தரலமது⁴க்ருத் வ்ருன்தே³ வ்ருன்தா³வனேத² மனோஹரே
பஶுபஶிஶுபி⁴: ஸாகம் வத்ஸானுபாலனலோலுப: ।
ஹலத⁴ரஸகோ² தே³வ ஶ்ரீமன் விசேரித² தா⁴ரயன்
க³வலமுரலீவேத்ரம் நேத்ராபி⁴ராமதனுத்³யுதி: ॥1॥
விஹிதஜக³தீரக்ஷம் லக்ஷ்மீகராம்பு³ஜலாலிதம்
த³த³தி சரணத்³வன்த்³வம் வ்ருன்தா³வனே த்வயி பாவனே ।
கிமிவ ந ப³பௌ⁴ ஸம்பத்ஸம்பூரிதம் தருவல்லரீ-
ஸலிலத⁴ரணீகோ³த்ரக்ஷேத்ராதி³கம் கமலாபதே ॥2॥
விலஸது³லபே கான்தாரான்தே ஸமீரணஶீதலே
விபுலயமுனாதீரே கோ³வர்த⁴னாசலமூர்த⁴ஸு ।
லலிதமுரலீனாத:³ ஸஞ்சாரயன் க²லு வாத்ஸகம்
க்வசன தி³வஸே தை³த்யம் வத்ஸாக்ருதிம் த்வமுதை³க்ஷதா²: ॥3॥
ரப⁴ஸவிலஸத்புச்ச²ம் விச்சா²யதோஸ்ய விலோகயன்
கிமபி வலிதஸ்கன்த⁴ம் ரன்த்⁴ரப்ரதீக்ஷமுதீ³க்ஷிதம் ।
தமத² சரணே பி³ப்⁴ரத்³விப்⁴ராமயன் முஹுருச்சகை:
குஹசன மஹாவ்ருக்ஷே சிக்ஷேபித² க்ஷதஜீவிதம் ॥4॥
நிபததி மஹாதை³த்யே ஜாத்யா து³ராத்மனி தத்க்ஷணம்
நிபதனஜவக்ஷுண்ணக்ஷோணீருஹக்ஷதகானநே ।
தி³வி பரிமிலத் வ்ருன்தா³ வ்ருன்தா³ரகா: குஸுமோத்கரை:
ஶிரஸி ப⁴வதோ ஹர்ஷாத்³வர்ஷன்தி நாம ததா³ ஹரே ॥5॥
ஸுரபி⁴லதமா மூர்த⁴ன்யூர்த்⁴வம் குத: குஸுமாவலீ
நிபததி தவேத்யுக்தோ பா³லை: ஸஹேலமுதை³ரய: ।
ஜ²டிதி த³னுஜக்ஷேபேணோர்த்⁴வம் க³தஸ்தருமண்ட³லாத்
குஸுமனிகர: ஸோயம் நூனம் ஸமேதி ஶனைரிதி ॥6॥
க்வசன தி³வஸே பூ⁴யோ பூ⁴யஸ்தரே பருஷாதபே
தபனதனயாபாத:² பாதும் க³தா ப⁴வதா³த³ய: ।
சலிதக³ருதம் ப்ரேக்ஷாமாஸுர்ப³கம் க²லு விஸ்ம்ர்ருதம்
க்ஷிதித⁴ரக³ருச்சே²தே³ கைலாஸஶைலமிவாபரம் ॥7॥
பிப³தி ஸலிலம் கோ³பவ்ராதே ப⁴வன்தமபி⁴த்³ருத:
ஸ கில நிகி³லன்னக்³னிப்ரக்²யம் புனர்த்³ருதமுத்³வமன் ।
த³லயிதுமகா³த்த்ரோட்யா: கோட்யா ததா³ஶு ப⁴வான் விபோ⁴
க²லஜனபி⁴தா³சுஞ்சுஶ்சஞ்சூ ப்ரக்³ருஹ்ய த³தா³ர தம் ॥8॥
ஸபதி³ ஸஹஜாம் ஸன்த்³ரஷ்டும் வா ம்ருதாம் க²லு பூதனா-
மனுஜமக⁴மப்யக்³ரே க³த்வா ப்ரதீக்ஷிதுமேவ வா ।
ஶமனநிலயம் யாதே தஸ்மின் ப³கே ஸுமனோக³ணே
கிரதி ஸுமனோவ்ருன்த³ம் வ்ருன்தா³வனாத் க்³ருஹமையதா²: ॥9॥
லலிதமுரலீனாத³ம் தூ³ரான்னிஶம்ய வதூ⁴ஜனை-
ஸ்த்வரிதமுபக³ம்யாராதா³ரூட⁴மோத³முதீ³க்ஷித: ।
ஜனிதஜனநீனந்தா³னந்த:³ ஸமீரணமன்தி³ர-
ப்ரதி²தவஸதே ஶௌரே தூ³ரீகுருஷ்வ மமாமயான் ॥1௦॥