இதி த்வயி ரஸாகுலம் ரமிதவல்லபே⁴ வல்லவா:
கதா³பி புரமம்பி³காமிதுரம்பி³காகானநே ।
ஸமேத்ய ப⁴வதா ஸமம் நிஶி நிஷேவ்ய தி³வ்யோத்ஸவம்
ஸுக²ம் ஸுஷுபுரக்³ரஸீத்³வ்ரஜபமுக்³ரனாக³ஸ்ததா³ ॥1॥
ஸமுன்முக²மதோ²ல்முகைரபி⁴ஹதேபி தஸ்மின் ப³லா-
த³முஞ்சதி ப⁴வத்பதே³ ந்யபதி பாஹி பாஹீதி தை: ।
ததா³ க²லு பதா³ ப⁴வான் ஸமுபக³ம்ய பஸ்பர்ஶ தம்
ப³பௌ⁴ ஸ ச நிஜாம் தனும் ஸமுபஸாத்³ய வைத்³யத⁴ரீம் ॥2॥
ஸுத³ர்ஶனத⁴ர ப்ரபோ⁴ நனு ஸுத³ர்ஶனாக்²யோஸ்ம்யஹம்
முனீன் க்வசித³பாஹஸம் த இஹ மாம் வ்யது⁴ர்வாஹஸம் ।
ப⁴வத்பத³ஸமர்பணாத³மலதாம் க³தோஸ்மீத்யஸௌ
ஸ்துவன் நிஜபத³ம் யயௌ வ்ரஜபத³ம் ச கோ³பா முதா³ ॥3॥
கதா³பி க²லு ஸீரிணா விஹரதி த்வயி ஸ்த்ரீஜனை-
ர்ஜஹார த⁴னதா³னுக:³ ஸ கில ஶங்க²சூடோ³ப³லா: ।
அதித்³ருதமனுத்³ருதஸ்தமத² முக்தனாரீஜனம்
ருரோஜித² ஶிரோமணிம் ஹலப்⁴ருதே ச தஸ்யாத³தா³: ॥4॥
தி³னேஷு ச ஸுஹ்ருஜ்ஜனைஸ்ஸஹ வனேஷு லீலாபரம்
மனோப⁴வமனோஹரம் ரஸிதவேணுனாதா³ம்ருதம் ।
ப⁴வன்தமமரீத்³ருஶாமம்ருதபாரணாதா³யினம்
விசின்த்ய கிமு நாலபன் விரஹதாபிதா கோ³பிகா: ॥5॥
போ⁴ஜராஜப்⁴ருதகஸ்த்வத² கஶ்சித் கஷ்டது³ஷ்டபத²த்³ருஷ்டிரரிஷ்ட: ।
நிஷ்டு²ராக்ருதிரபஷ்டு²னினாத³ஸ்திஷ்ட²தே ஸ்ம ப⁴வதே வ்ருஷரூபீ ॥6॥
ஶாக்வரோத² ஜக³தீத்⁴ருதிஹாரீ மூர்திமேஷ ப்³ருஹதீம் ப்ரத³தா⁴ன: ।
பங்க்திமாஶு பரிகூ⁴ர்ண்ய பஶூனாம் ச²ன்த³ஸாம் நிதி⁴மவாப ப⁴வன்தம் ॥7॥
துங்க³ஶ்ருங்க³முக²மாஶ்வபி⁴யன்தம் ஸங்க்³ருஹய்ய ரப⁴ஸாத³பி⁴யம் தம் ।
ப⁴த்³ரரூபமபி தை³த்யமப⁴த்³ரம் மர்த³யன்னமத³ய: ஸுரலோகம் ॥8॥
சித்ரமத்³ய ப⁴க³வன் வ்ருஷகா⁴தாத் ஸுஸ்தி²ராஜனி வ்ருஷஸ்தி²திருர்வ்யாம் ।
வர்த⁴தே ச வ்ருஷசேதஸி பூ⁴யான் மோத³ இத்யபி⁴னுதோஸி ஸுரைஸ்த்வம் ॥9॥
ஔக்ஷகாணி பரிதா⁴வத தூ³ரம் வீக்ஷ்யதாமயமிஹோக்ஷவிபே⁴தீ³ ।
இத்த²மாத்தஹஸிதை: ஸஹ கோ³பைர்கே³ஹக³ஸ்த்வமவ வாதபுரேஶ ॥1௦॥