ப⁴வத்ப்ரபா⁴வாவிது³ரா ஹி கோ³பாஸ்தருப்ரபாதாதி³கமத்ர கோ³ஷ்டே² ।
அஹேதுமுத்பாதக³ணம் விஶங்க்ய ப்ரயாதுமன்யத்ர மனோ விதேனு: ॥1॥
தத்ரோபனந்தா³பி⁴த⁴கோ³பவர்யோ ஜகௌ³ ப⁴வத்ப்ரேரணயைவ நூனம் ।
இத: ப்ரதீச்யாம் விபினம் மனோஜ்ஞம் வ்ருன்தா³வனம் நாம விராஜதீதி ॥2॥
ப்³ருஹத்³வனம் தத் க²லு நன்த³முக்²யா விதா⁴ய கௌ³ஷ்டீ²னமத² க்ஷணேன ।
த்வத³ன்விதத்வஜ்ஜனநீனிவிஷ்டக³ரிஷ்ட²யானானுக³தா விசேலு: ॥3॥
அனோமனோஜ்ஞத்⁴வனிதே⁴னுபாலீகு²ரப்ரணாதா³ன்தரதோ வதூ⁴பி⁴: ।
ப⁴வத்³வினோதா³லபிதாக்ஷராணி ப்ரபீய நாஜ்ஞாயத மார்க³தை³ர்க்⁴யம் ॥4॥
நிரீக்ஷ்ய வ்ருன்தா³வனமீஶ நன்த³த்ப்ரஸூனகுன்த³ப்ரமுக²த்³ருமௌக⁴ம் ।
அமோத³தா²: ஶாத்³வலஸான்த்³ரலக்ஷ்ம்யா ஹரின்மணீகுட்டிமபுஷ்டஶோப⁴ம் ॥5॥
நவாகனிர்வ்யூட⁴னிவாஸபே⁴தே³ஷ்வஶேஷகோ³பேஷு ஸுகா²ஸிதேஷு ।
வனஶ்ரியம் கோ³பகிஶோரபாலீவிமிஶ்ரித: பர்யக³லோகதா²ஸ்த்வம் ॥6॥
அராலமார்கா³க³தனிர்மலாபாம் மராலகூஜாக்ருதனர்மலாபாம் ।
நிரன்தரஸ்மேரஸரோஜவக்த்ராம் கலின்த³கன்யாம் ஸமலோகயஸ்த்வம் ॥7॥
மயூரகேகாஶதலோப⁴னீயம் மயூக²மாலாஶப³லம் மணீனாம் ।
விரிஞ்சலோகஸ்ப்ருஶமுச்சஶ்ருங்கை³ர்கி³ரிம் ச கோ³வர்த⁴னமைக்ஷதா²ஸ்த்வம் ॥8॥
ஸமம் ததோ கோ³பகுமாரகைஸ்த்வம் ஸமன்ததோ யத்ர வனான்தமாகா³: ।
ததஸ்ததஸ்தாம் குடிலாமபஶ்ய: கலின்தஜ³ாம் ராக³வதீமிவைகாம் ॥9॥
ததா²விதே⁴ஸ்மின் விபினே பஶவ்யே ஸமுத்ஸுகோ வத்ஸக³ணப்ரசாரே ।
சரன் ஸராமோத² குமாரகைஸ்த்வம் ஸமீரகே³ஹாதி⁴ப பாஹி ரோகா³த் ॥1௦॥