த்வாமேகதா³ கு³ருமருத்புரனாத² வோடு⁴ம்
கா³டா⁴தி⁴ரூட⁴க³ரிமாணமபாரயன்தீ ।
மாதா நிதா⁴ய ஶயனே கிமித³ம் ப³தேதி
த்⁴யாயன்த்யசேஷ்டத க்³ருஹேஷு நிவிஷ்டஶங்கா ॥1॥
தாவத்³விதூ³ரமுபகர்ணிதகோ⁴ரகோ⁴ஷ-
வ்யாஜ்ரும்பி⁴பாம்ஸுபடலீபரிபூரிதாஶ: ।
வாத்யாவபுஸ்ஸ கில தை³த்யவரஸ்த்ருணாவ-
ர்தாக்²யோ ஜஹார ஜனமானஸஹாரிணம் த்வாம் ॥2॥
உத்³தா³மபாம்ஸுதிமிராஹதத்³ருஷ்டிபாதே
த்³ரஷ்டும் கிமப்யகுஶலே பஶுபாலலோகே ।
ஹா பா³லகஸ்ய கிமிதி த்வது³பான்தமாப்தா
மாதா ப⁴வன்தமவிலோக்ய ப்⁴ருஶம் ருரோத³ ॥3॥
தாவத் ஸ தா³னவவரோபி ச தீ³னமூர்தி-
ர்பா⁴வத்கபா⁴ரபரிதா⁴ரணலூனவேக:³ ।
ஸங்கோசமாப தத³னு க்ஷதபாம்ஸுகோ⁴ஷே
கோ⁴ஷே வ்யதாயத ப⁴வஜ்ஜனநீனினாத:³ ॥4॥
ரோதோ³பகர்ணனவஶாது³பக³ம்ய கே³ஹம்
க்ரன்த³த்ஸு நன்த³முக²கோ³பகுலேஷு தீ³ன: ।
த்வாம் தா³னவஸ்த்வகி²லமுக்திகரம் முமுக்ஷு-
ஸ்த்வய்யப்ரமுஞ்சதி பபாத வியத்ப்ரதே³ஶாத் ॥5॥
ரோதா³குலாஸ்தத³னு கோ³பக³ணா ப³ஹிஷ்ட-²
பாஷாணப்ருஷ்ட²பு⁴வி தே³ஹமதிஸ்த²விஷ்ட²ம் ।
ப்ரைக்ஷன்த ஹன்த நிபதன்தமமுஷ்ய வக்ஷ-
ஸ்யக்ஷீணமேவ ச ப⁴வன்தமலம் ஹஸன்தம் ॥6॥
க்³ராவப்ரபாதபரிபிஷ்டக³ரிஷ்ட²தே³ஹ-
ப்⁴ரஷ்டாஸுது³ஷ்டத³னுஜோபரி த்⁴ருஷ்டஹாஸம் ।
ஆக்⁴னானமம்பு³ஜகரேண ப⁴வன்தமேத்ய
கோ³பா த³து⁴ர்கி³ரிவராதி³வ நீலரத்னம் ॥7॥
ஏகைகமாஶு பரிக்³ருஹ்ய நிகாமனந்த-³
ந்னந்தா³தி³கோ³பபரிரப்³த⁴விசும்பி³தாங்க³ம் ।
ஆதா³துகாமபரிஶங்கிதகோ³பனாரீ-
ஹஸ்தாம்பு³ஜப்ரபதிதம் ப்ரணுமோ ப⁴வன்தம் ॥8॥
பூ⁴யோபி கின்னு க்ருணும: ப்ரணதார்திஹாரீ
கோ³வின்த³ ஏவ பரிபாலயதாத் ஸுதம் ந: ।
இத்யாதி³ மாதரபித்ருப்ரமுகை²ஸ்ததா³னீம்
ஸம்ப்ரார்தி²தஸ்த்வத³வனாய விபோ⁴ த்வமேவ ॥9॥
வாதாத்மகம் த³னுஜமேவமயி ப்ரதூ⁴ன்வன்
வாதோத்³ப⁴வான் மம க³தா³ன் கிமு நோ து⁴னோஷி ।
கிம் வா கரோமி புனரப்யனிலாலயேஶ
நிஶ்ஶேஷரோக³ஶமனம் முஹுரர்த²யே த்வாம் ॥1௦॥