නමෝऽස්තු සූර්යාය සහස්රරශ්මයේ
සහස්රශාඛාන්විත සංභවාත්මනේ ।
සහස්රයෝගෝද්භව භාවභාගිනේ
සහස්රසංඛ්යායුධධාරිණේ නමඃ ॥ 1 ॥
යන්මංඩලං දීප්තිකරං විශාලං
රත්නප්රභං තීව්රමනාදිරූපම් ।
දාරිද්ර්යදුඃඛක්ෂයකාරණං ච
පුනාතු මාං තත්සවිතුර්වරේණ්යම් ॥ 2 ॥
යන්මංඩලං දේවගණෛඃ සුපූජිතං
විප්රෛඃ ස්තුතං භාවනමුක්තිකෝවිදම් ।
තං දේවදේවං ප්රණමාමි සූර්යං
පුනාතු මාං තත්සවිතුර්වරේණ්යම් ॥ 3 ॥
යන්මංඩලං ජ්ඤානඝනංත්වගම්යං
ත්රෛලෝක්යපූජ්යං ත්රිගුණාත්මරූපම් ।
සමස්තතේජෝමයදිව්යරූපං
පුනාතු මාං තත්සවිතුර්වරේණ්යම් ॥ 4 ॥
යන්මංඩලං ගූඪමතිප්රබෝධං
ධර්මස්ය වෘද්ධිං කුරුතේ ජනානාම් ।
යත්සර්වපාපක්ෂයකාරණං ච
පුනාතු මාං තත්සවිතුර්වරේණ්යම් ॥ 5 ॥
යන්මංඩලං ව්යාධිවිනාශදක්ෂං
යදෘග්යජුඃ සාමසු සංප්රගීතම් ।
ප්රකාශිතං යේන ච භූර්භුවඃ ස්වඃ
පුනාතු මාං තත්සවිතුර්වරේණ්යම් ॥ 6 ॥
යන්මංඩලං වේදවිදෝ වදංති
ගායංති යච්චාරණසිද්ධසංඝාඃ ।
යද්යෝගිනෝ යෝගජුෂාං ච සංඝාඃ
පුනාතු මාං තත්සවිතුර්වරේණ්යම් ॥ 7 ॥
යන්මංඩලං සර්වජනෛශ්ච පූජිතං
ජ්යෝතිශ්ච කුර්යාදිහ මර්ත්යලෝකේ ।
යත්කාලකාලාද්යමනාදිරූපං
පුනාතු මාං තත්සවිතුර්වරේණ්යම් ॥ 8 ॥
යන්මංඩලං විෂ්ණුචතුර්මුඛාඛ්යං
යදක්ෂරං පාපහරං ජනානාම් ।
යත්කාලකල්පක්ෂයකාරණං ච
පුනාතු මාං තත්සවිතුර්වරේණ්යම් ॥ 9 ॥
යන්මංඩලං විශ්වසෘජං ප්රසිද්ධං
උත්පත්තිරක්ෂප්රළය ප්රගල්භම් ।
යස්මින් ජගත්සංහරතේऽඛිලං ච
පුනාතු මාං තත්සවිතුර්වරේණ්යම් ॥ 10 ॥
යන්මංඩලං සර්වගතස්ය විෂ්ණෝඃ
ආත්මා පරං‍ධාම විශුද්ධතත්ත්වම් ।
සූක්ෂ්මාංතරෛර්යෝගපථානුගම්යං
පුනාතු මාං තත්සවිතුර්වරේණ්යම් ॥ 11 ॥
යන්මංඩලං වේදවිදෝපගීතං
යද්යෝගිනාං යෝග පථානුගම්යම් ।
තත්සර්ව වේද්යං ප්රණමාමි සූර්යං
පුනාතු මාං තත්සවිතුර්වරේණ්යම් ॥ 12 ॥
සූර්යමංඩලසු ස්තෝත්රං යඃ පඨේත්සතතං නරඃ ।
සර්වපාපවිශුද්ධාත්මා සූර්යලෝකේ මහීයතේ ॥
ඉති ශ්රී භවිෂ්යෝත්තරපුරාණේ ශ්රී කෘෂ්ණාර්ජුන සංවාදේ සූර්යමංඩල ස්තෝත්රම් ।