංදපුරං ව්රජේත් ॥ 14 ॥
උත්තරන්යාසඃ ॥
කරන්යාසඃ –
ඕං සාං අංගුෂ්ඨාභ්යාං නමඃ ।
ඕං සීං තර්ජනීභ්යාං නමඃ ।
ඕං සූං මධ්යමාභ්යාං නමඃ ।
ඕං සෛං අනාමිකාභ්යාං නමඃ ।
ඕං සෞං කනිෂ්ඨිකාභ්යාං නමඃ ।
ඕං සඃ කරතලකරපෘෂ්ඨාභ්යාං නමඃ ॥
අංගන්යාසඃ –
ඕං සාං හෘදයාය නමඃ ।
ඕං සීං ශිරසේ ස්වාහා ।
ඕං සූං ශිඛායෛ වෂට් ।
ඕං සෛං කවචාය හුම් ।
ඕං සෞං නේත්රත්රයාය වෞෂට් ।
ඕං සඃ අස්ත්රාය ඵට් ।
භූර්භුවස්සුවරෝමිති දිග්විමෝකඃ ॥
ඉති ශ්රී සුබ්රහ්මණ්ය කවච ස්තෝත්රම් ।