ශ්රීශං කමලපත්රාක්ෂං දේවකීනංදනං හරිම් ।
සුතසංප්රාප්තයේ කෘෂ්ණං නමාමි මධුසූදනම් ॥ 1 ॥
නමාම්යහං වාසුදේවං සුතසංප්රාප්තයේ හරිම් ।
යශෝදාංකගතං බාලං ගෝපාලං නංදනංදනම් ॥ 2 ॥
අස්මාකං පුත්රලාභාය ගෝවිංදං මුනිවංදිතම් ।
නමාම්යහං වාසුදේවං දේවකීනංදනං සදා ॥ 3 ॥
ගෝපාලං ඩිංභකං වංදේ කමලාපතිමච්යුතම් ।
පුත්රසංප්රාප්තයේ කෘෂ්ණං නමාමි යදුපුංගවම් ॥ 4 ॥
පුත්රකාමේෂ්ටිඵලදං කංජාක්ෂං කමලාපතිම් ।
දේවකීනංදනං වංදේ සුතසංප්රාප්තයේ මම ॥ 5 ॥
පද්මාපතේ පද්මනේත්ර පද්මනාභ ජනාර්දන ।
දේහි මේ තනයං ශ්රීශ වාසුදේව ජගත්පතේ ॥ 6 ॥
යශෝදාංකගතං බාලං ගෝවිංදං මුනිවංදිතම් ।
අස්මාකං පුත්ර ලාභාය නමාමි ශ්රීශමච්යුතම් ॥ 7 ॥
ශ්රීපතේ දේවදේවේශ දීනාර්තිර්හරණාච්යුත ।
ගෝවිංද මේ සුතං දේහි නමාමි ත්වාං ජනාර්දන ॥ 8 ॥
භක්තකාමද ගෝවිංද භක්තරක්ෂ ශුභප්රද ।
දේහි මේ තනයං කෘෂ්ණ රුක්මිණීවල්ලභ ප්රභෝ ॥ 9 ॥
රුක්මිණීනාථ සර්වේශ දේහි මේ තනයං සදා ।
භක්තමංදාර පද්මාක්ෂ ත්වාමහං ශරණං ගතඃ ॥ 10 ॥
දේවකීසුත ගෝවිංද වාසුදේව ජගත්පතේ ।
දේහි මේ තනයං කෘෂ්ණ ත්වාමහං ශරණං ගතඃ ॥ 11 ॥
වාසුදේව ජගද්වංද්ය ශ්රීපතේ පුරුෂෝත්තම ।
දේහි මේ තනයං කෘෂ්ණ ත්වාමහං ශරණං ගතඃ ॥ 12 ॥
කංජාක්ෂ කමලානාථ පරකාරුණිකෝත්තම ।
දේහි මේ තනයං කෘෂ්ණ ත්වාමහං ශරණං ගතඃ ॥ 13 ॥
ලක්ෂ්මීපතේ පද්මනාභ මුකුංද මුනිවංදිත ।
දේහි මේ තනයං කෘෂ්ණ ත්වාමහං ශරණං ගතඃ ॥ 14 ॥
කාර්යකාරණරූපාය වාසුදේවාය තේ සදා ।
නමාමි පුත්රලාභාර්ථං සුඛදාය බුධාය තේ ॥ 15 ॥
රාජීවනේත්ර ශ්රීරාම රාවණාරේ හරේ කවේ ।
තුභ්යං නමාමි දේවේශ තනයං දේහි මේ හරේ ॥ 16 ॥
අස්මාකං පුත්රලාභාය භජාමි ත්වාං ජගත්පතේ ।
දේහි මේ තනයං කෘෂ්ණ වාසුදේව රමාපතේ ॥ 17 ॥
ශ්රීමානිනීමානචෝර ගෝපීවස්ත්රාපහාරක ।
දේහි මේ තනයං කෘෂ්ණ වාසුදේව ජගත්පතේ ॥ 18 ॥
අස්මාකං පුත්රසංප්රාප්තිං කුරුෂ්ව යදුනංදන ।
රමාපතේ වාසුදේව මුකුංද මුනිවංදිත ॥ 19 ॥
වාසුදේව සුතං දේහි තනයං දේහි මාධව ।
පුත්රං මේ දේහි ශ්රීකෘෂ්ණ වත්සං දේහි මහාප්රභෝ ॥ 20 ॥
ඩිංභකං දේහි ශ්රීකෘෂ්ණ ආත්මජං දේහි රාඝව ।
