॥ த்ருதீய: ஸர்க:³ ॥
॥ முக்³த⁴மது⁴ஸூத³ன: ॥
கம்ஸாரிரபி ஸம்ஸாரவாஸனாப³ன்த⁴ஶ்ருங்க²லாம் ।
ராதா⁴மாதா⁴ய ஹ்ருத³யே தத்யாஜ வ்ரஜஸுன்த³ரீ: ॥ 18 ॥
இதஸ்ததஸ்தாமனுஸ்ருத்ய ராதி⁴கா-மனங்க³பா³ணவ்ரணகி²ன்னமானஸ: ।
க்ருதானுதாப: ஸ கலின்த³னந்தி³னீ-தடான்தகுஞ்ஜே விஷஸாத³ மாத⁴வ: ॥ 19 ॥
॥ கீ³தம் 7 ॥
மாமியம் சலிதா விலோக்ய வ்ருதம் வதூ⁴னிசயேன ।
ஸாபராத⁴தயா மயாபி ந வாரிதாதிப⁴யேன ॥
ஹரி ஹரி ஹதாத³ரதயா க³தா ஸா குபிதேவ ॥ 1 ॥
கிம் கரிஷ்யதி கிம் வதி³ஷ்யதி ஸா சிரம் விரஹேண ।
கிம் த⁴னேன ஜனேன கிம் மம ஜீவனேன க்³ருஹேண ॥ 2 ॥
சின்தயாமி ததா³னநம் குடிலப்⁴ரு கோபப⁴ரேண ।
ஶோணபத்³மமிவோபரி ப்⁴ரமதாகுலம் ப்⁴ரமரேண ॥ 3 ॥
தாமஹம் ஹ்ருதி³ ஸங்க³தாமனிஶம் ப்⁴ருஶம் ரமயாமி ।
கிம் வனேனுஸராமி தாமிஹ கிம் வ்ருதா² விலபாமி ॥ 4 ॥
தன்வி கி²ன்னமஸூயயா ஹ்ருத³யம் தவாகலயாமி ।
தன்ன வேத்³மி குதோ க³தாஸி ந தேன தேனுனயாமி ॥ 5 ॥
த்³ருஶ்யதே புரதோ க³தாக³தமேவ மே வித³தா⁴ஸி ।
கிம் புரேவ ஸஸம்ப்⁴ரமம் பரிரம்ப⁴ணம் ந த³தா³ஸி ॥ 6 ॥
க்ஷம்யதாமபரம் கதா³பி தவேத்³ருஶம் ந கரோமி ।
தே³ஹி ஸுன்த³ரி த³ர்ஶனம் மம மன்மதே²ன து³னோமி ॥ 7 ॥
வர்ணிதம் ஜயதே³வகேன ஹரேரித³ம் ப்ரவணேன ।
கின்து³பி³ல்வஸமுத்³ரஸம்ப⁴வரோஹிணீரமணேன ॥ 8 ॥
ஹ்ருதி³ பி³ஸலதாஹாரோ நாயம் பு⁴ஜங்க³மனாயக: குவலயத³லஶ்ரேணீ கண்டே² ந ஸா க³ரலத்³யுதி: ।
மலயஜரஜோ நேத³ம் ப⁴ஸ்ம ப்ரியாரஹிதே மயி ப்ரஹர ந ஹரப்⁴ரான்த்யானங்க³ க்ருதா⁴ கிமு தா⁴வஸி ॥ 2௦ ॥
பாணௌ மா குரு சூதஸாயகமமும் மா சாபமாரோபய க்ரீடா³னிர்ஜிதவிஶ்வ மூர்சி²தஜனாகா⁴தேன கிம் பௌருஷம் ।
தஸ்யா ஏவ ம்ருகீ³த்³ருஶோ மனஸிஜப்ரேங்க²த்கடாக்ஷாஶுக-³ஶ்ரேணீஜர்ஜரிதம் மனாக³பி மனோ நாத்³யாபி ஸன்து⁴க்ஷதே ॥ 21 ॥
ப்⁴ரூசாபே நிஹித: கடாக்ஷவிஶிகோ² நிர்மாது மர்மவ்யதா²ம் ஶ்யாமாத்மா குடில: கரோது கப³ரீபா⁴ரோபி மாரோத்³யமம் ।
மோஹம் தாவத³யம் ச தன்வி தனுதாம் பி³ம்பா³த³ரோ ராக³வான் ஸத்³வ்ருத்தஸ்தனமண்த³லஸ்தவ கத²ம் ப்ராணைர்மம க்ரீட³தி ॥ 22 ॥
தானி ஸ்பர்ஶஸுகா²னி தே ச தரலா: ஸ்னிக்³தா⁴ த்³ருஶோர்விப்⁴ரமா-ஸ்தத்³வக்த்ராம்பு³ஜஸௌரப⁴ம் ஸ ச ஸுதா⁴ஸ்யன்தீ³ கி³ராம் வக்ரிமா ।
ஸா பி³ம்பா³த⁴ரமாது⁴ரீதி விஷயாஸங்கே³பி சேன்மானஸம் தஸ்யாம் லக்³னஸமாதி⁴ ஹன்த விரஹவ்யாதி⁴: கத²ம் வர்த⁴தே ॥ 23 ॥
ப்⁴ரூபல்லவம் த⁴னுரபாங்க³தரங்கி³தானி பா³ணா: கு³ண: ஶ்ரவணபாலிரிதி ஸ்மரேண ।
தஸ்யாமனங்கஜ³யஜங்க³மதே³வதாயாம் அஸ்த்ராணி நிர்ஜிதஜக³ன்தி கிமர்பிதானி ॥ 24 ॥
[ஏஷ: ஶ்லோக: கேஷுசன ஸம்ஸ்கரணேஷு வித்³யதே]
திர்யக்கண்ட² விலோல மௌலி தரலோத்தம் ஸஸ்ய வம்ஶோச்சரத்³-
தீ³ப்திஸ்தா²ன க்ருதாவதா⁴ன லலனா லக்ஷைர்ன ஸம்லக்ஷிதா: ।
ஸம்முக்³தே⁴ மது⁴ஸூத³னஸ்ய மது⁴ரே ராதா⁴முகே²ன்தௌ³ ஸுதா⁴-
ஸாரே கன்த³லிதாஶ்சிரம் த³த⁴து வ: க்ஷேமம் கடாக்ஷோர்ம்மய ॥ (25) ॥
॥ இதி ஶ்ரீகீ³தகோ³வின்தே³ முக்³த⁴மது⁴ஸூத³னோ நாம த்ருதீய: ஸர்க:³ ॥