ந த்⁴யாதம் பத³மீஶ்வரஸ்ய விதி⁴வத்ஸம்ஸாரவிச்சி²த்தயே
ஸ்வர்க³த்³வாரகபாடபாடனபடுர்த⁴ர்மோபி நோபார்ஜித: ।
நாரீபீனபயோத⁴ரோருயுக³லா ஸ்வப்னேபி நாலிங்கி³தம்
மாது: கேவலமேவ யௌவனவனச்சே²தே³ குடா²ரா வயம் ॥ ௦1 ॥
ஜல்பன்தி ஸார்த⁴மன்யேன பஶ்யன்த்யன்யம் ஸவிப்⁴ரமா: ।
ஹ்ருத³யே சின்தயன்த்யன்யம் ந ஸ்த்ரீணாமேகதோ ரதி: ॥ ௦2 ॥
யோ மோஹான்மன்யதே மூடோ⁴ ரக்தேயம் மயி காமினீ ।
ஸ தஸ்யா வஶகோ³ பூ⁴த்வா ந்ருத்யேத் க்ரீடா³ஶகுன்தவத் ॥ ௦3 ॥
கோர்தா²ன்ப்ராப்ய ந க³ர்விதோ விஷயிண: கஸ்யாபதோ³ஸ்தம் க³தா:
ஸ்த்ரீபி⁴: கஸ்ய ந க²ண்டி³தம் பு⁴வி மன: கோ நாம ராஜப்ரிய: ।
க: காலஸ்ய ந கோ³சரத்வமக³மத் கோர்தீ² க³தோ கௌ³ரவம்
கோ வா து³ர்ஜனது³ர்க³மேஷு பதித: க்ஷேமேண யாத: பதி² ॥ ௦4 ॥
ந நிர்மிதோ ந சைவ ந த்³ருஷ்டபூர்வோ
ந ஶ்ரூயதே ஹேமமய: குரங்க:³ ।
ததா²பி த்ருஷ்ணா ரகு⁴னந்த³னஸ்ய
வினாஶகாலே விபரீதபு³த்³தி⁴: ॥ ௦5 ॥
கு³ணைருத்தமதாம் யாதி நோச்சைராஸனஸம்ஸ்தி²தா: ।
ப்ராஸாத³ஶிக²ரஸ்தோ²பி காக: கிம் க³ருடா³யதே ॥ ௦6 ॥
கு³ணா: ஸர்வத்ர பூஜ்யன்தே ந மஹத்யோபி ஸம்பத:³ ।
பூர்ணேன்து³: கிம் ததா² வன்த்³யோ நிஷ்கலங்கோ யதா² க்ருஶ: ॥ ௦7 ॥
பரைருக்தகு³ணோ யஸ்து நிர்கு³ணோபி கு³ணீ ப⁴வேத் ।
இன்த்³ரோபி லகு⁴தாம் யாதி ஸ்வயம் ப்ரக்²யாபிதைர்கு³ணை: ॥ ௦8 ॥
விவேகினமனுப்ராப்தா கு³ணா யான்தி மனோஜ்ஞதாம் ।
ஸுதராம் ரத்னமாபா⁴தி சாமீகரனியோஜிதம் ॥ ௦9 ॥
கு³ணை: ஸர்வஜ்ஞதுல்யோபி ஸீத³த்யேகோ நிராஶ்ரய: ।
அனர்க்⁴யமபி மாணிக்யம் ஹேமாஶ்ரயமபேக்ஷதே ॥ 1௦ ॥
அதிக்லேஶேன யத்³த்³ரவ்யமதிலோபே⁴ன யத்ஸுக²ம் ।
ஶத்ரூணாம் ப்ரணிபாதேன தே ஹ்யர்தா² மா ப⁴வன்து மே ॥ 11 ॥
கிம் தயா க்ரியதே லக்ஷ்ம்யா யா வதூ⁴ரிவ கேவலா ।
யா து வேஶ்யேவ ஸாமான்யா பதி²கைரபி பு⁴ஜ்யதே ॥ 12 ॥
த⁴னேஷு ஜீவிதவ்யேஷு ஸ்த்ரீஷு சாஹாரகர்மஸு ।
அத்ருப்தா: ப்ராணின: ஸர்வே யாதா யாஸ்யன்தி யான்தி ச ॥ 13 ॥
க்ஷீயன்தே ஸர்வதா³னானி யஜ்ஞஹோமப³லிக்ரியா: ।
ந க்ஷீயதே பாத்ரதா³னமப⁴யம் ஸர்வதே³ஹினாம் ॥ 14 ॥
த்ருணம் லகு⁴ த்ருணாத்தூலம் தூலாத³பி ச யாசக: ।
வாயுனா கிம் ந நீதோஸௌ மாமயம் யாசயிஷ்யதி ॥ 15 ॥
வரம் ப்ராணபரித்யாகோ³ மானப⁴ங்கே³ன ஜீவனாத் ।
ப்ராணத்யாகே³ க்ஷணம் து³:க²ம் மானப⁴ங்கே³ தி³னே தி³னே ॥ 16 ॥
ப்ரியவாக்யப்ரதா³னேன ஸர்வே துஷ்யன்தி ஜன்தவ: ।
தஸ்மாத்ததே³வ வக்தவ்யம் வசனே கா த³ரித்³ரதா ॥ 17 ॥
ஸம்ஸாரகடுவ்ருக்ஷஸ்ய த்³வே ப²லேம்ருதோபமே ।
ஸுபா⁴ஷிதம் ச ஸுஸ்வாது³ ஸங்க³தி: ஸஜ்ஜனே ஜனே ॥ 18 ॥
ஜன்ம ஜன்ம யத³ப்⁴யஸ்தம் தா³னமத்⁴யயனம் தப: ।
தேனைவாப்⁴யாஸயோகே³ன தே³ஹீ சாப்⁴யஸ்யதே புன: ॥ 19 ॥
புஸ்தகஸ்தா² து யா வித்³யா பரஹஸ்தக³தம் த⁴னம் ।
கார்யகாலே ஸமுத்பன்னே ந ஸா வித்³யா ந தத்³த⁴னம் ॥ 2௦ ॥