ராமேத² கோ³குலக³தே ப்ரமதா³ப்ரஸக்தே
ஹூதானுபேதயமுனாத³மனே மதா³ன்தே⁴ ।
ஸ்வைரம் ஸமாரமதி ஸேவகவாத³மூடோ⁴
தூ³தம் ந்யயுங்க்த தவ பௌண்ட்³ரகவாஸுதே³வ: ॥1॥
நாராயணோஹமவதீர்ண இஹாஸ்மி பூ⁴மௌ
த⁴த்ஸே கில த்வமபி மாமகலக்ஷணானி ।
உத்ஸ்ருஜ்ய தானி ஶரணம் வ்ரஜ மாமிதி த்வாம்
தூ³தோ ஜகா³த³ ஸகலைர்ஹஸித: ஸபா⁴யாம் ॥2॥
தூ³தேத² யாதவதி யாத³வஸைனிகைஸ்த்வம்
யாதோ த³த³ர்ஶித² வபு: கில பௌண்ட்³ரகீயம் ।
தாபேன வக்ஷஸி க்ருதாங்கமனல்பமூல்ய-
ஶ்ரீகௌஸ்துப⁴ம் மகரகுண்ட³லபீதசேலம் ॥3॥
காலாயஸம் நிஜஸுத³ர்ஶனமஸ்யதோஸ்ய
காலானலோத்கரகிரேண ஸுத³ர்ஶனேன ।
ஶீர்ஷம் சகர்தித² மமர்தி³த² சாஸ்ய ஸேனாம்
தன்மித்ரகாஶிபஶிரோபி சகர்த² காஶ்யாம் ॥4॥
ஜால்யேன பா³லககி³ராபி கிலாஹமேவ
ஶ்ரீவாஸுதே³வ இதி ரூட⁴மதிஶ்சிரம் ஸ: ।
ஸாயுஜ்யமேவ ப⁴வதை³க்யதி⁴யா க³தோபூ⁴த்
கோ நாம கஸ்ய ஸுக்ருதம் கத²மித்யவேயாத் ॥5॥
காஶீஶ்வரஸ்ய தனயோத² ஸுத³க்ஷிணாக்²ய:
ஶர்வம் ப்ரபூஜ்ய ப⁴வதே விஹிதாபி⁴சார: ।
க்ருத்யானலம் கமபி பா³ண்ரரணாதிபீ⁴தை-
ர்பூ⁴தை: கத²ஞ்சன வ்ருதை: ஸமமப்⁴யமுஞ்சத் ॥6॥
தாலப்ரமாணசரணாமகி²லம் த³ஹன்தீம்
க்ருத்யாம் விலோக்ய சகிதை: கதி²தோபி பௌரை: ।
த்³யூதோத்ஸவே கிமபி நோ சலிதோ விபோ⁴ த்வம்
பார்ஶ்வஸ்த²மாஶு விஸஸர்ஜித² காலசக்ரம் ॥7॥
அப்⁴யாபதத்யமிததா⁴ம்னி ப⁴வன்மஹாஸ்த்ரே
ஹா ஹேதி வித்³ருதவதீ க²லு கோ⁴ரக்ருத்யா।
ரோஷாத் ஸுத³க்ஷிணமத³க்ஷிணசேஷ்டிதம் தம்
புப்லோஷ சக்ரமபி காஶிபுரீமதா⁴க்ஷீத் ॥8॥
ஸ க²லு விவிதோ³ ரக்ஷோகா⁴தே க்ருதோபக்ருதி: புரா
தவ து கலயா ம்ருத்யும் ப்ராப்தும் ததா³ க²லதாம் க³த: ।
நரகஸசிவோ தே³ஶக்லேஶம் ஸ்ருஜன் நக³ரான்திகே
ஜ²டிதி ஹலினா யுத்⁴யன்னத்³தா⁴ பபாத தலாஹத: ॥9॥
ஸாம்ப³ம் கௌரவ்யபுத்ரீஹரணனியமிதம் ஸான்த்வனார்தீ² குரூணாம்
யாதஸ்தத்³வாக்யரோஷோத்³த்⁴ருதகரினக³ரோ மோசயாமாஸ ராம: ।
தே கா⁴த்யா: பாண்ட³வேயைரிதி யது³ப்ருதனாம் நாமுசஸ்த்வம் ததா³னீம்
தம் த்வாம் து³ர்போ³த⁴லீலம் பவனபுரபதே தாபஶான்த்யை நிஷேவே ॥1௦॥