භක්තමංදාර මේ දේහි තනයං නංදනංදන ॥ 21 ॥
නංදනං දේහි මේ කෘෂ්ණ වාසුදේව ජගත්පතේ ।
කමලානාථ ගෝවිංද මුකුංද මුනිවංදිත ॥ 22 ॥
අන්යථා ශරණං නාස්ති ත්වමේව ශරණං මම ।
සුතං දේහි ශ්රියං දේහි ශ්රියං පුත්රං ප්රදේහි මේ ॥ 23 ॥
යශෝදාස්තන්යපානජ්ඤං පිබංතං යදුනංදනම් ।
වංදේऽහං පුත්රලාභාර්ථං කපිලාක්ෂං හරිං සදා ॥ 24 ॥
නංදනංදන දේවේශ නංදනං දේහි මේ ප්රභෝ ।
රමාපතේ වාසුදේව ශ්රියං පුත්රං ජගත්පතේ ॥ 25 ॥
පුත්රං ශ්රියං ශ්රියං පුත්රං පුත්රං මේ දේහි මාධව ।
අස්මාකං දීනවාක්යස්ය අවධාරය ශ්රීපතේ ॥ 26 ॥
ගෝපාල ඩිංභ ගෝවිංද වාසුදේව රමාපතේ ।
අස්මාකං ඩිංභකං දේහි ශ්රියං දේහි ජගත්පතේ ॥ 27 ॥
මද්වාංඡිතඵලං දේහි දේවකීනංදනාච්යුත ।
මම පුත්රාර්ථිතං ධන්යං කුරුෂ්ව යදුනංදන ॥ 28 ॥
යාචේऽහං ත්වාං ශ්රියං පුත්රං දේහි මේ පුත්රසංපදම් ।
භක්තචිංතාමණේ රාම කල්පවෘක්ෂ මහාප්රභෝ ॥ 29 ॥
ආත්මජං නංදනං පුත්රං කුමාරං ඩිංභකං සුතම් ।
අර්භකං තනයං දේහි සදා මේ රඝුනංදන ॥ 30 ॥
වංදේ සංතානගෝපාලං මාධවං භක්තකාමදම් ।
අස්මාකං පුත්රසංප්රාප්ත්යෛ සදා ගෝවිංදමච්යුතම් ॥ 31 ॥
ඕංකාරයුක්තං ගෝපාලං ශ්රීයුක්තං යදුනංදනම් ।
ක්ලීංයුක්තං දේවකීපුත්රං නමාමි යදුනායකම් ॥ 32 ॥
වාසුදේව මුකුංදේශ ගෝවිංද මාධවාච්යුත ।
දේහි මේ තනයං කෘෂ්ණ රමානාථ මහාප්රභෝ ॥ 33 ॥
රාජීවනේත්ර ගෝවිංද කපිලාක්ෂ හරේ ප්රභෝ ।
සමස්තකාම්යවරද දේහි මේ තනයං සදා ॥ 34 ॥
අබ්ජපද්මනිභ පද්මවෘංදරූප ජගත්පතේ ।
දේහි මේ වරසත්පුත්රං රමානායක මාධව ॥ 35 ॥ (රූපනායක)
නංදපාල ධරාපාල ගෝවිංද යදුනංදන ।
දේහි මේ තනයං කෘෂ්ණ රුක්මිණීවල්ලභ ප්රභෝ ॥ 36 ॥
දාසමංදාර ගෝවිංද මුකුංද මාධවාච්යුත ।
ගෝපාල පුංඩරීකාක්ෂ දේහි මේ තනයං ශ්රියම් ॥ 37 ॥
යදුනායක පද්මේශ නංදගෝපවධූසුත ।
දේහි මේ තනයං කෘෂ්ණ ශ්රීධර ප්රාණනායක ॥ 38 ॥
අස්මාකං වාංඡිතං දේහි දේහි පුත්රං රමාපතේ ।
භගවන් කෘෂ්ණ සර්වේශ වාසුදේව ජගත්පතේ ॥ 39 ॥
රමාහෘදයසංභාර සත්යභාමාමනඃප්රිය ।
දේහි මේ තනයං කෘෂ්ණ රුක්මිණීවල්ලභ ප්රභෝ ॥ 40 ॥
චංද්රසූර්යාක්ෂ ගෝවිංද පුංඩරීකාක්ෂ මාධව ।
