அபராத⁴ஸஹஸ்ராணி க்ரியன்தேஹர்னிஶம் மயா ।
தா³ஸோயமிதி மாம் மத்வா க்ஷமஸ்வ பரமேஶ்வரி ॥ 1 ॥
ஆவாஹனம் ந ஜானாமி ந ஜானாமி விஸர்ஜனம் ।
பூஜாம் சைவ ந ஜானாமி க்ஷம்யதாம் பரமேஶ்வரி ॥ 2 ॥
மன்த்ரஹீனம் க்ரியாஹீனம் ப⁴க்திஹீனம் ஸுரேஶ்வரி ।
யத்பூஜிதம் மயா தே³வி பரிபூர்ணம் தத³ஸ்து மே ॥ 3 ॥
அபராத⁴ஶதம் க்ருத்வா ஜக³த³ம்பே³தி சோச்சரேத் ।
யாம் க³திம் ஸமவாப்னோதி ந தாம் ப்³ரஹ்மாத³ய: ஸுரா: ॥ 4 ॥
ஸாபராதோ⁴ஸ்மி ஶரணம் ப்ராப்தஸ்த்வாம் ஜக³த³ம்பி³கே ।
இதா³னீமனுகம்ப்யோஹம் யதே²ச்ச²ஸி ததா² குரு ॥ 5 ॥
அஜ்ஞானாத்³விஸ்ம்ருதேர்ப்⁴ரான்த்யா யன்ன்யூனமதி⁴கம் க்ருதம் ।
விபரீதம் ச தத்ஸர்வம் க்ஷமஸ்வ பரமேஶ்வரி ॥ 6 ॥
காமேஶ்வரி ஜக³ன்மாத: ஸச்சிதா³னந்த³விக்³ரஹே ।
க்³ருஹாணார்சாமிமாம் ப்ரீத்யா ப்ரஸீத³ பரமேஶ்வரி ॥ 7 ॥
யத³க்ஷரபத³ப்⁴ரஷ்டம் மாத்ராஹீனம் ச யத்³ப⁴வேத் ।
தத்ஸர்வம் க்ஷம்யதாம் தே³வி ப்ரஸீத³ பரமேஶ்வரி ॥ 8 ॥
கு³ஹ்யாதிகு³ஹ்யகோ³ப்த்ரீ த்வம் க்³ருஹாணாஸ்மத்க்ருதம் ஜபம் ।
ஸித்³தி⁴ர்ப⁴வது மே தே³வி த்வத்ப்ரஸாதா³ன்மஹேஶ்வரி ॥ 9 ॥
ஸர்வரூபமயீ தே³வீ ஸர்வம் தே³வீமயம் ஜக³த் ।
அதோஹம் விஶ்வரூபாம் த்வாம் நமாமி பரமேஶ்வரீம் ॥ 1௦ ॥
இதி அபராத⁴க்ஷமாபணஸ்தோத்ரம் ஸமாப்தம் ॥