ஆனந்த³ரூப ப⁴க³வன்னயி தேவதாரே
ப்ராப்தே ப்ரதீ³ப்தப⁴வத³ங்க³னிரீயமாணை: ।
கான்திவ்ரஜைரிவ க⁴னாக⁴னமண்ட³லைர்த்³யா-
மாவ்ருண்வதீ விருருசே கில வர்ஷவேலா ॥1॥
ஆஶாஸு ஶீதலதராஸு பயோத³தோயை-
ராஶாஸிதாப்திவிவஶேஷு ச ஸஜ்ஜனேஷு ।
நைஶாகரோத³யவிதௌ⁴ நிஶி மத்⁴யமாயாம்
க்லேஶாபஹஸ்த்ரிஜக³தாம் த்வமிஹாவிராஸீ: ॥2॥
பா³ல்யஸ்ப்ருஶாபி வபுஷா த³து⁴ஷா விபூ⁴தீ-
ருத்³யத்கிரீடகடகாங்க³த³ஹாரபா⁴ஸா ।
ஶங்கா²ரிவாரிஜக³தா³பரிபா⁴ஸிதேன
மேகா⁴ஸிதேன பரிலேஸித² ஸூதிகே³ஹே ॥3॥
வக்ஷ:ஸ்த²லீஸுக²னிலீனவிலாஸிலக்ஷ்மீ-
மன்தா³க்ஷலக்ஷிதகடாக்ஷவிமோக்ஷபே⁴தை³: ।
தன்மன்தி³ரஸ்ய க²லகம்ஸக்ருதாமலக்ஷ்மீ-
முன்மார்ஜயன்னிவ விரேஜித² வாஸுதே³வ ॥4॥
ஶௌரிஸ்து தீ⁴ரமுனிமண்ட³லசேதஸோபி
தூ³ரஸ்தி²தம் வபுருதீ³க்ஷ்ய நிஜேக்ஷணாப்⁴யாம் ॥
ஆனந்த³வாஷ்பபுலகோத்³க³மக³த்³க³தா³ர்த்³ர-
ஸ்துஷ்டாவ த்³ருஷ்டிமகரன்த³ரஸம் ப⁴வன்தம் ॥5॥
தே³வ ப்ரஸீத³ பரபூருஷ தாபவல்லீ-
நிர்லூனதா³த்ரஸமனேத்ரகலாவிலாஸின் ।
கே²தா³னபாகுரு க்ருபாகு³ருபி⁴: கடாக்ஷை-
ரித்யாதி³ தேன முதி³தேன சிரம் நுதோபூ⁴: ॥6॥
மாத்ரா ச நேத்ரஸலிலாஸ்த்ருதகா³த்ரவல்யா
ஸ்தோத்ரைரபி⁴ஷ்டுதகு³ண: கருணாலயஸ்த்வம் ।
ப்ராசீனஜன்மயுக³லம் ப்ரதிபோ³த்⁴ய தாப்⁴யாம்
மாதுர்கி³ரா த³தி⁴த² மானுஷபா³லவேஷம் ॥7॥
த்வத்ப்ரேரிதஸ்தத³னு நன்த³தனூஜயா தே
வ்யத்யாஸமாரசயிதும் ஸ ஹி ஶூரஸூனு: ।
த்வாம் ஹஸ்தயோரத்⁴ருத சித்தவிதா⁴ர்யமார்யை-
ரம்போ⁴ருஹஸ்த²கலஹம்ஸகிஶோரரம்யம் ॥8॥
ஜாதா ததா³ பஶுபஸத்³மனி யோக³னித்³ரா ।
நித்³ராவிமுத்³ரிதமதா²க்ருத பௌரலோகம் ।
த்வத்ப்ரேரணாத் கிமிவ சித்ரமசேதனைர்யத்³-
த்³வாரை: ஸ்வயம் வ்யக⁴டி ஸங்க⁴டிதை: ஸுகா³ட⁴ம் ॥9॥
ஶேஷேண பூ⁴ரிப²ணவாரிதவாரிணாத²
ஸ்வைரம் ப்ரத³ர்ஶிதபதோ² மணிதீ³பிதேன ।
த்வாம் தா⁴ரயன் ஸ க²லு த⁴ன்யதம: ப்ரதஸ்தே²
ஸோயம் த்வமீஶ மம நாஶய ரோக³வேகா³ன் ॥1௦॥