අස්මාකං භාග්යසත්පුත්රං දේහි දේව ජගත්පතේ ॥ 41 ॥
කාරුණ්යරූප පද්මාක්ෂ පද්මනාභසමර්චිත ।
දේහි මේ තනයං කෘෂ්ණ දේවකීනංදනංදන ॥ 42 ॥
දේවකීසුත ශ්රීනාථ වාසුදේව ජගත්පතේ ।
සමස්තකාමඵලද දේහි මේ තනයං සදා ॥ 43 ॥
භක්තමංදාර ගංභීර ශංකරාච්යුත මාධව ।
දේහි මේ තනයං ගෝපබාලවත්සල ශ්රීපතේ ॥ 44 ॥
ශ්රීපතේ වාසුදේවේශ දේවකීප්රියනංදන ।
භක්තමංදාර මේ දේහි තනයං ජගතාං ප්රභෝ ॥ 45 ॥
ජගන්නාථ රමානාථ භූමිනාථ දයානිධේ ।
වාසුදේවේශ සර්වේශ දේහි මේ තනයං ප්රභෝ ॥ 46 ॥
ශ්රීනාථ කමලපත්රාක්ෂ වාසුදේව ජගත්පතේ ।
දේහි මේ තනයං කෘෂ්ණ ත්වාමහං ශරණං ගතඃ ॥ 47 ॥
දාසමංදාර ගෝවිංද භක්තචිංතාමණේ ප්රභෝ ।
දේහි මේ තනයං කෘෂ්ණ ත්වාමහං ශරණං ගතඃ ॥ 48 ॥
ගෝවිංද පුංඩරීකාක්ෂ රමානාථ මහාප්රභෝ ।
දේහි මේ තනයං කෘෂ්ණ ත්වාමහං ශරණං ගතඃ ॥ 49 ॥
ශ්රීනාථ කමලපත්රාක්ෂ ගෝවිංද මධුසූදන ।
මත්පුත්රඵලසිද්ධ්යර්ථං භජාමි ත්වාං ජනාර්දන ॥ 50 ॥
ස්තන්යං පිබංතං ජනනීමුඛාංබුජං
විලෝක්ය මංදස්මිතමුජ්ජ්වලාංගම් ।
ස්පෘශංතමන්යස්තනමංගුලීභිඃ
වංදේ යශෝදාංකගතං මුකුංදම් ॥ 51 ॥
යාචේऽහං පුත්රසංතානං භවංතං පද්මලෝචන ।
දේහි මේ තනයං කෘෂ්ණ ත්වාමහං ශරණං ගතඃ ॥ 52 ॥
අස්මාකං පුත්රසංපත්තේශ්චිංතයාමි ජගත්පතේ ।
ශීඝ්රං මේ දේහි දාතව්යං භවතා මුනිවංදිත ॥ 53 ॥
වාසුදේව ජගන්නාථ ශ්රීපතේ පුරුෂෝත්තම ।
කුරු මාං පුත්රදත්තං ච කෘෂ්ණ දේවේංද්රපූජිත ॥ 54 ॥
කුරු මාං පුත්රදත්තං ච යශෝදාප්රියනංදන ।
මහ්යං ච පුත්රසංතානං දාතව්යං භවතා හරේ ॥ 55 ॥
වාසුදේව ජගන්නාථ ගෝවිංද දේවකීසුත ।
දේහි මේ තනයං රාම කෞසල්යාප්රියනංදන ॥ 56 ॥
පද්මපත්රාක්ෂ ගෝවිංද විෂ්ණෝ වාමන මාධව ।
දේහි මේ තනයං සීතාප්රාණනායක රාඝව ॥ 57 ॥
කංජාක්ෂ කෘෂ්ණ දේවේංද්රමංඩිත මුනිවංදිත ।
ලක්ෂ්මණාග්රජ ශ්රීරාම දේහි මේ තනයං සදා ॥ 58 ॥
දේහි මේ තනයං රාම දශරථප්රියනංදන ।
සීතානායක කංජාක්ෂ මුචුකුංදවරප්රද ॥ 59 ॥
විභීෂණස්ය යා ලංකා ප්රදත්තා භවතා පුරා ।
අස්මාකං තත්ප්රකාරේණ තනයං දේහි මාධව ॥ 60 ॥
භවදීයපදාංභෝජේ චිංතයාමි නිරංතරම් ।
