॥ நவம: ஸர்க:³ ॥
॥ மன்த³முகுன்த:³ ॥
தாமத² மன்மத²கி²ன்னாம் ரதிரஸபி⁴ன்னாம் விஷாத³ஸம்பன்னாம் ।
அனுசின்திதஹரிசரிதாம் கலஹான்தரிதமுவாச ஸகீ² ॥ 51 ॥
॥ கீ³தம் 18 ॥
ஹரிரபி⁴ஸரதி வஹதி மது⁴பவனே ।
கிமபரமதி⁴கஸுக²ம் ஸகி² பு⁴வனே ॥
மாத⁴வே மா குரு மானினி மானமயே ॥ 1 ॥
தாலப²லாத³பி கு³ருமதிஸரஸம் ।
கிம் விப²லீகுருஷே குசகலஶம் ॥ 2 ॥
கதி ந கதி²தமித³மனுபத³மசிரம் ।
மா பரிஹர ஹரிமதிஶயருசிரம் ॥ 3 ॥
கிமிதி விஷீத³ஸி ரோதி³ஷி விகலா ।
விஹஸதி யுவதிஸபா⁴ தவ ஸகலா ॥ 4 ॥
ஸஜலனலினீத³லஶீதலஶயனே ।
ஹரிமவலோக்ய ஸப²லய் நயனே ॥ 5 ॥
ஜனயஸி மனஸி கிமிதி கு³ருகே²த³ம் ।
ஶ்ருணு மம வசனமனீஹிதபே⁴த³ம் ॥ 6 ॥
ஹரிருபயாது வத³து ப³ஹுமது⁴ரம் ।
கிமிதி கரோஷி ஹ்ருத³யமதிவிது⁴ரம் ॥ 7 ॥
ஶ்ரீஜயதே³வப⁴ணிதமதிலலிதம் ।
ஸுக²யது ரஸிகஜனம் ஹரிசரிதம் ॥ 8 ॥
ஸ்னிக்³தே⁴ யத்பருஷாஸி யத்ப்ரணமதி ஸ்தப்³தா⁴ஸி யத்³ராகி³ணி த்³வேஷஸ்தா²ஸி யது³ன்முகே² விமுக²தாம் யாதாஸி தஸ்மின்ப்ரியே ।
யுக்தம் தத்³விபரீதகாரிணி தவ ஶ்ரீக²ண்ட³சர்சா விஷம் ஶீதாம்ஶுஸ்தபனோ ஹிமம் ஹுதவஹ: க்ரீடா³முதோ³ யாதனா: ॥ 52 ॥
॥ இதி கீ³தகோ³வின்தே³ கலஹான்தரிதாவர்ணனே மன்த³முகுன்தோ³ நாம நவம: ஸர்க:³ ॥