த³ர்வாஸாஸ்ஸுரவனிதாப்ததி³வ்யமால்யம்
ஶக்ராய ஸ்வயமுபதா³ய தத்ர பூ⁴ய: ।
நாகே³ன்த்³ரப்ரதிம்ருதி³தே ஶஶாப ஶக்ரம்
கா க்ஷான்திஸ்த்வதி³தரதே³வதாம்ஶஜானாம் ॥1॥
ஶாபேன ப்ரதி²தஜரேத² நிர்ஜரேன்த்³ரே
தே³வேஷ்வப்யஸுரஜிதேஷு நிஷ்ப்ரபே⁴ஷு ।
ஶர்வாத்³யா: கமலஜமேத்ய ஸர்வதே³வா
நிர்வாணப்ரப⁴வ ஸமம் ப⁴வன்தமாபு: ॥2॥
ப்³ரஹ்மாத்³யை: ஸ்துதமஹிமா சிரம் ததா³னீம்
ப்ராது³ஷ்ஷன் வரத³ புர: பரேண தா⁴ம்னா ।
ஹே தே³வா தி³திஜகுலைர்விதா⁴ய ஸன்தி⁴ம்
பீயூஷம் பரிமத²தேதி பர்யஶாஸ்த்வம் ॥3॥
ஸன்தா⁴னம் க்ருதவதி தா³னவை: ஸுரௌகே⁴
மன்தா²னம் நயதி மதே³ன மன்த³ராத்³ரிம் ।
ப்⁴ரஷ்டேஸ்மின் ப³த³ரமிவோத்³வஹன் க²கே³ன்த்³ரே
ஸத்³யஸ்த்வம் வினிஹிதவான் பய:பயோதௌ⁴ ॥4॥
ஆதா⁴ய த்³ருதமத² வாஸுகிம் வரத்ராம்
பாதோ²தௌ⁴ வினிஹிதஸர்வபீ³ஜஜாலே ।
ப்ராரப்³தே⁴ மத²னவிதௌ⁴ ஸுராஸுரைஸ்தை-
ர்வ்யாஜாத்த்வம் பு⁴ஜக³முகே²கரோஸ்ஸுராரீன் ॥5॥
க்ஷுப்³தா⁴த்³ரௌ க்ஷுபி⁴தஜலோத³ரே ததா³னீம்
து³க்³தா⁴ப்³தௌ⁴ கு³ருதரபா⁴ரதோ நிமக்³னே ।
தே³வேஷு வ்யதி²ததமேஷு தத்ப்ரியைஷீ
ப்ராணைஷீ: கமட²தனும் கடோ²ரப்ருஷ்டா²ம் ॥6॥
வஜ்ராதிஸ்தி²ரதரகர்பரேண விஷ்ணோ
விஸ்தாராத்பரிக³தலக்ஷயோஜனேன ।
அம்போ⁴தே⁴: குஹரக³தேன வர்ஷ்மணா த்வம்
நிர்மக்³னம் க்ஷிதித⁴ரனாத²முன்னினேத² ॥7॥
உன்மக்³னே ஜ²டிதி ததா³ த⁴ராத⁴ரேன்த்³ரே
நிர்மேது²ர்த்³ருட⁴மிஹ ஸம்மதே³ன ஸர்வே ।
ஆவிஶ்ய த்³விதயக³ணேபி ஸர்பராஜே
வைவஶ்யம் பரிஶமயன்னவீவ்ருத⁴ஸ்தான் ॥8॥
உத்³தா³மப்⁴ரமணஜவோன்னமத்³கி³ரீன்த்³ர-
ந்யஸ்தைகஸ்தி²ரதரஹஸ்தபங்கஜம் த்வாம் ।
அப்⁴ரான்தே விதி⁴கி³ரிஶாத³ய: ப்ரமோதா³-
து³த்³ப்⁴ரான்தா நுனுவுருபாத்தபுஷ்பவர்ஷா: ॥9॥
தை³த்யௌகே⁴ பு⁴ஜக³முகா²னிலேன தப்தே
தேனைவ த்ரித³ஶகுலேபி கிஞ்சிதா³ர்தே ।
காருண்யாத்தவ கில தே³வ வாரிவாஹா:
ப்ராவர்ஷன்னமரக³ணான்ன தை³த்யஸங்கா⁴ன் ॥1௦॥
உத்³ப்⁴ராம்யத்³ப³ஹுதிமினக்ரசக்ரவாலே
தத்ராப்³தௌ⁴ சிரமதி²தேபி நிர்விகாரே ।
ஏகஸ்த்வம் கரயுக³க்ருஷ்டஸர்பராஜ:
ஸம்ராஜன் பவனபுரேஶ பாஹி ரோகா³த் ॥11॥