த்வத்ஸேவோத்கஸ்ஸௌப⁴ரிர்னாம பூர்வம்
காலின்த்³யன்தர்த்³வாத³ஶாப்³த³ம் தபஸ்யன் ।
மீனவ்ராதே ஸ்னேஹவான் போ⁴க³லோலே
தார்க்ஷ்யம் ஸாக்ஷாதை³க்ஷதாக்³ரே கதா³சித் ॥1॥
த்வத்³வாஹம் தம் ஸக்ஷுத⁴ம் த்ருக்ஷஸூனும்
மீனம் கஞ்சிஜ்ஜக்ஷதம் லக்ஷயன் ஸ: ।
தப்தஶ்சித்தே ஶப்தவானத்ர சேத்த்வம்
ஜன்தூன் போ⁴க்தா ஜீவிதம் சாபி மோக்தா ॥2॥
தஸ்மின் காலே காலிய: க்ஷ்வேலத³ர்பாத்
ஸர்பாராதே: கல்பிதம் பா⁴க³மஶ்னந் ।
தேன க்ரோதா⁴த்த்வத்பதா³ம்போ⁴ஜபா⁴ஜா
பக்ஷக்ஷிப்தஸ்தத்³து³ராபம் பயோகா³த் ॥3॥
கோ⁴ரே தஸ்மின் ஸூரஜானீரவாஸே
தீரே வ்ருக்ஷா விக்ஷதா: க்ஷ்வேலவேகா³த் ।
பக்ஷிவ்ராதா: பேதுரப்⁴ரே பதன்த:
காருண்யார்த்³ரம் த்வன்மனஸ்தேன ஜாதம் ॥4॥
காலே தஸ்மின்னேகதா³ ஸீரபாணிம்
முக்த்வா யாதே யாமுனம் கானநான்தம் ।
த்வய்யுத்³தா³மக்³ரீஷ்மபீ⁴ஷ்மோஷ்மதப்தா
கோ³கோ³பாலா வ்யாபிப³ன் க்ஷ்வேலதோயம் ॥5॥
நஶ்யஜ்ஜீவான் விச்யுதான் க்ஷ்மாதலே தான்
விஶ்வான் பஶ்யன்னச்யுத த்வம் த³யார்த்³ர: ।
ப்ராப்யோபான்தம் ஜீவயாமாஸித² த்³ராக்
பீயூஷாம்போ⁴வர்ஷிபி⁴: ஶ்ரீகடக்ஷை: ॥6॥
கிம் கிம் ஜாதோ ஹர்ஷவர்ஷாதிரேக:
ஸர்வாங்கே³ஷ்வித்யுத்தி²தா கோ³பஸங்கா⁴: ।
த்³ருஷ்ட்வாக்³ரே த்வாம் த்வத்க்ருதம் தத்³வித³ன்த-
ஸ்த்வாமாலிங்க³ன் த்³ருஷ்டனானாப்ரபா⁴வா: ॥7॥
கா³வஶ்சைவம் லப்³தஜ⁴ீவா: க்ஷணேன
ஸ்பீ²தானந்தா³ஸ்த்வாம் ச த்³ருஷ்ட்வா புரஸ்தாத் ।
த்³ராகா³வவ்ரு: ஸர்வதோ ஹர்ஷபா³ஷ்பம்
வ்யாமுஞ்சன்த்யோ மன்த³முத்³யன்னினாதா³: ॥8॥
ரோமாஞ்சோயம் ஸர்வதோ ந: ஶரீரே
பூ⁴யஸ்யன்த: காசிதா³னந்த³மூர்சா² ।
ஆஶ்சர்யோயம் க்ஷ்வேலவேகோ³ முகுன்தே³-
த்யுக்தோ கோ³பைர்னந்தி³தோ வன்தி³தோபூ⁴: ॥9॥
ஏவம் ப⁴க்தான் முக்தஜீவானபி த்வம்
முக்³தா⁴பாங்கை³ரஸ்தரோகா³ம்ஸ்தனோஷி ।
தாத்³ருக்³பூ⁴தஸ்பீ²தகாருண்யபூ⁴மா
ரோகா³த் பாயா வாயுகே³ஹாதி⁴வாஸ ॥1௦॥