හේ ස්වාමිනාථාර්තබංධෝ ।
භස්මලිප්තාංග ගාංගේය කාරුණ්යසිංධෝ ॥
රුද්රාක්ෂධාරින්නමස්තේ
රෞද්රරෝගං හර ත්වං පුරාරේර්ගුරෝර්මේ ।
රාකේංදුවක්ත්රං භවංතං
මාරරූපං කුමාරං භජේ කාමපූරම් ॥ 1 ॥
මාං පාහි රෝගාදඝෝරාත්
මංගළාපාංගපාතේන භංගාත්ස්වරාණාම් ।
කාලාච්ච දුෂ්පාකකූලාත්
කාලකාලස්යසූනුං භජේ ක්රාංතසානුම් ॥ 2 ॥
බ්රහ්මාදයෝ යස්ය ශිෂ්යාඃ
බ්රහ්මපුත්රා ගිරෞ යස්ය සෝපානභූතාඃ ।
සෛන්යං සුරාශ්චාපි සර්වේ
සාමවේදාදිගේයං භජේ කාර්තිකේයම් ॥ 3 ॥
කාෂාය සංවීත ගාත්රං
කාමරෝගාදි සංහාරි භික්ෂාන්න පාත්රම් ।
කාරුණ්ය සංපූර්ණ නේත්රං
ශක්තිහස්තං පවිත්රං භජේ ශංභුපුත්රම් ॥ 4 ॥
ශ්රීස්වාමි ශෛලේ වසංතං
සාධුසංඝස්ය රෝගාන් සදා සංහරංතම් ।
ඕංකාරතත්ත්වං වදංතං
ශංභුකර්ණේ හසංතං භජේऽහං ශිශුං තම් ॥ 5 ॥
ස්තෝත්රං කෘතං චිත්රචිත්රං
දීක්ෂිතානංතරාමේණ සර්වාර්ථසිද්ධ්යෛ ।
භක්ත්යා පඨේද්යඃ ප්රභාතේ
දේවදේවප්රසාදාත් ලභේතාෂ්ටසිද්ධිම් ॥ 6 ॥
ඉති ශ්රීඅනංතරාමදීක්ෂිතර් කෘතං ශ්රී ස්වාමිනාථ පංචකම් ।