யதி³ மன்யஸே ஸுவேதே³தி த³ஹரமேவாபி
நூனம் த்வம் வேத்த² ப்³ரஹ்மணோ ரூபம் ।
யத³ஸ்ய த்வம் யத³ஸ்ய தே³வேஷ்வத² நு
மீமாம்ஸ்யமேவ தே மன்யே விதி³தம் ॥ 1॥
நாஹம் மன்யே ஸுவேதே³தி நோ ந வேதே³தி வேத³ ச ।
யோ நஸ்தத்³வேத³ தத்³வேத³ நோ ந வேதே³தி வேத³ ச ॥ 2॥
யஸ்யாமதம் தஸ்ய மதம் மதம் யஸ்ய ந வேத³ ஸ: ।
அவிஜ்ஞாதம் விஜானதாம் விஜ்ஞாதமவிஜானதாம் ॥ 3॥
ப்ரதிபோ³த⁴விதி³தம் மதமம்ருதத்வம் ஹி வின்த³தே ।
ஆத்மனா வின்த³தே வீர்யம் வித்³யயா வின்த³தேம்ருதம் ॥ 4॥
இஹ சேத³வேதீ³த³த² ஸத்யமஸ்தி
ந சேதி³ஹாவேதீ³ன்மஹதீ வினஷ்டி: ।
பூ⁴தேஷு பூ⁴தேஷு விசித்ய தீ⁴ரா:
ப்ரேத்யாஸ்மால்லோகாத³ம்ருதா ப⁴வன்தி ॥ 5॥
॥ இதி கேனோபனிஷதி³ த்³விதீய: க²ண்ட:³ ॥