அத்ரே: புத்ரதயா புரா த்வமனஸூயாயாம் ஹி த³த்தாபி⁴தோ⁴
ஜாத: ஶிஷ்யனிப³ன்த⁴தன்த்³ரிதமனா: ஸ்வஸ்த²ஶ்சரன் கான்தயா ।
த்³ருஷ்டோ ப⁴க்ததமேன ஹேஹயமஹீபாலேன தஸ்மை வரா-
நஷ்டைஶ்வர்யமுகா²ன் ப்ரதா³ய த³தி³த² ஸ்வேனைவ சான்தே வத⁴ம் ॥1॥
ஸத்யம் கர்துமதா²ர்ஜுனஸ்ய ச வரம் தச்ச²க்திமாத்ரானதம்
ப்³ரஹ்மத்³வேஷி ததா³கி²லம் ந்ருபகுலம் ஹன்தும் ச பூ⁴மேர்ப⁴ரம் ।
ஸஞ்ஜாதோ ஜமத³க்³னிதோ ப்⁴ருகு³குலே த்வம் ரேணுகாயாம் ஹரே
ராமோ நாம ததா³த்மஜேஷ்வவரஜ: பித்ரோரதா⁴: ஸம்மத³ம் ॥2॥
லப்³தா⁴ம்னாயக³ணஶ்சதுர்த³ஶவயா க³ன்த⁴ர்வராஜே மனா-
கா³ஸக்தாம் கில மாதரம் ப்ரதி பிது: க்ரோதா⁴குலஸ்யாஜ்ஞயா ।
தாதாஜ்ஞாதிக³ஸோத³ரை: ஸமமிமாம் சி²த்வாத² ஶான்தாத் பிது-
ஸ்தேஷாம் ஜீவனயோக³மாபித² வரம் மாதா ச தேதா³த்³வரான் ॥3॥
பித்ரா மாத்ருமுதே³ ஸ்தவாஹ்ருதவியத்³தே⁴னோர்னிஜாதா³ஶ்ரமாத்
ப்ரஸ்தா²யாத² ப்⁴ருகோ³ர்கி³ரா ஹிமகி³ராவாராத்⁴ய கௌ³ரீபதிம் ।
லப்³த்⁴வா தத்பரஶும் தது³க்தத³னுஜச்சே²தீ³ மஹாஸ்த்ராதி³கம்
ப்ராப்தோ மித்ரமதா²க்ருதவ்ரணமுனிம் ப்ராப்யாக³ம: ஸ்வாஶ்ரமம் ॥4॥
ஆகே²டோபக³தோர்ஜுன: ஸுரக³வீஸம்ப்ராப்தஸம்பத்³க³ணை-
ஸ்த்வத்பித்ரா பரிபூஜித: புரக³தோ து³ர்மன்த்ரிவாசா புன: ।
கா³ம் க்ரேதும் ஸசிவம் ந்யயுங்க்த குதி⁴யா தேனாபி ருன்த⁴ன்முனி-
ப்ராணக்ஷேபஸரோஷகோ³ஹதசமூசக்ரேண வத்ஸோ ஹ்ருத: ॥5॥
ஶுக்ரோஜ்ஜீவிததாதவாக்யசலிதக்ரோதோ⁴த² ஸக்²யா ஸமம்
பி³ப்⁴ரத்³த்⁴யாதமஹோத³ரோபனிஹிதம் சாபம் குடா²ரம் ஶரான் ।
ஆரூட:⁴ ஸஹவாஹயன்த்ருகரத²ம் மாஹிஷ்மதீமாவிஶன்
வாக்³பி⁴ர்வத்ஸமதா³ஶுஷி க்ஷிதிபதௌ ஸம்ப்ராஸ்துதா²: ஸங்க³ரம் ॥6॥
புத்ராணாமயுதேன ஸப்தத³ஶபி⁴ஶ்சாக்ஷௌஹிணீபி⁴ர்மஹா-
ஸேனானீபி⁴ரனேகமித்ரனிவஹைர்வ்யாஜ்ரும்பி⁴தாயோத⁴ன: ।
ஸத்³யஸ்த்வத்ககுடா²ரபா³ணவித³லன்னிஶ்ஶேஷஸைன்யோத்கரோ
பீ⁴திப்ரத்³ருதனஷ்டஶிஷ்டதனயஸ்த்வாமாபதத் ஹேஹய: ॥7॥
லீலாவாரிதனர்மதா³ஜலவலல்லங்கேஶக³ர்வாபஹ-
ஶ்ரீமத்³பா³ஹுஸஹஸ்ரமுக்தப³ஹுஶஸ்த்ராஸ்த்ரம் நிருன்த⁴ன்னமும் ।
சக்ரே த்வய்யத² வைஷ்ணவேபி விப²லே பு³த்³த்⁴வா ஹரிம் த்வாம் முதா³
த்⁴யாயன்தம் சி²தஸர்வதோ³ஷமவதீ⁴: ஸோகா³த் பரம் தே பத³ம் ॥8॥
பூ⁴யோமர்ஷிதஹேஹயாத்மஜக³ணைஸ்தாதே ஹதே ரேணுகா-
மாக்⁴னானாம் ஹ்ருத³யம் நிரீக்ஷ்ய ப³ஹுஶோ கோ⁴ராம் ப்ரதிஜ்ஞாம் வஹன் ।
த்⁴யானானீதரதா²யுத⁴ஸ்த்வமக்ருதா² விப்ரத்³ருஹ: க்ஷத்ரியான்
தி³க்சக்ரேஷு குடா²ரயன் விஶிக²யன் நி:க்ஷத்ரியாம் மேதி³னீம் ॥9॥
தாதோஜ்ஜீவனக்ருன்ன்ருபாலககுலம் த்ரிஸ்ஸப்தக்ருத்வோ ஜயன்
ஸன்தர்ப்யாத² ஸமன்தபஞ்சகமஹாரக்தஹ்ருதௌ³கே⁴ பித்ருன்
யஜ்ஞே க்ஷ்மாமபி காஶ்யபாதி³ஷு தி³ஶன் ஸால்வேன யுத்⁴யன் புன:
க்ருஷ்ணோமும் நிஹனிஷ்யதீதி ஶமிதோ யுத்³தா⁴த் குமாரைர்ப⁴வான் ॥1௦॥
ந்யஸ்யாஸ்த்ராணி மஹேன்த்³ரபூ⁴ப்⁴ருதி தபஸ்தன்வன் புனர்மஜ்ஜிதாம்
கோ³கர்ணாவதி⁴ ஸாக³ரேண த⁴ரணீம் த்³ருஷ்ட்வார்தி²தஸ்தாபஸை: ।
த்⁴யாதேஷ்வாஸத்⁴ருதானலாஸ்த்ரசகிதம் ஸின்து⁴ம் ஸ்ருவக்ஷேபணா-
து³த்ஸார்யோத்³த்⁴ருதகேரலோ ப்⁴ருகு³பதே வாதேஶ ஸம்ரக்ஷ மாம் ॥11॥