ෂඩානනං චංදනලේපිතාංගං මහෝරසං දිව්යමයූරවාහනම් ।
රුද්රස්යසූනුං සුරලෝකනාථං බ්රහ්මණ්යදේවං ශරණං ප්රපද්යේ ॥ 1 ॥
ජාජ්වල්යමානං සුරවෘංදවංද්යං කුමාර ධාරාතට මංදිරස්ථම් ।
කංදර්පරූපං කමනීයගාත්රං බ්රහ්මණ්යදේවං ශරණං ප්රපද්යේ ॥ 2 ॥
ද්විෂඩ්භුජං ද්වාදශදිව්යනේත්රං ත්රයීතනුං ශූලමසී දධානම් ।
ශේෂාවතාරං කමනීයරූපං බ්රහ්මණ්යදේවං ශරණං ප්රපද්යේ ॥ 3 ॥
සුරාරිඝෝරාහවශෝභමානං සුරෝත්තමං ශක්තිධරං කුමාරම් ।
සුධාර ශක්ත්යායුධ ශෝභිහස්තං බ්රහ්මණ්යදේවං ශරණං ප්රපද්යේ ॥ 4 ॥
ඉෂ්ටාර්ථසිද්ධිප්රදමීශපුත්රං ඉෂ්ටාන්නදං භූසුරකාමධේනුම් ।
ගංගෝද්භවං සර්වජනානුකූලං බ්රහ්මණ්යදේවං ශරණං ප්රපද්යේ ॥ 5 ॥
යඃ ශ්ලෝකපංචමිදං පඨතීහ භක්ත්යා
බ්රහ්මණ්යදේව විනිවේශිත මානසඃ සන් ।
ප්රාප්නෝති භෝගමඛිලං භුවි යද්යදිෂ්ටම්
අංතේ ස ගච්ඡති මුදා ගුහසාම්යමේව ॥