வ்ரஜே ப்ரஸித்³த⁴ம் நவனீதசௌரம்
கோ³பாங்க³னானாம் ச து³கூலசௌரம் ।
அனேகஜன்மார்ஜிதபாபசௌரம்
சௌராக்³ரக³ண்யம் புருஷம் நமாமி ॥ 1॥
ஶ்ரீராதி⁴காயா ஹ்ருத³யஸ்ய சௌரம்
நவாம்பு³த³ஶ்யாமலகான்திசௌரம் ।
பதா³ஶ்ரிதானாம் ச ஸமஸ்தசௌரம்
சௌராக்³ரக³ண்யம் புருஷம் நமாமி ॥ 2॥
அகிஞ்சனீக்ருத்ய பதா³ஶ்ரிதம் ய:
கரோதி பி⁴க்ஷும் பதி² கே³ஹஹீனம் ।
கேனாப்யஹோ பீ⁴ஷணசௌர ஈத்³ருக்³-
த்³ருஷ்ட:ஶ்ருதோ வா ந ஜக³த்த்ரயேபி ॥ 3॥
யதீ³ய நாமாபி ஹரத்யஶேஷம்
கி³ரிப்ரஸாரான் அபி பாபராஶீன் ।
ஆஶ்சர்யரூபோ நனு சௌர ஈத்³ருக்³
த்³ருஷ்ட: ஶ்ருதோ வா ந மயா கதா³பி ॥ 4॥
த⁴னம் ச மானம் ச ததே²ன்த்³ரியாணி
ப்ராணாம்ஶ்ச ஹ்ருத்வா மம ஸர்வமேவ ।
பலாயஸே குத்ர த்⁴ருதோத்³ய சௌர
த்வம் ப⁴க்திதா³ம்னாஸி மயா நிருத்³த:⁴ ॥ 5॥
சி²னத்ஸி கோ⁴ரம் யமபாஶப³ன்த⁴ம்
பி⁴னத்ஸி பீ⁴மம் ப⁴வபாஶப³ன்த⁴ம் ।
சி²னத்ஸி ஸர்வஸ்ய ஸமஸ்தப³ன்த⁴ம்
நைவாத்மனோ ப⁴க்தக்ருதம் து ப³ன்த⁴ம் ॥ 6॥
மன்மானஸே தாமஸராஶிகோ⁴ரே
காராக்³ருஹே து³:க²மயே நிப³த்³த:⁴ ।
லப⁴ஸ்வ ஹே சௌர! ஹரே! சிராய
ஸ்வசௌர்யதோ³ஷோசிதமேவ த³ண்ட³ம் ॥ 7॥
காராக்³ருஹே வஸ ஸதா³ ஹ்ருத³யே மதீ³யே
மத்³ப⁴க்திபாஶத்³ருட⁴ப³ன்த⁴னநிஶ்சல: ஸன் ।
த்வாம் க்ருஷ்ண ஹே! ப்ரலயகோடிஶதான்தரேபி
ஸர்வஸ்வசௌர! ஹ்ருத³யான் ந ஹி மோசயாமி ॥ 8॥
இதி ஶ்ரீபி³ல்வமங்க³லடா²கூரவிரசிதம் சௌராஷ்டகம் ஸம்பூர்ணம் ।
சௌரக்³ரக³ண்ய புருஷாஷ்டகம் ।