அயி ஸப³ல முராரே பாணிஜானுப்ரசாரை:
கிமபி ப⁴வனபா⁴கா³ன் பூ⁴ஷயன்தௌ ப⁴வன்தௌ ।
சலிதசரணகஞ்ஜௌ மஞ்ஜுமஞ்ஜீரஶிஞ்ஜா-
ஶ்ரவணகுதுகபா⁴ஜௌ சேரதுஶ்சாருவேகா³த் ॥1॥
ம்ருது³ ம்ருது³ விஹஸன்தாவுன்மிஷத்³த³ன்தவன்தௌ
வத³னபதிதகேஶௌ த்³ருஶ்யபாதா³ப்³ஜதே³ஶௌ ।
பு⁴ஜக³லிதகரான்தவ்யாலக³த்கங்கணாங்கௌ
மதிமஹரதமுச்சை: பஶ்யதாம் விஶ்வன்ருணாம் ॥2॥
அனுஸரதி ஜனௌகே⁴ கௌதுகவ்யாகுலாக்ஷே
கிமபி க்ருதனினாத³ம் வ்யாஹஸன்தௌ த்³ரவன்தௌ ।
வலிதவத³னபத்³மம் ப்ருஷ்ட²தோ த³த்தத்³ருஷ்டீ
கிமிவ ந வித³தா⁴தே² கௌதுகம் வாஸுதே³வ ॥3॥
த்³ருதக³திஷு பதன்தாவுத்தி²தௌ லிப்தபங்கௌ
தி³வி முனிபி⁴ரபங்கை: ஸஸ்மிதம் வன்த்³யமானௌ ।
த்³ருதமத² ஜனநீப்⁴யாம் ஸானுகம்பம் க்³ருஹீதௌ
முஹுரபி பரிரப்³தௌ⁴ த்³ராக்³யுவாம் சும்பி³தௌ ச ॥4॥
ஸ்னுதகுசப⁴ரமங்கே தா⁴ரயன்தீ ப⁴வன்தம்
தரலமதி யஶோதா³ ஸ்தன்யதா³ த⁴ன்யத⁴ன்யா ।
கபடபஶுப மத்⁴யே முக்³த⁴ஹாஸாங்குரம் தே
த³ஶனமுகுலஹ்ருத்³யம் வீக்ஷ்ய வக்த்ரம் ஜஹர்ஷ ॥5॥
தத³னுசரணசாரீ தா³ரகைஸ்ஸாகமாரா-
ந்னிலயததிஷு கே²லன் பா³லசாபல்யஶாலீ ।
ப⁴வனஶுகவிடா³லான் வத்ஸகாம்ஶ்சானுதா⁴வன்
கத²மபி க்ருதஹாஸைர்கோ³பகைர்வாரிதோபூ⁴: ॥6॥
ஹலத⁴ரஸஹிதஸ்த்வம் யத்ர யத்ரோபயாதோ
விவஶபதிதனேத்ராஸ்தத்ர தத்ரைவ கோ³ப்ய: ।
விக³லிதக்³ருஹக்ருத்யா விஸ்ம்ருதாபத்யப்⁴ருத்யா
முரஹர முஹுரத்யன்தாகுலா நித்யமாஸன் ॥7॥
ப்ரதினவனவனீதம் கோ³பிகாத³த்தமிச்ச²ன்
கலபத³முபகா³யன் கோமலம் க்வாபி ந்ருத்யன் ।
ஸத³யயுவதிலோகைரர்பிதம் ஸர்பிரஶ்னந்
க்வசன நவவிபக்வம் து³க்³த⁴மப்யாபிப³ஸ்த்வம் ॥8॥
மம க²லு ப³லிகே³ஹே யாசனம் ஜாதமாஸ்தா-
மிஹ புனரப³லானாமக்³ரதோ நைவ குர்வே ।
இதி விஹிதமதி: கிம் தே³வ ஸன்த்யஜ்ய யாச்ஞாம்
த³தி⁴க்⁴ருதமஹரஸ்த்வம் சாருணா சோரணேன ॥9॥
தவ த³தி⁴க்⁴ருதமோஷே கோ⁴ஷயோஷாஜனானா-
மபஜ⁴த ஹ்ருதி³ ரோஷோ நாவகாஶம் ந ஶோக: ।
ஹ்ருத³யமபி முஷித்வா ஹர்ஷஸின்தௌ⁴ ந்யதா⁴ஸ்த்வம்
ஸ மம ஶமய ரோகா³ன் வாதகே³ஹாதி⁴னாத² ॥1௦॥
ஶாகா²க்³ரே விது⁴ம் விலோக்ய ப²லமித்ய்ம்பா³ம் ச தாதம் முஹு:
ஸம்ப்ரார்த்²யாத² ததா³ ததீ³யவசஸா ப்ரோத்க்ஷிப்தபா³ஹௌ த்வயி।
சித்ரம் தே³வ ஶஶீ ஸ தே கர்மகா³த் கிம் ப்³ரூமஹே ஸம்பத:
ஜ்யோதிர்மண்ட³லபூரிதாகி²லவபு: ப்ராகா³ விராட்³ரூபதாம் ॥ 11॥
கிம் கிம் ப³தேத³மிதி ஸம்ப்⁴ரம பா⁴ஜமேனம்
ப்³ரஹ்மார்ணவே க்ஷணமமும் பரிமஜ்ஜ்ய தாதம் ।
மாயாம் புனஸ்தனய-மோஹமயீம் விதன்வன்
ஆனந்த³சின்மய ஜக³ன்மய பாஹி ரோகா³த் ॥12॥