வன்தே³ வன்தா³ரு மன்தா³ரமின்தி³ரானந்த³கன்த³லம் ।
அமன்தா³னந்த³ஸன்தோ³ஹ ப³ன்து⁴ரம் ஸின்து⁴ரானநம் ॥
அங்க³ம் ஹரே: புலகபூ⁴ஷணமாஶ்ரயன்தீ
ப்⁴ருங்கா³ங்க³னேவ முகுளாப⁴ரணம் தமாலம் ।
அங்கீ³க்ருதாகி²லவிபூ⁴திரபாங்க³லீலா
மாங்கள³்யதா³ஸ்து மம மங்கள³தே³வதாயா: ॥ 1 ॥
முக்³தா⁴ முஹுர்வித³த⁴தீ வத³னே முராரே:
ப்ரேமத்ரபாப்ரணிஹிதானி க³தாக³தானி ।
மாலா த்³ருஶோர்மது⁴கரீவ மஹோத்பலே யா
ஸா மே ஶ்ரியம் தி³ஶது ஸாக³ரஸம்ப⁴வாயா: ॥ 2 ॥
ஆமீலிதாக்ஷமதி⁴க³ம்ய முதா³ முகுன்த³ம்-
ஆனந்த³கன்த³மனிமேஷமனங்க³தன்த்ரம் ।
ஆகேகரஸ்தி²தகனீனிகபக்ஷ்மனேத்ரம்
பூ⁴த்யை ப⁴வேன்மம பு⁴ஜங்க³ஶயாங்க³னாயா: ॥ 3 ॥
பா³ஹ்வன்தரே மது⁴ஜித: ஶ்ரிதகௌஸ்துபே⁴ யா
ஹாராவளீவ ஹரினீலமயீ விபா⁴தி ।
காமப்ரதா³ ப⁴க³வதோபி கடாக்ஷமாலா
கள்யாணமாவஹது மே கமலாலயாயா: ॥ 4 ॥
காலாம்பு³தா³ளிலலிதோரஸி கைடபா⁴ரே:
தா⁴ராத⁴ரே ஸ்பு²ரதி யா தடித³ங்க³னேவ ।
மாதுஸ்ஸமஸ்தஜக³தாம் மஹனீயமூர்தி:
ப⁴த்³ராணி மே தி³ஶது பா⁴ர்க³வனந்த³னாயா: ॥ 5 ॥
ப்ராப்தம் பத³ம் ப்ரத²மத: க²லு யத்ப்ரபா⁴வாத்
மாங்கள³்யபா⁴ஜி மது⁴மாதி²னி மன்மதே²ன ।
மய்யாபதேத்ததி³ஹ மன்த²ரமீக்ஷணார்த⁴ம்
மன்தா³லஸம் ச மகராலயகன்யகாயா: ॥ 6 ॥
விஶ்வாமரேன்த்³ரபத³விப்⁴ரமதா³னத³க்ஷம்
ஆனந்த³ஹேதுரதி⁴கம் முரவித்³விஷோபி ।
ஈஷன்னிஷீத³து மயி க்ஷணமீக்ஷணார்த²ம்
இன்தீ³வரோத³ரஸஹோத³ரமின்தி³ராயா: ॥ 7 ॥
இஷ்டா விஶிஷ்டமதயோபி யயா த³யார்த்³ர
த்³ருஷ்ட்யா த்ரிவிஷ்டபபத³ம் ஸுலப⁴ம் லப⁴ன்தே ।
த்³ருஷ்டி: ப்ரஹ்ருஷ்ட கமலோத³ரதீ³ப்திரிஷ்டாம்
புஷ்டிம் க்ருஷீஷ்ட மம புஷ்கரவிஷ்டராயா: ॥ 8 ॥
த³த்³யாத்³த³யானுபவனோ த்³ரவிணாம்பு³தா⁴ரா-
மஸ்மின்ன கிஞ்சன விஹங்க³ஶிஶௌ விஷண்ணே ।
து³ஷ்கர்மக⁴ர்மமபனீய சிராய தூ³ரம்
நாராயணப்ரணயினீனயனாம்பு³வாஹ: ॥ 9 ॥
கீ³ர்தே³வதேதி க³ருட³த்⁴வஜஸுன்த³ரீதி
ஶாகம்ப⁴ரீதி ஶஶிஶேக²ரவல்லபே⁴தி ।
ஸ்ருஷ்டிஸ்தி²திப்ரளயகேலிஷு ஸம்ஸ்தி²தாயை
தஸ்யை நமஸ்த்ரிபு⁴வனைககு³ரோஸ்தருண்யை ॥ 1௦ ॥
ஶ்ருத்யை நமோஸ்து ஶுப⁴கர்மப²லப்ரஸூத்யை