දේහි මේ තනයං සීතාප්රාණවල්ලභ රාඝව ॥ 61 ॥
රාම මත්කාම්යවරද පුත්රෝත්පත්තිඵලප්රද ।
දේහි මේ තනයං ශ්රීශ කමලාසනවංදිත ॥ 62 ॥
රාම රාඝව සීතේශ ලක්ෂ්මණානුජ දේහි මේ ।
භාග්යවත්පුත්රසංතානං දශරථාත්මජ ශ්රීපතේ ॥ 63 ॥
දේවකීගර්භසංජාත යශෝදාප්රියනංදන ।
දේහි මේ තනයං රාම කෘෂ්ණ ගෝපාල මාධව ॥ 64 ॥
කෘෂ්ණ මාධව ගෝවිංද වාමනාච්යුත ශංකර ।
දේහි මේ තනයං ශ්රීශ ගෝපබාලකනායක ॥ 65 ॥
ගෝපබාල මහාධන්ය ගෝවිංදාච්යුත මාධව ।
දේහි මේ තනයං කෘෂ්ණ වාසුදේව ජගත්පතේ ॥ 66 ॥
දිශතු දිශතු පුත්රං දේවකීනංදනෝऽයං
දිශතු දිශතු ශීඝ්රං භාග්යවත්පුත්රලාභම් ।
දිශතු දිශතු ශ්රීශෝ රාඝවෝ රාමචංද්රෝ
දිශතු දිශතු පුත්රං වංශවිස්තාරහේතෝඃ ॥ 67 ॥
දීයතාං වාසුදේවේන තනයෝමත්ප්රියඃ සුතඃ ।
කුමාරෝ නංදනඃ සීතානායකේන සදා මම ॥ 68 ॥
රාම රාඝව ගෝවිංද දේවකීසුත මාධව ।
දේහි මේ තනයං ශ්රීශ ගෝපබාලකනායක ॥ 69 ॥
වංශවිස්තාරකං පුත්රං දේහි මේ මධුසූදන ।
සුතං දේහි සුතං දේහි ත්වාමහං ශරණං ගතඃ ॥ 70 ॥
මමාභීෂ්ටසුතං දේහි කංසාරේ මාධවාච්යුත ।
සුතං දේහි සුතං දේහි ත්වාමහං ශරණං ගතඃ ॥ 71 ॥
චංද්රාර්කකල්පපර්යංතං තනයං දේහි මාධව ।
සුතං දේහි සුතං දේහි ත්වාමහං ශරණං ගතඃ ॥ 72 ॥
විද්යාවංතං බුද්ධිමංතං ශ්රීමංතං තනයං සදා ।
දේහි මේ තනයං කෘෂ්ණ දේවකීනංදන ප්රභෝ ॥ 73 ॥
නමාමි ත්වාං පද්මනේත්ර සුතලාභාය කාමදම් ।
මුකුංදං පුංඩරීකාක්ෂං ගෝවිංදං මධුසූදනම් ॥ 74 ॥
භගවන් කෘෂ්ණ ගෝවිංද සර්වකාමඵලප්රද ।
දේහි මේ තනයං ස්වාමින් ත්වාමහං ශරණං ගතඃ ॥ 75 ॥
ස්වාමින් ත්වං භගවන් රාම කෘෂ්ණ මාධව කාමද ।
දේහි මේ තනයං නිත්යං ත්වාමහං ශරණං ගතඃ ॥ 76 ॥
තනයං දේහි ගෝවිංද කංජාක්ෂ කමලාපතේ ।
සුතං දේහි සුතං දේහි ත්වාමහං ශරණං ගතඃ ॥ 77 ॥
පද්මාපතේ පද්මනේත්ර ප්රද්යුම්නජනක ප්රභෝ ।
සුතං දේහි සුතං දේහි ත්වාමහං ශරණං ගතඃ ॥ 78 ॥
ශංඛචක්රගදාඛඩ්ගශාර්ඞ්ගපාණේ රමාපතේ ।
දේහි මේ තනයං කෘෂ්ණ ත්වාමහං ශරණං ගතඃ ॥ 79 ॥
නාරායණ රමානාථ රාජීවපත්රලෝචන ।
සුතං මේ දේහි දේවේශ පද්මපද්මානුවංදිත ॥ 80 ॥
රාම මාධව ගෝවිංද දේවකීවරනංදන ।
