රත්නෛඃ කල්පිතමාසනං හිමජලෛඃ ස්නානං ච දිව්යාංබරං
නානාරත්න විභූෂිතං මෘගමදා මෝදාංකිතං චංදනම් ।
ජාතී චංපක බිල්වපත්ර රචිතං පුෂ්පං ච ධූපං තථා
දීපං දේව දයානිධේ පශුපතේ හෘත්කල්පිතං ගෘහ්යතාම් ॥ 1 ॥
සෞවර්ණේ නවරත්නඛංඩ රචිතේ පාත්රේ ඝෘතං පායසං
භක්ෂ්යං පංචවිධං පයෝදධියුතං රංභාඵලං පානකම් ।
ශාකානාමයුතං ජලං රුචිකරං කර්පූර ඛංඩෝජ්ජ්චලං
තාංබූලං මනසා මයා විරචිතං භක්ත්යා ප්රභෝ ස්වීකුරු ॥ 2 ॥
ඡත්රං චාමරයෝර්යුගං ව්යජනකං චාදර්ශකං නිර්මලං
වීණා භේරි මෘදංග කාහලකලා ගීතං ච නෘත්යං තථා ।
සාෂ්ටාංගං ප්රණතිඃ ස්තුති-ර්බහුවිධා-හ්යේතත්-සමස්තං මයා
සංකල්පේන සමර්පිතං තව විභෝ පූජාං ගෘහාණ ප්රභෝ ॥ 3 ॥
ආත්මා ත්වං ගිරිජා මතිඃ සහචරාඃ ප්රාණාඃ ශරීරං ගෘහං
පූජා තේ විෂයෝපභෝග-රචනා නිද්රා සමාධිස්ථිතිඃ ।
සංචාරඃ පදයෝඃ ප්රදක්ෂිණවිධිඃ ස්තෝත්රාණි සර්වා ගිරෝ
යද්යත්කර්ම කරෝමි තත්තදඛිලං ශංභෝ තවාරාධනම් ॥ 4 ॥
කර චරණ කෘතං වාක්කායජං කර්මජං වා
ශ්රවණ නයනජං වා මානසං වාපරාධම් ।
විහිතමවිහිතං වා සර්වමේතත්-ක්ෂමස්ව
ජය ජය කරුණාබ්ධේ ශ්රී මහාදේව ශංභෝ ॥ 5 ॥