ப⁴க³வதி தவ தீரே நீரமாத்ராஶனோஹம்
விக³தவிஷயத்ருஷ்ண: க்ருஷ்ணமாராத⁴யாமி ।
ஸகல கலுஷப⁴ங்கே³ ஸ்வர்க³ஸோபானஸங்கே³
தரலதரதரங்கே³ தே³வி க³ங்கே³ ப்ரஸீத³ ॥ 1 ॥
ப⁴க³வதி ப⁴வலீலா மௌளிமாலே தவாம்ப:⁴
கணமணுபரிமாணம் ப்ராணினோ யே ஸ்ப்ருஶன்தி ।
அமரனக³ரனாரீ சாமர க்³ராஹிணீனாம்
விக³த கலிகலங்காதங்கமங்கே லுட²ன்தி ॥ 2 ॥
ப்³ரஹ்மாண்ட³ம் க²ண்ட³யன்தீ ஹரஶிரஸி ஜடாவல்லிமுல்லாஸயன்தீ
ஸ்வர்லோகாதா³பதன்தீ கனககி³ரிகு³ஹாக³ண்ட³ஶைலாத் ஸ்க²லன்தீ ।
க்ஷோணீப்ருஷ்டே² லுட²ன்தீ து³ரிதசயசமூர்னிர்ப⁴ரம் ப⁴ர்த்ஸயன்தீ
பாதோ²தி⁴ம் பூரயன்தீ ஸுரனக³ரஸரித்பாவனீ ந: புனாது ॥ 3 ॥
மஜ்ஜன்மாதங்க³ கும்ப⁴ச்யுத மத³மதி³ராமோத³மத்தாலிஜாலம்
ஸ்னானை: ஸித்³தா⁴ங்க³னானாம் குசயுக³ விலஸத்குங்குமாஸங்க³பிங்க³ம் ।
ஸாயம் ப்ராதர்முனீனாம் குஶகுஸுமசயைஶ்சி²ன்னதீரஸ்த²னீரம்
பாயான்னோ கா³ங்க³மம்ப:⁴ கரிகலப⁴ கராக்ரான்த ரங்க³ஸ்தரங்க³ம் ॥ 4 ॥
ஆதா³வாதி³ பிதாமஹஸ்ய நியம வ்யாபார பாத்ரே ஜலம்
பஶ்சாத்பன்னக³ஶாயினோ ப⁴க³வத: பாதோ³த³கம் பாவனம் ।
பூ⁴ய: ஶம்பு⁴ஜடாவிபூ⁴ஷண மணிர்ஜஹ்னோர்மஹர்ஷேரியம்
கன்யா கல்மஷனாஶினீ ப⁴க³வதீ பா⁴கீ³ரதீ² த்³ருஶ்யதே ॥ 5 ॥
ஶைலேன்த்³ராத³வதாரிணீ நிஜஜலே மஜ்ஜஜ்ஜனோத்தாரிணீ
பாராவாரவிஹாரிணீ ப⁴வப⁴யஶ்ரேணீ ஸமுத்ஸாரிணீ ।
ஶேஷாங்கை³ரனுகாரிணீ ஹரஶிரோவல்லீதள³ாகாரிணீ
காஶீப்ரான்தவிஹாரிணீ விஜயதே க³ங்கா³ மனோஹாரிணீ ॥ 6 ॥
குதோ வீசிர்வீசிஸ்தவ யதி³ க³தா லோசனபத²ம்
த்வமாபீதா பீதாம்ப³ரபுரவாஸம் விதரஸி ।
த்வது³த்ஸங்கே³ க³ங்கே³ பததி யதி³ காயஸ்தனுப்⁴ருதாம்
ததா³ மாத: ஶான்தக்ரதவபத³லாபோ⁴ப்யதிலகு⁴: ॥ 7 ॥
க³ங்கே³ த்ரைலோக்யஸாரே ஸகலஸுரவதூ⁴தௌ⁴தவிஸ்தீர்ணதோயே
பூர்ணப்³ரஹ்மஸ்வரூபே ஹரிசரணரஜோஹாரிணி ஸ்வர்க³மார்கே³ ।
ப்ராயஶ்சிதம் யதி³ ஸ்யாத்தவ ஜலகணிகா ப்³ரஹ்மஹத்யாதி³ பாபே
கஸ்த்வாம் ஸ்தோதும் ஸமர்த:² த்ரிஜக³த³க⁴ஹரே தே³வி க³ங்கே³ ப்ரஸீத³ ॥ 8 ॥
மாதர்ஜாஹ்னவீ ஶம்பு⁴ஸங்க³மிலிதே மௌளௌ நிதா⁴யாஞ்ஜலிம்
த்வத்தீரே வபுஷோவஸானஸமயே நாராயணாங்க்⁴ரித்³வயம் ।
ஸானந்த³ம் ஸ்மரதோ ப⁴விஷ்யதி மம ப்ராணப்ரயாணோத்ஸவே
பூ⁴யாத்³ப⁴க்திரவிச்யுதா ஹரிஹராத்³வைதாத்மிகா ஶாஶ்வதீ ॥ 9 ॥
க³ங்கா³ஷ்டகமித³ம் புண்யம் ய: படே²த்ப்ரயதோ நர: ।
ஸர்வபாபவினிர்முக்தோ விஷ்ணுலோகம் ஸ க³ச்ச²தி ॥ 1௦ ॥