கதா³சித்³கோ³பாலான் விஹிதமக²ஸம்பா⁴ரவிப⁴வான்
நிரீக்ஷ்ய த்வம் ஶௌரே மக⁴வமத³முத்³த்⁴வம்ஸிதுமனா: ।
விஜானந்னப்யேதான் வினயம்ருது³ நன்தா³தி³பஶுபா-
நப்ருச்ச:² கோ வாயம் ஜனக ப⁴வதாமுத்³யம இதி ॥1॥
ப³பா⁴ஷே நன்த³ஸ்த்வாம் ஸுத நனு விதே⁴யோ மக⁴வதோ
மகோ² வர்ஷே வர்ஷே ஸுக²யதி ஸ வர்ஷேண ப்ருதி²வீம் ।
ந்ருணாம் வர்ஷாயத்தம் நிகி²லமுபஜீவ்யம் மஹிதலே
விஶேஷாத³ஸ்மாகம் த்ருணஸலிலஜீவா ஹி பஶவ: ॥2॥
இதி ஶ்ருத்வா வாசம் பிதுரயி ப⁴வானாஹ ஸரஸம்
தி⁴கே³தன்னோ ஸத்யம் மக⁴வஜனிதா வ்ருஷ்டிரிதி யத் ।
அத்³ருஷ்டம் ஜீவானாம் ஸ்ருஜதி க²லு வ்ருஷ்டிம் ஸமுசிதாம்
மஹாரண்யே வ்ருக்ஷா: கிமிவ ப³லிமின்த்³ராய த³த³தே ॥3॥
இத³ம் தாவத் ஸத்யம் யதி³ஹ பஶவோ ந: குலத⁴னம்
ததா³ஜீவ்யாயாஸௌ ப³லிரசலப⁴ர்த்ரே ஸமுசித: ।
ஸுரேப்⁴யோப்யுத்க்ருஷ்டா நனு த⁴ரணிதே³வா: க்ஷிதிதலே
ததஸ்தேப்யாராத்⁴யா இதி ஜக³தி³த² த்வம் நிஜஜனான் ॥4॥
ப⁴வத்³வாசம் ஶ்ருத்வா ப³ஹுமதியுதாஸ்தேபி பஶுபா:
த்³விஜேன்த்³ரானர்சன்தோ ப³லிமத³து³ருச்சை: க்ஷிதிப்⁴ருதே ।
வ்யது⁴: ப்ராத³க்ஷிண்யம் ஸுப்⁴ருஶமனமன்னாத³ரயுதா-
ஸ்த்வமாத³ஶ்ஶைலாத்மா ப³லிமகி²லமாபீ⁴ரபுரத: ॥5॥
அவோசஶ்சைவம் தான் கிமிஹ விதத²ம் மே நிக³தி³தம்
கி³ரீன்த்³ரோ நன்வேஷ ஸ்வப³லிமுபபு⁴ங்க்தே ஸ்வவபுஷா ।
அயம் கோ³த்ரோ கோ³த்ரத்³விஷி ச குபிதே ரக்ஷிதுமலம்
ஸமஸ்தானித்யுக்தா ஜஹ்ருஷுரகி²லா கோ³குலஜுஷ: ॥6॥
பரிப்ரீதா யாதா: க²லு ப⁴வது³பேதா வ்ரஜஜுஷோ
வ்ரஜம் யாவத்தாவன்னிஜமக²விப⁴ங்க³ம் நிஶமயன் ।
ப⁴வன்தம் ஜானந்னப்யதி⁴கரஜஸாக்ரான்தஹ்ருத³யோ
ந ஸேஹே தே³வேன்த்³ரஸ்த்வது³பரசிதாத்மோன்னதிரபி ॥7॥
மனுஷ்யத்வம் யாதோ மது⁴பி⁴த³பி தே³வேஷ்வவினயம்
வித⁴த்தே சேன்னஷ்டஸ்த்ரித³ஶஸத³ஸாம் கோபி மஹிமா ।
ததஶ்ச த்⁴வம்ஸிஷ்யே பஶுபஹதகஸ்ய ஶ்ரியமிதி
ப்ரவ்ருத்தஸ்த்வாம் ஜேதும் ஸ கில மக⁴வா து³ர்மத³னிதி⁴: ॥8॥
த்வதா³வாஸம் ஹன்தும் ப்ரலயஜலதா³னம்ப³ரபு⁴வி
ப்ரஹிண்வன் பி³ப்⁴ராண; குலிஶமயமப்⁴ரேப⁴க³மன: ।
ப்ரதஸ்தே²ன்யைரன்தர்த³ஹனமருதா³த்³யைவிம்ஹஸிதோ
ப⁴வன்மாயா நைவ த்ரிபு⁴வனபதே மோஹயதி கம் ॥9॥
ஸுரேன்த்³ர: க்ருத்³த⁴ஶ்சேத் த்³விஜகருணயா ஶைலக்ருபயா-
ப்யனாதங்கோஸ்மாகம் நியத இதி விஶ்வாஸ்ய பஶுபான் ।
அஹோ கின்னாயாதோ கி³ரிபி⁴தி³தி ஸஞ்சின்த்ய நிவஸன்
மருத்³கே³ஹாதீ⁴ஶ ப்ரணுத³ முரவைரின் மம க³தா³ன் ॥1௦॥