රුක්මිණීනාථ සර්වේශ නාරදාදිසුරාර්චිත ॥ 81 ॥
දේවකීසුත ගෝවිංද වාසුදේව ජගත්පතේ ।
දේහි මේ තනයං ශ්රීශ ගෝපබාලකනායක ॥ 82 ॥
මුනිවංදිත ගෝවිංද රුක්මිණීවල්ලභ ප්රභෝ ।
දේහි මේ තනයං කෘෂ්ණ ත්වාමහං ශරණං ගතඃ ॥ 83 ॥
ගෝපිකාර්ජිතපංකේජමරංදාසක්තමානස ।
දේහි මේ තනයං කෘෂ්ණ ත්වාමහං ශරණං ගතඃ ॥ 84 ॥
රමාහෘදයපංකේජලෝල මාධව කාමද ।
මමාභීෂ්ටසුතං දේහි ත්වාමහං ශරණං ගතඃ ॥ 85 ॥
වාසුදේව රමානාථ දාසානාං මංගලප්රද ।
දේහි මේ තනයං කෘෂ්ණ ත්වාමහං ශරණං ගතඃ ॥ 86 ॥
කල්යාණප්රද ගෝවිංද මුරාරේ මුනිවංදිත ।
දේහි මේ තනයං කෘෂ්ණ ත්වාමහං ශරණං ගතඃ ॥ 87 ॥
පුත්රප්රද මුකුංදේශ රුක්මිණීවල්ලභ ප්රභෝ ।
දේහි මේ තනයං කෘෂ්ණ ත්වාමහං ශරණං ගතඃ ॥ 88 ॥
පුංඩරීකාක්ෂ ගෝවිංද වාසුදේව ජගත්පතේ ।
දේහි මේ තනයං කෘෂ්ණ ත්වාමහං ශරණං ගතඃ ॥ 89 ॥
දයානිධේ වාසුදේව මුකුංද මුනිවංදිත ।
දේහි මේ තනයං කෘෂ්ණ ත්වාමහං ශරණං ගතඃ ॥ 90 ॥
පුත්රසංපත්ප්රදාතාරං ගෝවිංදං දේවපූජිතම් ।
වංදාමහේ සදා කෘෂ්ණං පුත්රලාභප්රදායිනම් ॥ 91 ॥
කාරුණ්යනිධයේ ගෝපීවල්ලභාය මුරාරයේ ।
නමස්තේ පුත්රලාභාර්ථං දේහි මේ තනයං විභෝ ॥ 92 ॥
නමස්තස්මෛ රමේශාය රුක්මිණීවල්ලභාය තේ ।
දේහි මේ තනයං ශ්රීශ ගෝපබාලකනායක ॥ 93 ॥
නමස්තේ වාසුදේවාය නිත්යශ්රීකාමුකාය ච ।
පුත්රදාය ච සර්පේංද්රශායිනේ රංගශායිනේ ॥ 94 ॥
රංගශායින් රමානාථ මංගලප්රද මාධව ।
දේහි මේ තනයං ශ්රීශ ගෝපබාලකනායක ॥ 95 ॥
දාසස්ය මේ සුතං දේහි දීනමංදාර රාඝව ।
සුතං දේහි සුතං දේහි පුත්රං දේහි රමාපතේ ॥ 96 ॥
යශෝදාතනයාභීෂ්ටපුත්රදානරතඃ සදා ।
දේහි මේ තනයං කෘෂ්ණ ත්වාමහං ශරණං ගතඃ ॥ 97 ॥
මදිෂ්ටදේව ගෝවිංද වාසුදේව ජනාර්දන ।
දේහි මේ තනයං කෘෂ්ණ ත්වාමහං ශරණං ගතඃ ॥ 98 ॥
නීතිමාන් ධනවාන් පුත්රෝ විද්යාවාංශ්ච ප්රජාපතේ ।
භගවංස්ත්වත්කෘපායාශ්ච වාසුදේවේංද්රපූජිත ॥ 99 ॥
යඃ පඨේත් පුත්රශතකං සෝऽපි සත්පුත්රවාන් භවේත් ।
ශ්රීවාසුදේවකථිතං ස්තෝත්රරත්නං සුඛාය ච ॥ 100 ॥
ජපකාලේ පඨේන්නිත්යං පුත්රලාභං ධනං ශ්රියම් ।
ඓශ්වර්යං රාජසම්මානං සද්යෝ යාති න සංශයඃ ॥ 101 ॥