ரத்யை நமோஸ்து ரமணீயகு³ணார்ணவாயை ।
ஶக்த்யை நமோஸ்து ஶதபத்ரனிகேதனாயை
புஷ்ட்யை நமோஸ்து புருஷோத்தமவல்லபா⁴யை ॥ 11 ॥
நமோஸ்து நாளீகனிபா⁴னநாயை
நமோஸ்து து³க்³தோ⁴த³தி⁴ஜன்மபூ⁴ம்யை ।
நமோஸ்து ஸோமாம்ருதஸோத³ராயை
நமோஸ்து நாராயணவல்லபா⁴யை ॥ 12 ॥
நமோஸ்து ஹேமாம்பு³ஜபீடி²காயை
நமோஸ்து பூ⁴மண்ட³லனாயிகாயை ।
நமோஸ்து தே³வாதி³த³யாபராயை
நமோஸ்து ஶார்ங்கா³யுத⁴வல்லபா⁴யை ॥ 13 ॥
நமோஸ்து தே³வ்யை ப்⁴ருகு³னந்த³னாயை
நமோஸ்து விஷ்ணோருரஸிஸ்தி²தாயை ।
நமோஸ்து லக்ஷ்ம்யை கமலாலயாயை
நமோஸ்து தா³மோத³ரவல்லபா⁴யை ॥ 14 ॥
நமோஸ்து கான்த்யை கமலேக்ஷணாயை
நமோஸ்து பூ⁴த்யை பு⁴வனப்ரஸூத்யை ।
நமோஸ்து தே³வாதி³பி⁴ரர்சிதாயை
நமோஸ்து நன்தா³த்மஜவல்லபா⁴யை ॥ 15 ॥
ஸம்பத்கராணி ஸகலேன்த்³ரியனந்த³னானி
ஸாம்ராஜ்யதா³னவிப⁴வானி ஸரோருஹாக்ஷி ।
த்வத்³வன்த³னானி து³ரிதோத்³த⁴ரணோத்³யதானி
மாமேவ மாதரனிஶம் கலயன்து நான்யே ॥ 16 ॥
யத்கடாக்ஷஸமுபாஸனாவிதி⁴:
ஸேவகஸ்ய ஸகலார்த²ஸம்பத:³ ।
ஸன்தனோதி வசனாங்க³மானஸை:
த்வாம் முராரிஹ்ருத³யேஶ்வரீம் பஜ⁴ே ॥ 17 ॥
ஸரஸிஜனிலயே ஸரோஜஹஸ்தே
த⁴வளதமாம்ஶுகக³ன்த⁴மால்யஶோபே⁴ ।
ப⁴க³வதி ஹரிவல்லபே⁴ மனோஜ்ஞே
த்ரிபு⁴வனபூ⁴திகரி ப்ரஸீத³ மஹ்யம் ॥ 18 ॥
தி³க்³க⁴ஸ்திபி⁴: கனககும்ப⁴முகா²வஸ்ருஷ்ட
ஸ்வர்வாஹினீ விமலசாருஜலப்லுதாங்கீ³ம் ।
ப்ராதர்னமாமி ஜக³தாம் ஜனநீமஶேஷ
லோகாதி⁴னாத²க்³ருஹிணீமம்ருதாப்³தி⁴புத்ரீம் ॥ 19 ॥
கமலே கமலாக்ஷவல்லபே⁴ த்வம்
கருணாபூரதரங்கி³தைரபாங்கை³: ।
அவலோகய மாமகிஞ்சனானாம்
ப்ரத²மம் பாத்ரமக்ருத்ரிமம் த³யாயா: ॥ 2௦ ॥
ஸ்துவன்தி யே ஸ்துதிபி⁴ரமூபி⁴ரன்வஹம்
த்ரயீமயீம் த்ரிபு⁴வனமாதரம் ரமாம் ।
கு³ணாதி⁴கா கு³ருதரபா⁴க்³யபா⁴கி³னோ
ப⁴வன்தி தே பு⁴வி பு³த⁴பா⁴விதாஶயா: ॥ 21 ॥
ஸுவர்ணதா⁴ராஸ்தோத்ரம் யச்ச²ங்கராசார்ய நிர்மிதம் ।
த்ரிஸன்த்⁴யம் ய: படே²ன்னித்யம் ஸ குபே³ரஸமோ ப⁴வேத் ॥
இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³வின்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத: க்ருதௌ கனகதா⁴ராஸ்தோத்ரம் ஸம்பூர்ணம் ।